Mk 2:16 - Meta’

¹⁶ Məchwiə̀ rɨ̀kə̌ mɔʼɔ nɨ nyaʼə bə mɨ̀Farisiî nyaʼa zə ənɨ Yeso nyaʼə jɨgə mbɨ ə bə̂d nɨə ghɨ̀ ɨnû rɨbɔ̀ŋ bə̀ jɨgə mbɨ məfetɨ mɨ̀tagsɨ̀, əne mbɨ nyaʼa biirɨ əmbɨ mə̀mə̀ə̀nɨ̀-ɨnû ɨməd ni, “Əton nɨ Yeso ə jɨgə mbɨ məfetɨ mɨ̀tagsɨ̀ fɔrɨ mbɨ ə bə̂d nɨə ghɨ̀ ɨnû rɨbɔ̀ŋ kɨ ɨmbə̀ʼ ə yè ə?”

Ikan feg

¹⁶ Mə̀chwitì mə̀nɔ̀ʼɔ̀ mɔ̀ʼɔ ne ya bə̀ yaʼ mə̀Farìsi ya bàd icheg ne Yeso yaya jə̀ghə tì bəd ne ghìyə̀ inug tibɔ̀ŋ bə̀ jə̀ghə tì bəd ne fète mə̀tag. Ane, mbi ya biri abə mə̀mə̀nənùg məd gha, “Aton ne Yeso we jə̀ghə tì tiku bəd ìto̰ àkə gha?”

Mk 2:16 Кръстосани препратки

Matìyò 18:17

Wɨ̀ mɨ ton zwetɨ i əmbɨ mɨ̀mə̌d, gha ənû rəŋgu əmbɨ ɨfetɨ bə̂d Ŋwiə̀. Wɨ̀ mɨ ton zwetɨ i əmbɨ ɨfetɨ bə̂d Ŋwiə̀, à sɨ ghɨ̀ mbɨ məd ɨghabɨ ni chəi wɨ̀ kyerɨ ə Ŋwiə̀ kɨ̀ ɨghabɨ ni məd yɨ əfetɨ mɨ̀tagsɨ̀.

Matìyò 5:46

Mbə mɨ yeʼə ghaʼə àmei bə̂d mbe nɨə ghaʼ əwən, njɨ Ŋwìə̀ kɨə wo chɔʼ ə ə̀fàʼì rɨ ye ə? Ɨmbə̀ʼ əzɔ̂ yɨ ənû nɨ məfetɨ tagsɨ̀ ə bə̀ ghɨ̀ə̀ ə?

Matìyò 9:11

Ənɨ mɨ̀Farisiî nyaʼa zə ənû ze, mbɨ nyaʼa biirɨ əmbɨ mə̀mə̀ə̀nɨ̀-ɨnû ɨməd ni, “Əchwiə̀-ɨnû wɔ̂ ɨ nən kɨə jɨgə mbɨ məfetɨ mɨ̀tagsɨ̀ bə̀ jɨgə mbɨ ə bə̂d nɨə ghɨ̀ ɨnû rɨbɔ̀ŋ ɨmbə̀ʼ ə yè ə?”

Mk 2:15

Ənɨ Yeso nyaʼa chub ɨ jɨg ɨŋga nəb Levì, məfetɨ mɨ̀tagsɨ̀ nɔnɔʼ, bə̂d nɨə ghɨ̀ ɨnû rɨbɔ̀ŋ mbɨ mə̀mə̀ə̀nɨ̀-ɨnû ɨməd nyaʼa bə̀ wò chubɨ mbɨ məd. Bə̂d mɨ̀nɔnɔʼ nyaʼa kàŋ beenɨ əbɔʼ məd.

Mk 2:7

“Mbaŋə̀ zɔ̂ kɨə ghàm əni ɨmbə̀ʼ ə yè ə? Ɨ wɨə zɔ̀m ə Ŋwìə̀! À kɨə we nɨ tɨ̀ wɨ̀ waʼ ɨnû rɨbɔ̀ŋ chè rɨ ənɨ ə Ŋwiə̀ tə̀zìʼ wi ə?”

Lk 18:11

Ənɨ mbɨ nyaʼa wò əne, Farisiî we nyaʼa nɔʼ təm kɔ̀ŋgɨ̀ ə Ŋwiə̀ ɨmbə̀ʼ i ɨnyod ghà ni, 'Ŋwìə̀, məben-əwe ni chəi əmɨ ɨghabɨ ə bə̂d cherə mbe nɨə fè ɨghɨ bə̂d ənɨ ɨka, kɨ̀ ɨghabɨ mbe nɨ chəi mbɨə ghɨ̀ ɨnû nɨ kuʼnɨ, kɨ̀ ɨghabɨ mbe nɨə ni məyi bə̂d cherə, kɨ̀ be ɨghabɨ əfetɨ mɨ̀tagsɨ̀ wɔ̂.

Lk 19:10

Wan Wə̀d nyaʼa yeʼe ɨ kəb bə̂d mbe nɨ nyaʼa nimɨ ɨmbə̀ʼ chɨ mɨ̀mə̌d rəŋgəʼ.”

Lk 19:7

Bə̂d mɨ̀jìm mbe nɨ nyaʼa zə ənû ze, nyaʼa kɔ dumbɨ ghàə̀ ni, “Wɨ̀ fə wò mò wə̀d nɨə ghɨ̀ ɨnû rɨbɔ̀ŋ!”

Lk 5:30

Mɨ̀Farisiî mɔʼɔ mbɨ məchwiə̀ rɨ̀kə̌ nɨ nyaʼa ɨŋga ɨfɔtɨ mɨ̀mə̌d nyaʼa ghàmbɨ̀ ə Yeso əmbɨ mə̀mə̀ə̀nɨ̀-ɨnû ɨməd ghà ni, “Mbə̀ kɨə jɨgə bə̀ nɔə mbɨ məfetɨ mɨ̀tagsɨ̀ fɔrɨ mbɨ ə bə̂d mbe nɨə ghɨ̀ ɨnû rɨbɔ̀ŋ ɨmbə̀ʼ ə ye ə?”

Ɨ̀fàʼì 23:9

Mbaŋə̀ te nyaʼa wɨrɨ kɔ kyeŋ rɨkǎ, əne məchwiə̀ rɨ̀kə̌ mɔʼɔ rɨŋga ɨfɔtɨ mɨ̀Farisiî nyaʼa nɔ̀ʼ təm rətiə ghà ni, “Chəi mbaŋə̀ zɔ̂ ghɨ ənû rɨbɔ̀ŋ ə mɔʼɔ. Ɨghə̀m əzwî kɨ̀ aŋgɨrə̀ fə ghàm ɨ bɔ.”

1 Kɔrèn 2:15

Wə̀d we nɨ Əzwî ə Ŋwiə̀ ə yeʼ ɨŋga məd we tɨ̀ wɨ̀ zə ɨnû jìm, ətu əməd ə zeŋ ɨmbə̀ʼ mbɨwən, àyɨə chəi ənɨ tɨ ətu ə wə̀d cherə zeŋ ɨmbə̀ʼ ɨnû mbe nɨ wɨə ghàə̀.

Mə̀Hibrù 12:3

Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.