Mk 7:5 - Meta’

⁵ Mɨ̀Farisiî mbe mbɨ məchwiə̀ rɨ̀kə̌ mbe nyaʼa biirɨ ɨ bɔ ni, “Əton nɨ chəi mbe mə̀mə̀ə̀nɨ̀-ɨnû ə nùŋ mɨchî əbeŋ mbe nɨ mba mɨ̀mbǎʼ rəŋwe nyaʼa nuŋɨ kɨ ɨmbə̀ʼ ə yè ə? Mbɨ kɨə jɨgə mbɨ ɨbɔ nɨ chəi mbɨ zeŋ ɨchî nɨ zɨə yeʼ ɨŋga rɨ̀kə̌ ɨmbə̀ʼ ə yè ə?”

Ikan feg

⁵ Mə̀Farìsi mbe tì mə̀chwitì mə̀nɔ̀ʼɔ̀ mbe ya biri ibo gha, “Aton ne chəyi ìmbe mə̀mə̀nənùg mbe nɔ̀ŋɔ̀ inug aben mbe ne ìmba mə̀mbaʼ mbe te aneg ya nɔŋi àkə imbə̀ʼ aghə? Aton ne mbɔb mbe jə̀ghə ane ibo ne chəyi mbi zḛ icheg ne ze yaʼi inga mə̀nɔ̀ʼɔ̀ àkə imbə̀ʼ aghə?”

Mk 7:5 Кръстосани препратки

Matìyò 15:2

“Əton nɨ chəi mbe mə̀mə̀ə̀nɨ̀-ɨnû ə nùŋ mɨchî əbeŋ mbe nɨ mɨ̀mbǎʼ rəŋwe nyaʼa nuŋɨ kɨ ɨmbə̀ʼ ə yè ə? Chəi mɨ̀mə̌d ə sò ɨbɔ ɨchî nɨ rɨkə chwiə bɔŋ jɨg.”

Mk 7:13

Ənɨ ɨkwɨ ɨchî wɔ̂, mbə mbɨə nimnɨ ɨŋgam Ŋwiə̀ ənjìm mbə mɨchî əbeŋ mbe nɨ mbə̀ə chwi əmbɨ ə bə̂d. Mbə mbɨə bə̀ ghɨ̀ ɨnû cherə nɔnɔʼ ɨghabɨ mbɔ̂.”

Mk 7:8

“Mbə fə sàŋ tɨkə rɨ Ŋwiə̀, sɨ jeŋgɨ yim yeʼ mɨchî bə̂d.”

Mk 7:9

Wɨ̀ nyaʼa yì ghà əmbɨ mɨ̀mə̌d ni, “Mbə berɨ ɨchî chɔ̀m nɨ ton tɨkə rɨ Ŋwiə̀ ɨmbə̀ʼ nuŋ yeʼ mbə mɨchî əbeŋ!

Ɨ̀fàʼì 21:21

Bə̂d fə ghà əmbɨ mɨ̀mə̌d ɨmbə̀ʼ əwe, ni à wɨə ghà əmbɨ mɨ̀Jû mbe nɨ yeʼ əkaʼ bə̂d mbe nɨ kaʼi mɨ̀Jû ni tɨ mbɨ nuŋ ə tɨkə rɨ Mose, ni tɨ mbɨ ne ə mbə bɔn mbaŋə̀ fɔrɨ ni tɨ mbɨ beenɨ ə əbɔʼ mɨchî əbeŋ mɨ̀Jû.

Ɨ̀fàʼì 21:24

Nɨŋ mbaŋə̀ tɔ̂ wò zeŋnɨ e ɨnyod bə̀ zeŋnɨ mɨ̀mə̌d, əne nàʼ ɨghɨ ə̀fà mbe nɨ mbɨ berɨ nɨ nàʼ. À mɨ ghɨ̀ əne, mbɨ bɨrɨ serɨ mbə ɨtu. Əne bə̂d mɨjìm bɨrɨ kyerɨ ni chəi rəsìʼ ənɨ ɨnû mbe nɨ mbɨ zu ɨmbə̀ʼ əwe. Mbɨ bɨrɨ kyerɨ ni à wɨə nùŋə̀ tɨkə rɨ Mose.

Rm 4:12

Abràham yɨə bə̀ ə mbǎʼ kyeŋ əmbɨ ə bə̂d mbe nɨ mbɨ ne mɨ̀mə̌d. Ka àmei ni mbɨ fə ne mɨ̀mə̌d, à yɨə bə̂ ni ɨ mbɨə beenɨ əbɔʼ ɨbenɨ we nɨ a mbǎʼ kyeŋ Abràham nyaʼa berɨ bɔŋ mbɨ nyaʼa sɨə ne əməd.

Gàlesìyà 1:14

Mə wɨə nyaʼə wò ɨmbì ənɨ ənû ə Ŋwiə̀ mɨ̀Jû chè mɨ̀Jû nɔnɔʼ nɨ nyaʼa tum rɨ̀ghə̀m. Mə nyaʼa kàŋ jeŋgɨ zɨ̀ ətu nɨ ghɨ ɨnû mbe nɨ mba mɨ̀mbǎʼ rəŋwe nyaʼə ghɨ̀ə̀.

2 Tès 3:11

Tɨ̀ wɨə ghà əne ɨmbə̀ʼ ɨghəm nɨ mbɨ fə ghà ɨ na ni bə̂d mɔʼɔ rəbɔʼ nən yɨ mɨgwed. Mbɨ yɨ mbɨ-aŋganyiʼ, nɨ chəi mbɨə fàʼ əghɨ ə mɔʼɔ.

2 Tès 3:6

Mba bɔŋgɔb, tɨ̀ wɨə ghà ɨ nən ənɨ ɨkum Ə̀nùŋɨ̀sɨg Yeso Kristo ni tɨ mbə̀ jɨgnɨ ə mbɨ ə bə̂d Kristo mbe nɨə ghɨ̀ ɨgwed, nɨ chəi mbɨə beenɨ əbɔʼ rɨkə te nɨ tɨ̀ nyaʼa naʼ ɨ nən.