Mə̀Hibrù 7:11 - Meta’

¹¹ À yɨ ənjìm bə̂d mbàn nɨ rɨkə nyaʼa yeʼe. Əne à mɨ yeʼ nɨ ɨ̀fàʼì bə̂d mbàn mbe nɨ nyaʼa rɨŋga ɨnəbɨ Levì nyaʼa bɔŋɨ màànɨ̀, njɨ əton nɨ mbɨ bɨrɨ wɨrɨ kəb wə̀d mbàn cherə tɨ ənɨ ɨwaŋ Mèlkizedèk, nɨ kaʼi tɨ ənɨ ɨwaŋ Eròn, kɨ ni ye ə?

Ikan feg

¹¹ Mə̀nɔ̀ʼɔ̀ Muse mbe gha wə̀d mbàn Ŋwiye mənyìʼ dù ane aghaŋ inəbi Levì. Àkə aghi ne tì àfàʼì bəd mbàn Ŋwiye ane aghaŋ inəbi Levì ghì bəd bɔ̀ŋ mànì, nji chəyi ya ywìrè aton abə wə̀d mbàn ndəŋ ne du ane iwaŋ Mèkisedèg ni yeʼe, ne kayi ane aghaŋ inəbi Eròn.

Mə̀Hibrù 7:11 Кръстосани препратки

Gàlesìyà 2:21

Chəi mə̀ ton ni Ŋwìə̀ wɨə ghɨ ɨ̀chɔ̀m. Àyɨə wə̀d mɨ berɨ təm kùʼnɨ̀ ɨchî nɨ wɨə nùŋə̀ rɨkə, njɨ Kristo nyaʼa kwɨ ətu ə̀kǒ.

Gàlesìyà 4:3

À yɨ əndəŋ əndəŋ mbɨ na. Əne yɨ ni ənɨ tɨ̀ nyaʼə bɔn kwa, tɨ̀ yɨə nyaʼə ɨ̀bòʼò əton ɨzwî mbe nɨ nyaʼə tùmbɨ̀ ɨsɨg.

Gàlesìyà 4:9

Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?

Mə̀Hibrù 5:10

Əne Ŋwìə̀ nyaʼa chɔʼ əməd ni wɨ̀ yeʼ ətu ɨgwɨ ə bə̂d mbàn ənɨ ɨwaŋ Mèlkizedèk.

Mə̀Hibrù 5:6

Wɨ̀ nyaʼa bə̀ yì ghà ɨŋga əsɨ ə̀ŋwàʼnɨ̀ ə cherə ni, “Àwɔ̀ yɨə wə̀d mbàn Ŋwìə̀ koŋ, ənɨ ɨwaŋ Mèlkizedèk.”

Mə̀Hibrù 6:20

nɨ yeʼ əsɨ ze nɨ Yeso nyaʼa nyɨ ɨŋga ɨmbə̀ʼ əwa. Məd fə sɨ ətu ɨgwɨ ə bə̂d mbàn Ŋwìə̀ koŋ ənɨ ɨwaŋ Mèlkizedèk.

Mə̀Hibrù 7:10

ɨmbə̀ʼ ɨghəm nɨ ənɨ Mèlkizedèk nyaʼa bomnɨ mbɨ Abràham, Levì wɨə nyaʼa kɨrɨ i ɨŋga mɨcheŋ Abràham nɨ nyaʼə mbǎʼ məd rəŋwe.

Mə̀Hibrù 7:12

À yɨ ɨmbə̀ʼ ɨghəm nɨ mbɨ mɨ kwepɨ ɨwaŋ bə̂d mbàn Ŋwìə̀, tɨkə rɨ bə̀ kwepə.

Mə̀Hibrù 7:13

Wə̀d wɔ̂ nɨ mbɨə ghà ɨnû mbɔ̂ ɨmbə̀ʼ əməd yɨ rɨŋga ɨnəbɨ cherə. Chəi wə̀d mɔʼɔ ɨŋga ɨnəbɨ we kweʼ fàʼ ɨghabɨ wə̀d mbàn Ŋwìə̀.

Mə̀Hibrù 7:15

Ənû ze nɨ tɨ̀ gha ə jwɨ̀ zeŋ ni wə̀d mbàn Ŋwìə̀ cherə fə jwɨ̀, nɨ yeʼ ɨghabɨ ə Mèlkizedèk.

Mə̀Hibrù 7:21

Ŋwìə̀ nyaʼa kàn, nùŋ wə̀d mbàn wɔ̂ ghà ɨ bɔ ni, “Ə̀nùŋɨ̀sɨg ə fə kàn, chəi wɨ̀ bɨrɨ wɨrɨ kwepɨ i fîŋ, 'Àwɔ̀ yɨə wə̀d mbàn Ŋwìə̀ koŋ.'”

Mə̀Hibrù 8:7

À kɨ nɨ chəi ənû ə mɔʼɔ ə nyaʼa bə ɨŋga fɨso rɨtu fe, njɨ chəi əton ənɨ fɨso fe nɨ beenɨ.

Mə̀Hibrù 9:6

Ənɨ mbɨ fə tekɨ ɨghɨjìm ɨchî wɔ̂, bə̂d mbàn Ŋwìə̀ mbɨə nyaʼə wò nyɨ ɨŋga ətu ə nəb ze nɨə nèŋ ɨsɨg ɨghəm jìm ɨmbə̀ʼ fàʼ mbə ɨ̀fàʼì.