Rm 1:16 - Meta’

¹⁶ Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Ikan feg

¹⁶ Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 1:16 Кръстосани препратки

Mk 8:38

Ətu ə wə̀d mɔʼɔ mɨ yeʼə nìd ɨmbə̀ʼ əmɨ fɔrɨ ɨmbə̀ʼ mɨ ɨŋgam ɨŋga ɨghəm bə̂d wɔ̂ nɨ chəi wɨə wumnɨ ə Ŋwiə̀, nɨ wɨə bə̀ ghɨ̀ yeʼ ɨnû rɨbɔ̀ŋ, njɨ ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ ə nyùmə̀ we nɨ wɨ̀ wɨrɨ yeʼe mbɨ mbi mbɨ̀aŋgɨrə̀ zeŋɨ mbɨ ɨka we nɨ Mbǎʼ naʼ ɨ bɔ ni wɨ̀ tumbɨ ɨsɨg.”

Lk 9:26

Ətu ə mɨ nìd wə̀d mɔʼɔ ɨmbə̀ʼ əmɨ fɔrɨ ɨmbə̀ʼ mɨ ɨŋgam, ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ wɨ̀ yeʼe ɨghabɨ ɨfɔ̀n mbɨ ɨka we nɨ Mbǎʼ naʼ ɨ bɔ bə̀ fɔrɨ mbɨ ɨwumnɨ we nɨ mbɨ̀aŋgɨrə̀ zeŋɨ bə̀ nàʼ ɨ bɔ.

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Rm 10:17

Əne ɨbenɨ wɨə yeʼe tɨ ənɨ ɨnû mbe nɨ bə̂d ə zuə, ɨnû mbe nɨ bə̂d ə zuə mbɨə yeʼe ənjìm ɨnû mbe nɨ mbɨ ghà ɨmbə̀ʼ ə Kristo.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 15:29

Mə kyerɨ ni ənɨ mə yeʼe əsɨ nən, əbɔrəbɔd ze nɨ Kristo ə nàʼ əbu əbu ə bɨrɨ swi ɨgwɨ nən.

Rm 2:9

Ŋgəʼ nɨ che əbɔ bɨrɨ nyɨ ɨgun ə wə̀d jìm we nɨə ghɨ̀ ɨnû rɨbɔ̀ŋ. Zɨ̀ bɨrɨ be nyɨ ɨgun mɨ̀Jû, beenɨ nyɨ ɨgun ə bə̂d mbe nɨ kaʼi mɨ̀Jû.

Rm 4:11

Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

1 Kɔrèn 15:2

Mbə bɨrɨ jwɨ̀ rəŋgəʼ ənjìm ɨkə̂n chɔ̀m wɔ̂ əwù ze nɨ mbə̀ yim ɨŋgam Ŋwiə̀ we nɨ mə̀ gha ɨ nən wɨ kàànɨ̀. Mbə mɨ ton ghɨ ə əne, njɨ ɨnû mbe nɨ mbə̀ benɨ yɨ ətu ə̀kǒ.

1 Kɔrèn 2:2

ɨmbə̀ʼ ɨghəm nɨ ənɨ mə̀ nyaʼa mbɨ nən, mə nyaʼa nùŋ ɨŋga mɨ fîŋ ni chəi mə bɨrɨ gha ənû ə cherə chè rɨ ənɨ ənû ɨmbə̀ʼ ə Yeso Kristo fɔrɨ ənû ɨmbə̀ʼ ɨchî nɨ mbɨ nyaʼa kombɨ əməd əzed ə baʼnɨ.

1 Kɔrèn 2:4

Ənɨ mə̀ nyaʼə ghà ɨŋgam Ŋwiə̀ ɨ nən, chəi mə̀ nyaʼa nɨŋ ɨwe mbɨ ɨŋgam nəmɨ nəmɨ bɔŋ ghàm. Mə wɨə nyaʼə ghàə̀ yeʼ ɨchî nɨ Əzwî ə nyaʼə chwi ɨnə̂njɨ̀ ɨ num bə̀ nàʼ ɨka ɨ num.

1 Kɔrèn 9:12

Bə̂d mɔʼɔ mɨ berɨ ɨka nɨ biirɨ ɨghɨ mbɔ̂ rɨ nən, njɨ chəi tɨ̀ berɨ ɨka chè mɨ̀mə̌d ə? Àyɨə chəi tɨ̀ nɨŋ ɨka we. Tɨ̀ fə nyiʼ ɨnû jìm ɨmbə̀ʼ tɨ rɨ̀ kən a ɨkə̂n chɔ̀m we nɨ tɨə ghà ɨmbə̀ʼ ə Kristo.

1 Kɔrèn 9:18

Əne mɨ ɨchɔʼ ə̀fàʼì kɨə ye ə? Àmei ni mə mɨ yeʼə ghà ɨkə̂n chɔ̀m, tɨ mə̀ ghɨ əmɨ ni bə̂d chwɨ əmɨ. Əne chəi mə bɨrɨ nɨŋ ɨka we nɨ mə berɨ ɨmbə̀ʼ ghɨ̀ ni mbə̀ chwɨ əmɨ.

2 Kɔrèn 2:12

Ənɨ mə nyaʼa wò ə Troàs ɨ gha ɨkə̂n chɔ̀m ɨmbə̀ʼ ə Kristo əŋgu, Ə̀nùŋɨ̀sɨg nyaʼa chwi əpan ɨ num ni mə faʼ ɨ bɔ.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 9:13

Mbə mɨ yeʼə ghɨ̀ ɨnû ɨghabɨ mbɔ̂, njɨ mbə fə chwi ɨkwɨ bə̂d mbe nɨ mbə̀ yeʼ mbɨwən. Əne bə̂d mɨ̀nɔnɔʼ bɨrɨ yiirɨ ə Ŋwiə̀ ɨmbə̀ʼ ɨchî nɨ mbə̀ beenɨ əbɔʼ ɨkə̂n chɔ̀m we nɨ mbə̀ nyaʼa ben ɨmbə̀ʼ ə Kristo. Mbɨ bɨrɨ bɨ naʼ məben-əwe əmbɨ ə Ŋwiə̀ ɨmbə̀ʼ ɨghɨ mbe nɨ mbə̀ naʼ əmbɨ mɨ̀mə̌d fɔrɨ ɨmbə̀ʼ mbe nɨ mbə̀ naʼ əmbɨ ə bə̂d cherə.

Gàlesìyà 1:7

Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 1:16

Mə wɨə kɔ̀ŋgɨ̀ Ə̀nùŋɨ̀sɨg ni wɨ̀ diirɨ bə̂d mbe rɨŋga nəb Ònèsiforùs, ɨmbə̀ʼ ɨghəm nɨ məd wɨə nyaʼa kɨə zùtɨ̀ mɨ fîŋ. Chəi ətu əməd ə nyaʼa nid ɨmbə̀ʼ əmɨ ɨchî nɨ mə nyaʼa ə nəb ndəŋ.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Mə̀Hibrù 4:12

Ɨŋgam Ŋwiə̀ wɨ ɨkǎ. Ɨ wɨə bə̀ ghɨ̀ ənû ze nɨ Ŋwìə̀ kəbɨ. Wɨ tɔ chè ɨbi ɨba jìm. Ɨ wɨə zum ə wə̀d wò pè əsɨ ze nɨ ɨ̀tènɨ̀ mbɨ əzwî ghabrə. Ɨ wɨə bə̀ wò pè əsɨ ze nɨ tɨnaanɨ ɨnyod mbɨ rɨfɔm ghabrə. Ɨ wɨə saʼə tɨkɔndɨ bə̂d bə̀ saʼ ɨnû mbe nɨ fîŋ tɨ mɨ̀mə̌d ə kə̀bə̀.

1 Pità 4:16

Àyɨə wə̀d mɔʼɔ rəbɔʼ nən mɨ yeʼə zəə ŋgəʼ ɨmbə̀ʼ ɨghəm nɨ məd yɨə wə̀d Kristo, tɨ ətu ə məd ə nid i. Wɨ̀ yiirɨ ə Ŋwiə̀ ɨmbə̀ʼ ɨghəm nɨ wɨ̀ ben ɨkum Kristo.