Mə̀Hibrù 5:12 - Meta’

¹² Tɨ̀nîn njɨ mbə mbɨə sɨə chwi ɨnû, àyɨə mbə mbɨə wɨrɨə kə̀bə̀ ni wə̀d mɔʼɔ yi chwi ɨnû rɨtu mbe nɨ mbə̀ nyaʼa be kwembɨ ɨmbə̀ʼ ɨŋgam Ŋwiə̀. Mbə kɨrɨ kə̀b yeʼ ɨbən, kaʼi ɨghɨjɨg nɨ kaanɨ.

Ikan feg

¹² Mbə̰ ya kiri kə̀bə̀ gha wə̀d ndəŋ chwiti inug mbègtog imbə̀ʼ Ìngam Ŋwiye inən ne nji mbə̰ mbe se chwìte inug mbe abə bəd ndəŋ amad anìŋ. Mbə̰ mbe kiri awən icheg bɔn bɔd ne nyɔ̀ŋɔ ibən, ne nji mbə̰ fə se jə̀ghə tijəg ka ka.

Mə̀Hibrù 5:12 Кръстосани препратки

Matìyò 17:17

Yeso nyaʼa wììrɨ̀ ni, “Chəi ɨghəm bə̂d wɔ̂ rɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼu. Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə̀ nɨŋ wan mbaŋə̀ we yeʼe naʼ ɨ num.”

Mk 9:19

Yeso nyaʼa ghà əmbɨ mɨ̀mə̌d ni, “Chəi ɨghəm bə̂d wɔ̂ berɨ ɨbenɨ! Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə nɨŋ əməd yeʼe nàʼ ɨ num!”

Ɨ̀fàʼì 7:38

Mose wɨə nyaʼə mbɨ mɨ̀Izre ɨŋga ɨbad rɨkwàʼi. Ɨ wɨə nyaʼə mbɨ aŋgɨrə̀ we nɨ nyaʼa gham ɨ bɔ ɨkaŋ Ɨwum Sinài. Ɨ wɨə nyaʼə bə̀ mbɨ mba mɨ̀mbǎʼ rəŋwe. Wɨ̀ nyaʼa nɨŋ mɨkə̂n mbe nɨə ghɨ̀ ni bə̂d jɨg ɨ̀tènɨ̀ yeʼe naʼ ɨ na.

Rm 3:2

Wɨ̀ bɨrɨ jɨg njìm nɔnɔʼ ənɨ mɨnə̂njɨ̀ jìm. Ənû rɨtu yɨ ni, Ŋwìə̀ nyaʼa bè zɨ̀ i ɨŋgam ɨŋga tɨkyerɨ-ɨbɔ mɨ̀Jû.

1 Kɔrèn 14:19

Àyɨə ɨŋga ɨfetɨ bə̂d Kristo, mə bɨrɨ ghaʼ nɨ gham ɨnû tân ɨmbə̀ʼ kəərɨ bə̂d, nɨ mbɨ bɨrɨ zu ɨtu mɨ̀mə̌d zeŋ, chè ɨchî nɨ mə̀ bɨrɨ gham ɨnû chuʼ wum ənɨ ɨŋgam rɨsɔ̀ʼɔ̀.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

Gàlesìyà 4:3

À yɨ əndəŋ əndəŋ mbɨ na. Əne yɨ ni ənɨ tɨ̀ nyaʼə bɔn kwa, tɨ̀ yɨə nyaʼə ɨ̀bòʼò əton ɨzwî mbe nɨ nyaʼə tùmbɨ̀ ɨsɨg.

Fìlipì 3:1

Mbɨ bɔŋgɔb, bɔŋ mə sɨə màànɨ̀ə̀, mə wɨə ghà ɨ nən ni mbə̀ ghaʼ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Kaʼi ŋgəʼ mɔʼɔ ɨ num nɨ wɨrɨ ŋwaʼnɨ ɨnû mbe nɨ mə̀ nyaʼa be ŋwàʼnɨ̀ ɨ nən. Mə wɨə ghɨ̀ əne ɨmbə̀ʼ tɨ ŋgəʼ nyɨ i ɨgwɨ nən.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

Mə̀Hibrù 10:32

Mbə̀ kɔndɨ ɨni mbe nɨ nyaʼa fə che i. Mbə̀ kɔndɨ ɨchî nɨ ənɨ mbə̀ nyaʼa zə ɨzeŋɨ zeŋɨ Ŋwiə̀, mbə mbɨə nyaʼə kàŋə̀ zə ə ŋgəʼ àyɨə mbə nyaʼa nyìʼ kwàʼ ɨchî chɔ̀m.

Mə̀Hibrù 5:11

Tɨ̀ berɨ ɨnû nɔnɔʼ nɨ ghà ɨmbə̀ʼ ənû zɔ̂, àyɨə zɨə kàŋ se nɨ toʼrɨ ɨ nən, ɨmbə̀ʼ ɨghəm nɨ chəi mbə̀ə kɨə zàmbɨ̀ə̀ kyerɨ ɨnû mbe nɨ mbɨ chwi ɨ nən.

Mə̀Hibrù 5:13

Wə̀d we nɨə nyɔŋ àmei ɨbən yɨə wan bɔd. Chəi wɨ̀ kɨrɨ kyerɨ ɨnû mbe nɨ yeʼ ɨŋga ɨŋgam Ŋwiə̀ ɨmbə̀ʼ ɨnû nɨ kuʼnɨ.

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.