Mə̀Hibrù 4:12 - Meta’

¹² Ɨŋgam Ŋwiə̀ wɨ ɨkǎ. Ɨ wɨə bə̀ ghɨ̀ ənû ze nɨ Ŋwìə̀ kəbɨ. Wɨ tɔ chè ɨbi ɨba jìm. Ɨ wɨə zum ə wə̀d wò pè əsɨ ze nɨ ɨ̀tènɨ̀ mbɨ əzwî ghabrə. Ɨ wɨə bə̀ wò pè əsɨ ze nɨ tɨnaanɨ ɨnyod mbɨ rɨfɔm ghabrə. Ɨ wɨə saʼə tɨkɔndɨ bə̂d bə̀ saʼ ɨnû mbe nɨ fîŋ tɨ mɨ̀mə̌d ə kə̀bə̀.

Ikan feg

¹² Aton ya gha, Ìngam Ŋwiye bèrì ika ni fàʼ inug mbe ne Ŋwiye we kə̀bə̀. Ìngam Ŋwiye bèrì ika. Wi ya bə̀ tɔ iba ijìm icheg ibeg ibid. Wi ya mə̀ zùm wə̀d, wì ya ghàpà nyàmnyɔd tì azwighi bə̀ ghàpà iwu tì isɔŋ. Wi bə̀ taŋ bèrì ika ni kyeri inug mbe ne bəd mbe kɔ̀ndɔ bə̀ kyèri inug mbe ne yaʼi inga fìŋ abə bəd.

Mə̀Hibrù 4:12 Кръстосани препратки

Lk 8:11

“Əton ənɨ ənû ə mɨgɨ ze yɨ ni: ɨghɨ mbe nɨ mbɨ kon yɨ ɨŋgam Ŋwiə̀.

Jn 12:48

Wə̀d we nɨ ton əmɨ, nɨ chəi wɨə zu ɨnû mbe nɨ mɨə ghàə̀, berɨ wə̀d nɨ bɨrɨ saʼ əməd. Ɨnû mbe nɨ mə fə ghà bɨrɨ saʼ əməd əni ze nɨ sɨ nwìə̀.

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Ɨ̀fàʼì 2:37

Ənɨ bə̂d mbe nyaʼa zu ənû zɔ̂, zɨə nyaʼa zum fîŋ tɨ mɨ̀mə̌d, əne mbɨ nyaʼa biirɨ əmbɨ Pità mbɨ ə bə̂d tom mbə ni, “Bɔŋgɔb, tɨ̀ ghɨn ye ə?”

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Ɨ̀fàʼì 5:33

Ənɨ mə̀saʼ əbeŋ mbe nyaʼa zu ənû zɔ̂, mbɨ nyaʼa sə ɨtəm kwàʼ rɨŋgəʼ. Əne mbɨ nyaʼa kə̀b ni njɨ mbə zwiirɨ mɨ̀mə̌d.

Ɨ̀fàʼì 7:38

Mose wɨə nyaʼə mbɨ mɨ̀Izre ɨŋga ɨbad rɨkwàʼi. Ɨ wɨə nyaʼə mbɨ aŋgɨrə̀ we nɨ nyaʼa gham ɨ bɔ ɨkaŋ Ɨwum Sinài. Ɨ wɨə nyaʼə bə̀ mbɨ mba mɨ̀mbǎʼ rəŋwe. Wɨ̀ nyaʼa nɨŋ mɨkə̂n mbe nɨə ghɨ̀ ni bə̂d jɨg ɨ̀tènɨ̀ yeʼe naʼ ɨ na.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

1 Kɔrèn 1:24

Àyɨə əmbɨ ə bə̂d mbe nɨ Ŋwìə̀ nyaʼa tɔŋ ənɨ mbi, əne yɨ mɨ̀Jû mbɨ ə bə̂d mbe nɨ kaʼi mɨ̀Jû, Kristo yɨ wə̀d we nɨ Ŋwìə̀ che ənjìm məd chwi i ɨka bə̀ chwi i ɨwe.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Efesùs 5:13

Bə̂d bɨrɨ zə ɨghɨjìm ənɨ ɨzeŋɨ zeŋɨ te du ɨghɨ mbe əsaŋ,

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Efesùs 6:17

Mbə̀ nɨŋ ɨchî nɨ Ŋwiə̀ fə chɨ̀ əwən rəŋgəʼ ɨghabɨ ni à yɨ ɨdəm ətənɨ nɨ kən ətu. Mbə̀ bə̀ nɨŋ ɨŋgam Ŋwìə̀ ɨghabɨ ni à yɨ ɨbi bid nɨ Əzwî ə nàʼə̀.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

1 Tèsàlonikà 5:23

Ŋwìə̀ ziə we nɨə nàʼ əbɔrəbɔd ghɨ ni mbə̀ zeŋ màànɨ̀. Ŋwìə̀ ghɨ ni Əzwî mbɨ tə fîŋ fɔrɨ tə nyamnyod ghɨ ɨnû nɨ kuʼnɨ ɨmbə̀ʼ tɨ wə̀d mɔʼɔ zə i ənû rɨbɔ̀ŋ ɨgwɨ nən ənɨ ə nyùmə̀ we nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

Mə̀Hibrù 13:7

Mbə̀ kɔndɨ bə̂d mbe nɨ nyaʼə chà əwən. À yɨ mɨ̀mə̌d nyaʼa be gha ɨŋgam Ŋwiə̀ ɨ nən. Mbə̀ kɔndɨ ɨchî nɨ mbɨ nyaʼə chubə, əne beenɨ əbɔʼ ɨchî nɨ mbɨ nyaʼa nuŋ fîŋ ɨgun ə Ŋwiə̀.

Mə̀Hibrù 6:5

mbɨ bə̀ kweʼ zweʼrɨ ɨchî nɨ ɨŋgam Ŋwiə̀ bɔŋɨ bə̀ zə ɨnû yiirɨ mbe nɨ bɨrɨ jwɨ̀ ənɨ nyùmə̀ we nɨə wo yeʼe.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

1 Pità 1:23

Mbɨ fə gywɨ əwən ɨghəm cherə ɨmbə̀ʼ mbə̀ jɨg ɨ̀tènɨ̀ fi ənjìm ɨŋgam Ŋwiə̀ we nɨ yeʼ ɨkǎ. Ka ɨ̀tènɨ̀ we yɨ i rɨ əmbɨ ə mbǎʼ nɨə kwɨə. Wɨ yɨ rɨ əmbɨ ə Mbǎʼ nɨ chəi wɨ̀ bɨrɨ nɔ kwɨ.

Ɨnû 1:16

Wɨ̀ nyaʼa yim rɨtəmɨ sambe ɨŋga e əbɔ ə jɨgɨ. Ɨbi bid ɨba jìm nɨ nyaʼə tɔə wɨə nyaʼə jwɨ̀ rɨŋga ɨchû məd. Ɨfě məd wɨə nyaʼə te ɨchî nɨ nyùmə̀ ə teə kwàʼ rɨkǎ.

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.

Ɨnû 19:21

Ənɨ mbɨ nyaʼa ghɨ əne, wə̀d we nɨ kɔʼɔ ngyi ze nyaʼa zwiirɨ mɨfɔ̂n mɨ̀jìm ɨgwɨ ə si bə̀ zwiirɨ mɨ̀sɔgyɨ̀ mɨ̀mə̌d mɨjìm ənɨ ɨbi bid we nɨə jwɨ̀ rɨŋga ɨchû ɨməd. Tɨnən te rɨjìm nyaʼa kud nyamnyod te tɨbum swi.

Ɨnû 2:16

Əne beŋ e fîŋ! À mɨ ton beŋ e, mə bɨrɨ zambɨ yeʼe əsɨ ne pè màʼ bid mbɨ mɨ̀mə̌d mbɨ ɨbi bid we nɨ yeʼ ɨŋga mɨ ɨchû.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.