Mə̀Hibrù 7:6 - Meta’

⁶ Kaʼ Mèlkizedèk yɨə nyaʼa i rɨŋga ɨnəbɨ Levì, àyɨə wɨ̀ nyaʼa nɨŋ əsɨ ə fibɨ̀ ɨŋga mbɨ wum rɨ əmbɨ Abràham. Wɨ̀ nyaʼa nɨŋ əne zɨ̀ əbɔrəbɔd ɨgwɨ məd we nɨ Ŋwìə̀ nyaʼa kaʼ ənû ze ɨ bɔ.

Ikan feg

⁶ Chəyi Mèkisedèg gho̰ ya du ane aghaŋ inəbi ze Levì. Si ya gha, wì ya niŋ aba amɔʼ inga iba ìghum bə̀ zì àbɔrɔ̀bɔd igun Abràham we ne Ŋwiye ya kàʼi anug ze ibo.

Mə̀Hibrù 7:6 Кръстосани препратки

Ɨ̀fàʼì 3:25

Mbə yɨə bɔn bə̂d ɨ̀kə̀n mbe. Mbə yɨə bə̀ ə bɔn tɨ ənɨ fɨso fe nɨ Ŋwìə̀ nyaʼa sanɨ mbɨ mbə mɨ̀mbǎʼ rəŋwe, ɨchî nɨ wɨ̀ nyaʼa gha əmbɨ Abràham ni, 'Mə bɨrɨ zɨ əbɔrəbɔd ɨgwɨ mɨnəbɨ jìm mbe nɨ yeʼ ɨgwɨ ə si ənjìm ə bɔn tɨ ənɨ e əghaŋ.'

Rm 4:13

Chəi ənû ze nɨ Ŋwìə̀ nyaʼa kàʼi əmbɨ Abràham fɔrɨ əmbɨ ə bə̂d tɨ ənɨ əghaŋ əməd ni mbɨ bɨrɨ nɨ jɨg ɨsɨg nyaʼa yeʼe ənjìm rɨkə. Zɨə nyaʼa yeʼe ənjìm ɨbenɨ we nɨ nyaʼa ghɨ ni wɨ̀ təm kùʼnɨ̀.

Rm 9:4

Mbɨ yɨ mɨ̀Izre. Ŋwìə̀ nyaʼa fə nɨŋ mɨ̀mə̌d ənɨ mbi bɔn, əne ghɨ̀ mbɨ zə ɨzeŋɨ zeŋɨ. Wɨ̀ nyaʼa san tɨso mbɨ mɨ̀mə̌d, nàʼ rɨkə əmbɨ mɨ̀mə̌d, ghɨ̀ mbɨ wumnɨ əməd bə̀ kàʼ ɨnû nɔnɔʼ əmbɨ mɨ̀mə̌d.

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 11:17

À yɨ ɨbenɨ nyaʼa ghɨ̌ ni Abràham naʼ ə Aizìk ənɨ əghɨ ə̀fà ənɨ ə nyùmə̀ we nɨ Ŋwìə̀ nyaʼa kwaʼnɨ əməd. Məd we nɨ Ŋwìə̀ nyaʼa kaʼ ɨnû mbe ɨ bɔ nyaʼa fə tekɨ ɨnyod nɨ naʼ i wan we mɔʼ ənɨ əghɨ ə̀fà.

Mə̀Hibrù 7:1

Mèlkizedèk wɔ̂ yɨə nyaʼa ɨfɔ̂n ə Salèm. Wɨ̀ yɨə nyaʼa bə̀ ə wə̀d mbàn Ə̀chè-ɨsɨg Ŋwìə̀. Wɨ̀ nyaʼa bòmnɨ̀ mbɨ Abràham ənɨ Abràham nyaʼə bə̀ndɨ̀ rɨ ənɨ ɨbid we nɨ wɨ̀ nyaʼa baŋ mɨfɔ̂n mɨ̀kwè. Ənɨ mbɨ nyaʼa bomnɨ əne, Mèlkizedèk nyaʼa zɨ̀ əbɔrəbɔd ɨgun ə Abràham.

Mə̀Hibrù 7:7

Zɨə zeŋ ni wə̀d we nɨə nàʼ əbɔrəbɔd ə chè we nɨə nɨŋə.