Mə̀Hibrù 5:7 - Meta’

⁷ Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Ikan feg

⁷ Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Mə̀Hibrù 5:7 Кръстосани препратки

Matìyò 27:46

À nyaʼa ɨghabɨ mɨ̀nyùmə̀ tad, Yeso nyaʼa kyeŋ rɨ̀kǎ ghà ni, “Èli Èli!, lama sabaktanì?” əne yɨ ni, “Mɨ Ŋwìə̀, mɨ Ŋwìə̀, à waʼ əmɨ ɨmbə̀ʼ ə yè ə?”

Matìyò 27:50

Yeso nyaʼa yì kyeŋ rɨkǎ, sɨ mèndɨ̀.

Mk 15:34

Ənɨ mɨ̀nyùmə̀ tad nyaʼa kuʼu, Yeso nyaʼa kyeŋ rɨkǎ ghà ni, “Èloi, Èloi, lama sabaktanì?” əne yɨ ni, “Mɨ Ŋwiə̀, mɨ Ŋwiə̀, à waʼ əmɨ ɨmbə̀ʼ ə yè ə?”

Mk 15:37

Yeso nyaʼa kyeŋ rɨkǎ sɨ mèndɨ̀.

Lk 23:46

Yeso nyaʼa kyeŋ rɨ̀kǎ ghà ni, “Mɨ Mbǎʼ, mə fə sàŋ mɨ Əzwî ɨŋga te rɨkyerɨ-ɨbɔ!” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 11:35

Yeso nyaʼa chweŋ mɨsɨ.

Jn 11:42

Mə kyerɨ ni à wɨə zu ɨnû mbe nɨ mɨə ghà ɨ ne ɨghəm jìm, àyɨə mə kə̀ʼ ghà əzɔ̂ ɨmbə̀ʼ bə̂d mbɔ̂ nɨ təmbɨ ɨban num, ɨmbə̀ʼ mbɨ ben ni à yɨ àwɔ̀ nyaʼa tom əmɨ.”

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Rm 8:3

Ənû ze nɨ chəi rɨkə nyaʼa ghɨ̀ ɨmbə̀ʼ ɨchî nɨ nyamnyod ə feenɨə ɨsɨg, Ŋwìə̀ fə ghɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa cha i Wan wɨ̀ yeʼe ɨghabɨ ə wə̀d ɨnû rɨbɔ̀ŋ ɨmbə̀ʼ nimnɨ ɨnû rɨbɔ̀ŋ. Əne wɨ̀ nyaʼa nimnɨ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Mə̀Hibrù 10:10

Ɨchî nɨ Yeso Kristo nyaʼa ghɨ ənû ze nɨ Ŋwìə̀ nyaʼa kə̀bɨ, Ŋwìə̀ fə che ənjìm məd zeŋnɨ əwa tɨ ənɨ mba ɨnû rɨbɔ̀ŋ. Kristo nyaʼa ghɨ̀ əne ɨchî nɨ wɨ̀ nyaʼa naʼ i ɨnyod ənɨ əghɨ ə̀fà fən ɨghəm mɔʼ.

Mə̀Hibrù 10:5

À yɨ əton nɨ ənɨ Yeso nyaʼa wo yeʼe ɨŋga ɨsɨg, wɨ̀ nyaʼa ghà ni, “Chəi à kəb ɨghɨ ə̀fà mbɨ ɨghɨ mbe nɨ mbɨə chəmnɨ əwe əŋgu. À fə tekɨ yeʼ nyamnyod nàʼ ɨ num.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

Mə̀Hibrù 12:28

Əne tɨ̀ naʼ məben-əwe əmbɨ ə Ŋwiə̀ ɨchî nɨ tɨ̀ berɨ ənû ɨfɔ̀n nɨ chəi ənɨ tɨ̀ mbɨ ghɨ̀ zɨə wùd. Tɨ̀ wumnɨ ə Ŋwiə̀ ɨchî nɨ bɔŋ ɨ bɔ. Tɨ̀ wumnɨ əməd bə̀ bɔ əməd,

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

1 Jɔn 4:3

Chəi Əzwî ə Ŋwìə̀ ɨŋga wə̀d jìm we nɨ chəi wɨ̀ ben ə Yeso. Əzwî ze nɨ yeʼ ɨŋga məd yɨ rɨ əmbɨ ə wə̀d pə̀n Kristo. Mbə nyaʼa fə zu ni əzwî ze ə bɨrɨ yeʼe, əne tɨ̀nîn ə zɨə sɨ i ɨŋga ɨsɨg.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.