Mə̀Hibrù 6:4 - Meta’

⁴ Zɨə kàŋ seə nɨ wɨrɨ ghɨ ni bə̂d bèŋ tə fîŋ bə̀ndɨ̀ wò əmbɨ ə Ŋwiə̀ əwù ze nɨ mbɨ kweʼ zə ɨzeŋɨ zeŋɨ Ŋwiə̀, kweʼ zweʼrɨ ɨghɨ rɨkaŋ mbe nɨ wɨ̀ neʼ əwa əŋgu, Əzwî ə Zeŋɨ ə nyɨ ɨŋga mɨ̀mə̌d,

Ikan feg

⁴ Bəd mbe ne chəyi tì mbi ywìrì bə̀ŋì ìtɔb fìŋ ya bəd mbe ne kweʼì kyèri tesiʼ imbə̀ʼ Ŋwiye, bə̀ kweʼì fàʼ inug ane tineʼi tè ne Ŋwiye we nàʼà, Azwighi Ŋwiye bə̀ nyi inɔb inga fìŋ.

Mə̀Hibrù 6:4 Кръстосани препратки

Matìyò 12:45

Əne zɨ̀ bɨrɨ wò yeʼe mbɨ ɨzwî rɨbɔ̀ŋ cherə sambe nɨ bə̌ chè əməd, mbɨ wò nyɨ chub ɨŋga nəb ze. Ŋgəʼ ze nɨ bɨrɨ nyɨ ɨgun ə wə̀d we bɨrɨ bə chè ze nɨ wɨ̀ nyaʼə beə zəə. À yɨ ənû nɨ bɨrɨ ghɨ̀ mbɨ ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ.”

Matìyò 5:13

“Mbə yɨ ɨghabɨ fɨ̀ŋgwaŋ əmbɨ ə bə̂d ɨgwɨ ə si. Àyɨə fɨ̀ŋgwaŋ mɨ fə tu i, mbɨ wɨrɨ ghɨ̀ ye mbɨ fɨwən ni fɨ wɨrɨ nə̀m ə? Chəi əghɨ nɨ tɨ̀ mbɨ wɨrɨ ghɨ̀ mbɨ fɨwən, kɨrɨ ənɨ mbɨ waʼ, bə̂d yèn ɨgun.

Jn 15:6

Wə̀d mɔʼɔ we nɨ chəi wɨ̀ chub ənɨ ənû ə mɔʼ mbɨ num, mbɨ sob əməd waʼ ɨchî nɨ mbɨə waʼ fɨtəb zobɨ. Bə̂d bɨrɨ fetɨ rɨtəb zobɨ te màʼ ɨŋga ɨwid tɔ̀n.

Jn 3:27

Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 6:32

Yeso nyaʼa sɨ ghà əmbɨ mɨ̀mə̌d ni, “Mə ghà rəsìʼ ɨ nən ni, kaʼi Mose nyaʼa naʼ ŋgə̀ŋ ze nɨ nyaʼa nɔʼ rɨkaŋ ɨ nən. À yɨ mɨ Mbǎʼ ə nàʼ ŋgə̀ŋ ze nɨ yeʼ zɨ rəsìʼ ze nɨ nɔʼ rɨkaŋ.

Ɨ̀fàʼì 10:45

Ənû ze ə nyaʼa chè mɨ̀Jû mbe nɨ nyaʼa ben ə Kristo, əne yɨ mbe nɨ nyaʼa nɔʼ rɨ ə Jopà beenɨ əbɔʼ Pità. Mbɨ nyaʼa yiirɨ ɨmbə̀ʼ ɨghəm nɨ mbɨ nyaʼa zə ni Ŋwìə̀ fə bə̀ nàʼ i ɨneʼe we nɨ yeʼ Əzwî ə Zeŋɨ əmbɨ ə bə̂d mbe nɨ kaʼi mɨ̀Jû,

Ɨ̀fàʼì 11:17

Əne ɨchî nɨ Ŋwìə̀ fə naʼ ɨneʼe əmbɨ mɨ̀mə̌d àmei ɨchî nɨ wɨ̀ nyaʼa naʼ ɨ na ənɨ ə nyùmə̀ we nɨ tɨ̀ nyaʼa ben Ə̀nùŋɨ̀sɨg Yeso Kristo, njɨ mɔ̌ kɨə we nɨ tɨ̀ mə ton ni tɨ Ŋwìə̀ ghɨ i ənû ze nɨ wɨ̀ kəbɨ ə?”

Ɨ̀fàʼì 15:8

Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.

Ɨ̀fàʼì 8:20

Àyɨə Pità nyaʼa wììrɨ̀ ɨ bɔ ni, “Àwɔ̀ nim mbɨ e ɨkab, ɨmbə̀ʼ ɨghəm nɨ à kɔndɨ ni à we tɨ̀ à zon əghɨ ze nɨ Ŋwiə̀ neʼ bə̂d əŋgu ənɨ ɨkab!

Rm 1:11

Mə wɨə kàŋə̀ kə̀b zə əwən, ɨmbə̀ʼ mə ghɨ̀ Əzwî ə naʼ ɨneʼe ɨ nən. Ɨneʼe we bɨrɨ ghɨ ni mbə̀ kaanə.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Gàlesìyà 3:2

Mbə̀ sɨ mə biirɨ àmei ənû zɔ̂ ə mɔʼ ɨ nən: Ŋwìə̀ wa nyaʼa nàʼ əzwî ɨ nən ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Gàlesìyà 3:5

Ŋwìə̀ we nɨ naʼ Əzwî ɨ nən bə̀ faʼ ɨnû yiirɨ əkaʼ nən wa nyaʼa ghɨ əne ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Efesùs 3:7

Mə wɨə fàʼə̀ nɨ ghà ɨkə̂n chɔ̀m wɔ̂ ənjìm ɨ̀chɔ̀m Ŋwiə̀ we nɨ wɨ̀ che ənjìm ɨka məd nèʼ əmɨ əŋgu.

Efesùs 4:7

Àyɨə Kristo fə ghɨ̀ ɨ̀chɔ̀m ənɨ ə na, nàʼ ɨneʼe əmbɨ wə̀d mɔʼ mɔʼ ni wɨ̀ faʼ əŋgu àmei ɨchî nɨ wɨ̀ kəbɨ.

1 Timotì 4:14

Tɨrə̀ waʼ e ɨneʼe we nɨ à berɨ, nɨ Əzwî ə Zeŋɨ ə nyaʼa naʼ ɨ ne ənɨ ə nyùmə̀ we nɨ bə̂d ɨ̀kə̀n Ŋwiə̀ nyaʼa gha ɨnû ɨmbə̀ʼ əwe, bə̂d nɨə chà ɨfetɨ bə̀ zab mbə ɨbɔ ɨgwɨ ne.

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

2 Timotì 4:14

Àlèzandà we nɨə kywɨ ɨghɨ ənɨ ə kopà nyaʼa zɨ̀ ŋgəʼ nɔnɔʼ ɨgwɨ num. Ə̀nùŋɨ̀sɨg bɨrɨ chwɨ əməd ɨmbə̀ʼ ɨnû mbe nɨ wɨ̀ nyaʼa ghɨ̌.

Mə̀Hibrù 10:32

Mbə̀ kɔndɨ ɨni mbe nɨ nyaʼa fə che i. Mbə̀ kɔndɨ ɨchî nɨ ənɨ mbə̀ nyaʼa zə ɨzeŋɨ zeŋɨ Ŋwiə̀, mbə mbɨə nyaʼə kàŋə̀ zə ə ŋgəʼ àyɨə mbə nyaʼa nyìʼ kwàʼ ɨchî chɔ̀m.

Mə̀Hibrù 2:4

Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.

1 Jɔn 5:16

Wə̀d mɔʼɔ mɨ zə wi aŋgɔb ənɨ wɨə ghɨ̀ ənû rɨbɔ̀ŋ ze nɨ chəi zɨə bɨrɨ ghɨ ni wɨ kwɨ, wɨ̀ kɔŋgɨ ə Ŋwìə̀ ni wɨ̀ naʼ ɨ̀tènɨ̀ ɨ bɔ. Mə wɨə ghà yeʼ mbe nɨə ghɨ̀ ɨnû rɨbɔ̀ŋ mbe nɨ chəi mbɨ bɨrɨ ghɨ ni wɨ̀ kwɨ. Ənû rɨbɔ̀ŋ ə mɔʼɔ ə zɨ əŋgu nɨə ghɨ̀ ni bə̂d kwɨ. Chəi mə̀ ghà ni wɨ̀ kɔŋgɨ ə Ŋwiə̀ ɨgwɨ ə bə̂d mbe nɨə ghɨ̀ ɨkwɨ ənû rɨbɔ̀ŋ we.