Mk 5:7 - Meta’

⁷ kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Ikan feg

⁷ kyen ane gì ka ka gha, “Yeso Ŋwan Ŋwiyekɔʼ, àghò kə̀ beri anug ye ni ghì tì inum? Mə boʼ ibo ine ane ikum Ŋwiye gha imbə̀ʼ àghò chə awe aghum!”

Mk 5:7 Кръстосани препратки

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Matìyò 4:3

Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Mk 14:61

Yeso nyaʼa kəm rəziə. Chəi wɨ̀ nyaʼa gha ənû ə mɔʼɔ. Əne ətu ɨgwɨ ə bə̂d mbàn Ŋwìə̀ nyaʼa yì biirɨ ɨ bɔ ni, “Àwɔ̀ wa kɨə Wə̀d we nɨ Ŋwìə̀ zɔʼɔ, nɨ bə̀ yeʼ Wan Ŋwìə̀ we nɨ bə̂d ə wumnɨə ə?”

Mk 3:11

Ənɨ bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d nyaʼa zə əməd, mbɨ nyaʼa gù ə si ɨfě ɨ bɔ, kyeŋ rɨkǎ ghà ni, “Àwɔ̀ yɨə Wan Ŋwìə̀!”

Mk 5:6

Ənɨ wɨ̀ nyaʼa zə ə Yeso rɨ əsa əgha, wɨ̀ nyaʼa nòrə̀ wò chìndɨ̀ ɨtu ɨnywɨ ɨfě ɨ bɔ,

Mk 5:8

Wɨ̀ nyaʼa ghà əne ɨmbə̀ʼ ɨghəm nɨ Yeso nyaʼa be gha ɨ bɔ ni, “Àwɔ̀ əzwî rɨbɔ̀ŋ, jwɨ e rɨŋga mbaŋə̀ zɔ̂!”

Lk 1:32

Wɨ̀ bɨrɨ yeʼ ədabɨ ə wə̀d. Mbɨ bɨrɨ tɔŋ əməd ənɨ Wan Ə̀chè-ɨsɨg. Ə̀nùŋɨ̀sɨg Ŋwìə̀ bɨrɨ nuŋ əməd ənɨ ɨfɔ̀n ɨchî nɨ wɨ̀ nyaʼa nuŋ ə Dèvîd nɨ nyaʼə mbǎʼ məd rəŋwe.

Lk 4:34

“Aa! Yeso rɨ ə Nazàret! À berɨ ənû ə ye nɨ ghɨ̀ mbɨ na ə? À wa fə yeʼe ɨmbə̀ʼ nimnɨ əwa ə? Mə kyerɨ wə̀d we nɨ àwɔ̀ yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Lk 8:28

Ənɨ wɨ̀ nyaʼa zə ə Yeso, wɨ̀ nyaʼa kyeŋ kwàʼ rɨ̀kǎ, gù ɨfě ɨ bɔ, kyeŋ ənɨ ə gɨ̂ kǎ kǎ ghà ni, “Yeso, Wan Ŋwìə̀ Ə̀chè-ɨsɨg! À berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ni tɨrə̀ chə e əmɨ!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Ɨ̀fàʼì 16:17

Ɨ wɨə nyaʼə beenɨ əbɔʼ Pɔ̂l mbɨ na, yènə̀ kyeŋə ghàə̀ ni, “Bə̂d mbɔ̂ yɨə bə̂d ə̀fàʼì Ŋwiə̀ Ə̀chè-ɨsɨg. Mɨ̀mə̌d mbɨə ghà ɨnû ɨmbə̀ʼ ɨnə̂njɨ̀ we nɨ tɨ̀ bə̂d chè əŋgu jwɨ̀ rəŋgəʼ.”

Ɨ̀fàʼì 19:13

Mɨ̀Jû mɔʼɔ mbe nɨ nyaʼa yènə̀ chɨ̀ ɨzwî rɨbɔ̀ŋ nyaʼa bə̀ kə̀b nɨ tɔŋ ɨkum Ə̀nùŋɨ̀sɨg Yeso ɨgwɨ ə bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d. Ɨ mbɨə nyaʼə ghà əmbɨ ɨzwî rɨbɔ̀ŋ mbe ni, “Mə ghà ɨ nən ənɨ ɨkum Yeso we nɨ Pɔ̂l ə ghà ɨŋgam Ŋwiə̀ ɨmbə̀ʼ əməd ni mbə̀ jwɨ ə.”

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Rm 16:20

Ŋwiə̀ we nɨə nàʼ əbɔrəbɔd bɨrɨ zambɨ baŋ ə Satàn, əne ghɨ̀ ni mbə̀ berɨ ɨka ɨgwɨ məd. A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən.

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Mə̀Hibrù 7:1

Mèlkizedèk wɔ̂ yɨə nyaʼa ɨfɔ̂n ə Salèm. Wɨ̀ yɨə nyaʼa bə̀ ə wə̀d mbàn Ə̀chè-ɨsɨg Ŋwìə̀. Wɨ̀ nyaʼa bòmnɨ̀ mbɨ Abràham ənɨ Abràham nyaʼə bə̀ndɨ̀ rɨ ənɨ ɨbid we nɨ wɨ̀ nyaʼa baŋ mɨfɔ̂n mɨ̀kwè. Ənɨ mbɨ nyaʼa bomnɨ əne, Mèlkizedèk nyaʼa zɨ̀ əbɔrəbɔd ɨgun ə Abràham.

Jems 2:19

À ben ni Ŋwiə̀ mei we mɔʼ. Zɨə bɔŋ! Ka àbei ɨzwî rɨbɔ̀ŋ, mbɨ bə̀ ben əne, àyɨə ɨ mbɨə benə bə̀ bindɨə.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.

Ɨnû 12:12

Əne ɨkaŋ mbɨ wə̀d jìm we nɨ yeʼ ɨkaŋ, mbə̀ ghaʼ əwən! Àyɨə ŋgəʼ kyeŋ bɨrɨ nyɨ ɨgwɨ nən, àwɔ̀ si mbɨ rɨ̀bàà, ɨmbə̀ʼ ɨghəm nɨ Debɨ̀rə̀ we fə swiʼi yeʼe əsɨ nən mbɨ ɨsə ɨtəm kyeŋ. Wɨ̀ kyerɨ ni i nyùmə̀ fə tumnə!”