Rm 10:2 - Meta’

² Mə we tɨ̀ mə ben ni ɨ mbɨə zɨ̀ ətu nɨ faʼ əmbɨ ə Ŋwiə̀, àyɨə chəi mbɨ zɨ ətu yeʼ ɨgun ənû ze nɨ mbɨ kyerɨ ɨmbə̀ʼ ə Ŋwiə̀.

Ikan feg

² Mə kyèri gha mbɔb kɔ̀ŋ ni fàʼ abə Ŋwiye ane fìŋ ifibì, si ya gha, chəyi mbi taŋ kyèri inɔnjì nì fàʼ ibo.

Rm 10:2 Кръстосани препратки

Jn 16:2

Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Ɨ̀fàʼì 21:20

Ənɨ mbɨ nyaʼa zu ənû zɔ̂, mbɨ nyaʼa yiirɨ ə Ŋwiə̀, ghà əmbɨ Pɔ̂l ni, “Aŋgɔb, zə ɨchî nɨ mɨ̀Jû, chuʼ mbɨ ə chuʼ fə ben ə Kristo. Mɨ̀mə̌d mɨjìm fə zɨ̀ ətu nɨ nuŋ tɨkə rɨ Mose.

Ɨ̀fàʼì 21:28

kyeŋ rɨkǎ ghà ni, “Mɨ̀Izre, mbə̀ weerɨ əwa! Mbaŋə̀ zɔ̂ zɨə chwiə ɨŋga ɨsɨ jìm ni bə̂d ban mɨ̀Izre, ban tɨkə rɨ Mose bə̀ ban əsɨ zɔ̂. Tɨ̀nîn wɨ̀ fə nɨŋ mbaŋə̀ nɨ kaʼi mɨ̀Jû yeʼe mbɨ rɨwən ɨŋga mbàn Ŋwìə̀. Əne mbɨ fə tìbrɨ̀ əsɨ ə zeŋɨ zɔ̂.”

Ɨ̀fàʼì 22:22

Bə̂d mbe mbɨə nyaʼə zwetɨ ɨŋgam Pɔ̂l yeʼe pè ənɨ wɨ̀ nyaʼa gha ɨŋgam wɔ̂. Əne mbɨ nyaʼa kɔ kyeŋ rɨ̀kǎ ghà ni, “Mbə̀ nimnɨ mbaŋə̀ zɔ̂ rɨŋga ɨsɨg! Wɨ̀ rɨka kuʼi nɨ wɨrɨ chub ɨkǎ!”

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Rm 10:1

Mbɨ bɔŋgɔb, əghɨ ze nɨ mɨ fîŋ ə kə̀bə̀, nɨ mɨə bə̀ kɔ̀ŋgɨ̀ ə Ŋwiə̀ ɨmbə̀ʼ əzɨ əwən yɨ ni wɨ̀ chɨ mɨ̀Izre rəŋgəʼ.

Rm 10:3

Chəi mbɨ kyerɨ ɨchî nɨ Ŋwiə̀ ə ghɨ̀ ni bə̂d təm kùʼnɨ̀. Ɨ mbɨə kə̀bə̀ yeʼ mbə mɨnə̂njɨ̀ nɨ ghɨ ni mbə̀ təm kùʼnɨ̀. Chəi mbɨ nyaʼa gundɨ ə si ɨmbə̀ʼ Ŋwiə̀ ghɨ ni mbɨ təm kùʼnɨ̀.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

2 Kɔrèn 8:3

Mə we tɨ̀ mə ghà ni mbɨ nyaʼa nàʼ ɨkab chè ɨchî nɨ mbɨ nyaʼa berɨ. Mbɨ nyaʼa nàʼ ɨchî nɨ mbɨ nyaʼa ghaʼ nɨ naʼ, kaʼi ni mbɨ nyaʼa nyèŋ mɨ̀mə̌d.

Gàlesìyà 1:14

Mə wɨə nyaʼə wò ɨmbì ənɨ ənû ə Ŋwiə̀ mɨ̀Jû chè mɨ̀Jû nɔnɔʼ nɨ nyaʼa tum rɨ̀ghə̀m. Mə nyaʼa kàŋ jeŋgɨ zɨ̀ ətu nɨ ghɨ ɨnû mbe nɨ mba mɨ̀mbǎʼ rəŋwe nyaʼə ghɨ̀ə̀.

Gàlesìyà 4:15

Mbə mbɨə nyaʼa kɨə ghaʼrɨə. À kɨ ənû ə ye sɨ ghɨ ə? Mə we tɨ̀ mə ghà ni, à mɨ yeʼ nɨ ɨchî nyaʼa chwiə, njɨ mbə nyaʼa ghɨ̀ ɨnû jìm ɨ num, ka àbei nɨ chɔʼrɨ ə əghə nàʼ ɨ num.

Fìlipì 1:9

Mə wɨə kɔ̀ŋgɨ̀ ə Ŋwiə̀ ni mbə̀ ghaʼ mbə bɔŋgɔb wò ɨmbì. Mə wɨə bə̀ kɔ̀ŋgɨ̀ə̀ ni mbə̀ kyerɨ rəsìʼ ɨmbə̀ʼ ə Ŋwiə̀ bə̀ kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ,

Fìlipì 3:6

Ɨ zɨ ətu ənɨ ənû ə mɔʼɔ, mə wɨə nyaʼə nwèndɨ̀ rɨkyerɨ-ɨwu bə̂d Kristo. Ɨ təm kùʼnɨ̀ ɨchî nɨ rɨkə chwiə, chəi bə̂d kweʼ ghà ənû rɨbɔ̀ŋ ɨmbə̀ʼ əmɨ.

Kòlosè 4:13

Mɔ̌ yɨə zərɨmbin ɨ bɔ ni wɨ̀ fə faʼ kwàʼ rɨ̀kǎ ɨ nən bə̀ fàʼ kwàʼ rɨ̀kǎ əmbɨ bə̂d mbe nɨ yeʼ ə Laodisià fɔrɨ ə Hirapolìs.