Mə̀Hibrù 3:5 - Meta’

⁵ Mose nyaʼa fàʼ ɨŋga nəb Ŋwìə̀ ənɨ i fîŋ jìm. Wɨ̀ nyaʼa ghɨ̀ əne àmei ɨghabɨ wə̀d ə̀fàʼì. Ɨ wɨə nyaʼə ghà ɨmbə̀ʼ ɨnû mbe nɨ Ŋwìə̀ bɨrɨ nɨ ghà.

Ikan feg

⁵ Muse ya yaʼ wə̀d àfàʼì Ŋwiye ne ya fàʼi inug ijìm inga nəb Ŋwiye ane ìzi fìŋ ijìm. Ŋwiye ya fə ghì Muse ghàm imbə̀ʼ inug mbe ne Ŋwiye ya nɔŋi ni ghum ghà.

Mə̀Hibrù 3:5 Кръстосани препратки

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Matìyò 25:21

Mbǎʼ ə̀fàʼì məd we nyaʼa ghà ɨ bɔ ni, 'À fə ghɨ̀ ɨchî chɔ̀m, kyɨə wə̀d ə̀fàʼì chɔ̀m nɨə fàʼ ənɨ i fîŋ jìm. Ɨchî nɨ à fàʼ ənɨ e fîŋ jìm mbɨ ɨghɨ rɨpiî, mə bɨrɨ nuŋ əwe ɨgwɨ ɨghɨ nɔnɔʼ. Nyɨ ə nəb tɨ̀ ghɨ ɨghaʼi!'

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 7:37

À yɨə Mose wɔ̂ nɨ nyaʼa gha əmbɨ mɨ̀Izre ni, 'Ŋwìə̀ bɨrɨ chɔʼ wə̀d ɨ̀kə̀n rəkaʼ mbə bə̂d ɨchî nɨ wɨ̀ nyaʼa chɔʼ əmɨ.'

Rm 3:21

Tɨ̀nîn, Ŋwìə̀ fə chwi ɨchî nɨ tɨ̀ bə̂d təm kùʼnɨ̀ ɨfě məd. Chəi ənû nɨ təm kùʼnɨ̀ ɨfě məd berɨ ənû nɨ ghɨ mbɨ rɨkə, ka à be yeʼi ni tɨkə rɨ Mose mbɨ ə bə̂d ɨ̀kə̀n Ŋwiə̀ nyaʼa fə ghà əne.

1 Kɔrèn 4:2

Ənû nɨ mbɨ kəb rɨ əmbɨ ə bə̂d mbe nɨ mbɨ zɨ ɨnû ɨŋga tɨkyerɨ-ɨbɔ mɨ̀mə̌d yɨ ni mbɨ berɨ fàʼ ənɨ tə fîŋ rɨ̀jìm.

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

Mə̀Hibrù 1:1

À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Mə̀Hibrù 3:2

Wɨ̀ nyaʼa fàʼ ənɨ i fîŋ jìm əmbɨ Ŋwìə̀ we nɨ nyaʼa chɔʼ əməd. Wɨ̀ nyaʼa fàʼ ɨchî nɨ Mose nyaʼa bə fàʼ ənɨ i fîŋ jìm ɨŋga nəb Ŋwìə̀.

Mə̀Hibrù 3:4

Zɨə zeŋ ni nəb jìm ə berɨ wə̀d nɨ bɔmɨ, àyɨə wə̀d nɨ tekɨ ɨghɨjìm yɨə Ŋwìə̀.

Mə̀Hibrù 8:5

Ɨnû mbe nɨ mɨ̀mə̌d ə ghɨ̀ ɨŋga əsɨ ɨwumnɨ yɨ əmɨg bə̀ fɔrɨ əziŋ tɨ ənɨ mbe nɨ yeʼ ɨkaŋ. Ənɨ Mose nyaʼa kəb kod ɨŋwenɨ we, Ŋwìə̀ nyaʼa patɨ əməd ni, “Zə ni à tekɨ ɨghɨjìm ɨchî nɨ mə̀ nyaʼa chwi ɨ ne ɨkaŋ ɨwum.”

Mə̀Hibrù 9:24

Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!