Mə̀Hibrù 3:1 - Meta’

¹ Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Ikan feg

¹ Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:1 Кръстосани препратки

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Jn 20:27

Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Rm 11:17

Mbɨ nyaʼa sopɨ rɨtəb mɔʼɔ rɨ ənɨ əzed olìf chɔ̀m, əne nɨŋ ɨghə rɨ ənɨ əzed ə olìf bǔʼ wò ban ənɨ əzed ə olìf chɔ̀m ze, ɨmbə̀ʼ wɨ sɔ mɨnib rɨ ənɨ əghaŋ əzed ə olìf chɔ̀m. Mbə̀n bə̂d nɨ kaʼi mɨ̀Jû yɨ ɨghabɨ ɨghə rɨ ənɨ əzed ə olìf bǔʼ nɨ mbɨ nɨŋ ban ənɨ əzed ə olìf chɔ̀m.

Rm 15:27

Mbɨ nyaʼa ghaʼ nɨ ghɨ̀ əne ənɨ ə ɨghəm. Təsìʼ yɨ ni, mbɨ nyaʼa berɨ ghɨ əne ɨmbə̀ʼ ɨghəm nɨ ɨchî nɨ bə̂d mbe nɨ kaʼi mɨ̀Jû fə fɔtɨ mbɨ mɨ̀Jû ɨ jɨg əbɔrəbɔd ze nɨ Əzwî ə Ŋwiə̀ ə nàʼə̀, əne bə̂, mbɨ berɨ bɨ weerɨ mɨ̀Jû mbɨ ɨghɨ mbe nɨ mbɨ berɨ.

Rm 15:8

Mə ghà ɨ nən ni Kristo nyaʼa beŋ ənɨ ə wə̀d ə̀fàʼì əmbɨ mɨ̀Jû, ɨmbə̀ʼ chwi ni Ŋwìə̀ wɨə ghɨ̀ ɨnû mbe nɨ wɨ̀ ghǎ, fɔrɨ ni wɨ̀ bɨrɨ ghɨ ɨnû mbe nɨ wɨ̀ nyaʼa kaʼi əmbɨ mɨ̀mbǎʼ ɨnəbɨ mɨ̀mə̌d.

Rm 9:24

Tɨ̀ yɨə bə̂d mbe nɨ wɨ̀ nyaʼa tɔŋ ənɨ mbi. Chəi wɨ̀ nyaʼa tɔŋ əwa àmei rəkaʼ mɨ̀Jû. Wɨ̀ nyaʼa bə̀ tɔŋ rəkaʼ bə̂d mbe nɨ kaʼi mɨ̀Jû.

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

1 Kɔrèn 10:17

Chiŋ ŋgə̀ŋ mei mɔʼ, əne mbà mbe nɨ nɔʼɔ mbɨə jɨgə tɨ ənɨ ə chiŋ ŋgə̀ŋ ze mɔʼ. Əze ə chwi ni tɨ̀ yɨə nyamnyod mɔʼ.

1 Kɔrèn 9:23

Mə wɨə ghɨ̀ ɨnû mbɔ̂ jìm ɨmbə̀ʼ jaŋ ɨkə̂n chɔ̀m. Mə wɨə ghɨ̀ əne ɨmbə̀ʼ mə̀ bə̀ berɨ əbɔrəbɔd ze nɨ ɨkə̂n chɔ̀m ə ghɨ̀ ni bə̂d berɨ.

2 Kɔrèn 1:7

Chəi əghɨ ə mɔʼɔ nɨ tɨ̀ zɨə chìʼ ɨkɔndɨ we tɨ̀ nùŋ ɨgwɨ nən, ɨmbə̀ʼ ɨghəm nɨ tɨ̀ kyerɨ ni ɨchî nɨ mbə̀ə zə ɨkwɨ ŋgəʼ ze nɨ mbǎ ə bə̀ zəə, yɨə bə̀ ɨchî nɨ Ŋwìə̀ ə nəərɨ əwən ɨchî nɨ wɨə bə̀ nəərɨ əwa.

2 Kɔrèn 9:13

Mbə mɨ yeʼə ghɨ̀ ɨnû ɨghabɨ mbɔ̂, njɨ mbə fə chwi ɨkwɨ bə̂d mbe nɨ mbə̀ yeʼ mbɨwən. Əne bə̂d mɨ̀nɔnɔʼ bɨrɨ yiirɨ ə Ŋwiə̀ ɨmbə̀ʼ ɨchî nɨ mbə̀ beenɨ əbɔʼ ɨkə̂n chɔ̀m we nɨ mbə̀ nyaʼa ben ɨmbə̀ʼ ə Kristo. Mbɨ bɨrɨ bɨ naʼ məben-əwe əmbɨ ə Ŋwiə̀ ɨmbə̀ʼ ɨghɨ mbe nɨ mbə̀ naʼ əmbɨ mɨ̀mə̌d fɔrɨ ɨmbə̀ʼ mbe nɨ mbə̀ naʼ əmbɨ ə bə̂d cherə.

Efesùs 3:6

Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Efesùs 4:4

Nyamnyod ze mɔʼ, Əzwî ə bə̀ ə mɔʼ. Ənû ze nɨ Ŋwiə̀ nyaʼa tɔŋ əwən ni mbə̀ nuŋ ɨkɔndɨ ɨ wòm mɨə bə̀ mei ə mɔʼ.

Fìlipì 3:14

Mə wɨə kywɨ ənywɨ wò pe ənɨ ɨnwǐ ɨmbə̀ʼ berɨ ɨneʼe we nɨ Ŋwìə̀ che ənjìm ə Kristo Yeso nuŋ ɨ num ɨkaŋ.

Kòlosè 1:12

bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

Kòlosè 1:22

Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

1 Tèsàlonikà 2:12

Tɨ̀ wɨə nyaʼə tìmbɨ̀ əwən, nəərɨə əwən bə̀ ghà ɨ nən ni mbə̀ chub ɨchî nɨ bɨrɨ ghɨ ni fîŋ Ŋwìə̀ bɔŋə. À yɨə məd tɔŋ əwən ni mbə̀ yeʼe nyɨ ɨŋga ənû ɨfɔ̀n əməd fɔrɨ ɨŋga ɨwumnɨ məd.

1 Tèsàlonikà 5:27

Mə wɨə ghà ɨ nən ɨfě Ə̀nùŋɨ̀sɨg ni wə̀d mɔʼɔ foŋ ə̀ŋwàʼnɨ̀ zɔ̂ əmbɨ ə bə̂d Kristo mɨ̀jìm.

2 Tès 1:11

Əne tɨ̀ wɨə kɔ̀ŋgɨ̀ a Ŋwiə̀ ɨghəm jìm ni wɨ̀ ghɨ̀ mbə̀ kuʼ nɨ chub ɨchî nɨ wɨ̀ nyaʼa tɔŋ əwən ni mbə̀ chubɨ. Tɨ̀ wɨə bə̀ kɔ̀ŋgɨ̀ə̀ ni ənjìm ɨka məd, mbə mbe tɨ̀ mbə ghɨ̀ ɨ̀chɔ̀m we nɨ mbə̀ kəb nɨ ghɨ, bə̀ màànɨ̀ ə̀fàʼì ze nɨ ɨbenɨ ghɨ ni mbə̀ faʼa.

2 Tès 2:14

Ŋwìə̀ nyaʼa tɔŋ əwən ɨmbə̀ʼ chɨ rəŋgəʼ ənjìm ɨkə̂n chɔ̀m we nɨ tɨ̀ nyaʼa gha ɨ nən. Əne yɨ ɨmbə̀ʼ bə̂d naʼ ɨkwɨ ɨwumnɨ we nɨ mbɨə nàʼ əmbɨ a Ə̀nùŋɨ̀sɨg Yeso Kristo ɨ nən.

1 Timotì 6:12

Kaŋ zɔ̀ŋ ɨchî chɔ̀m ɨmbə̀ʼ ɨbenɨ we nɨ à nuŋ ɨgun ə Kristo. À berɨ kywɨ ənywɨ kwàʼ rɨkǎ ɨmbə̀ʼ jɨg ɨ̀tènɨ̀ rɨ mì. Ŋwìə̀ nyaʼa tɔŋ əwe ni à jɨg ɨ̀tènɨ̀ we ənɨ à nyaʼa ben ɨfě mɨ̀zərɨmbin nɔnɔʼ ni àwɔ̀ yɨə wə̀d Kristo.

1 Timotì 6:2

Tɨ ɨ̀bòʼò mbe nɨ berɨ mɨ̀mbǎʼ ə̀fàʼì nɨ ben ə Kristo təənɨ ə mɨ̀mbǎʼ ə̀fàʼì mbe ɨmbə̀ʼ ɨghəm nɨ mɨ̀mə̌d mɨjìm yeʼ bə̂d Kristo. Àyɨə mbɨ berɨ faʼ əmbɨ mɨ̀mə̌d kwàʼ ɨchî chɔ̀m, chè ɨchî nɨ tɨ mbɨ faʼ əmbɨ mɨ̀mbǎʼ mbe nɨ chəi mbɨ ben ə Kristo. Mbɨ berɨ ghɨ əne ɨmbə̀ʼ ɨghəm nɨ bə̂d mbe nɨ bɨrɨ jɨg njìm tɨ ənɨ ə̀fàʼì ze yɨə bə̂d nɨ ben ə Kristo nɨ bə̀ yeʼ mbe nɨ mbɨ ghaʼi kwàʼ rɨŋgəʼ. À berɨ chwi ɨnû mbɔ̂ bə̀ zə ni bə̂d Kristo beenɨ əbɔʼ.

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

2 Timotì 2:7

Kwaʼnɨ ɨnû mbɔ̂ nɨ mɨə gha ɨ ne ɨŋga e ətu, ɨmbə̀ʼ ɨghəm nɨ Ə̀nùŋɨ̀sɨg bɨrɨ ghɨ ni à kyerɨ ɨnû rəŋgu ɨjìm e ətu ə zeŋ.

Mə̀Hibrù 10:19

Mbɨ bɔŋgɔb, tɨ̀ kyerɨ ni tɨ̀ bɨrɨ nyɨ ɨŋga Əsɨ nɨ Zeŋɨ Màànɨ̀ ənjìm ənəm ə Yeso.

Mə̀Hibrù 10:21

Tɨ̀ berɨ ədabɨ ə wə̀d mbàn nɨə nəŋgɨ ə nəb Ŋwìə̀.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 13:22

Mbɨ bɔŋgɔb, mə wɨə buʼ ɨbɔ ɨ nən ni mbə̀ nɨŋ ɨŋgam wɔ̂ nɨ mɨə tìmbɨ̀ əwən əŋgu ənɨ ə fîŋ chɔ̀m, ɨmbə̀ʼ ɨghəm nɨ chəi ə̀ŋwàʼnɨ̀ zɔ̂ nɨ mə ŋwaʼnɨ ɨ nən ə jeŋgɨ sà.

Mə̀Hibrù 2:11

Məd we nɨə zeŋnɨ ə bə̂d mbɨ ə bə̂d mbe nɨ mbɨ zeŋnɨ mɨ̀mə̌d, berɨ àmei mbǎʼ mɔʼ. À yɨ əton nɨ chəi ətu əməd ə nìd nɨ tɔŋ mɨ̀mə̌d ni mbɨ yɨ mbi bɔŋgɔb.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 6:20

nɨ yeʼ əsɨ ze nɨ Yeso nyaʼa nyɨ ɨŋga ɨmbə̀ʼ əwa. Məd fə sɨ ətu ɨgwɨ ə bə̂d mbàn Ŋwìə̀ koŋ ənɨ ɨwaŋ Mèlkizedèk.

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.

Mə̀Hibrù 7:28

Tɨkə rɨ Mose nyaʼa chwiə ni mbɨ chɔʼ bə̂d nɨ tɨ̀ mbɨ nyaʼa gù ənû ənɨ ɨtu ɨgwɨ ə bə̂d mbàn Ŋwìə̀, àyɨə ɨŋgam we nɨ Ŋwìə̀ nyaʼa kaʼa kàn, nɨ nyaʼa sɨ beenɨ rənjìm tɨkə te, nyaʼa chɔʼ Wan nɨ Ŋwìə̀ fə ghɨ wɨ̀ zeŋ màànɨ̀ koŋ.

Mə̀Hibrù 9:11

Kristo nyaʼa yeʼe ɨghabɨ ətu ɨgwɨ ə bə̂d mbàn Ŋwìə̀ ənɨ ɨghɨ chɔ̀m mbe nɨ fə sɨ əgha. Ɨŋwenɨ we nɨ məd ə fàʼ ɨŋga ə bɔ̀ŋ màànɨ̀. À yɨə bə̀ ɨŋwenɨ nɨ chè mɨŋwenɨ jìm. Kaʼi bə̂d nyaʼa kod ɨŋwenɨ we, əne yɨ ni, kaʼ ɨŋwenɨ we yɨ i əba rɨ ənɨ ɨsɨg wɔ̂.

Mə̀Hibrù 9:15

Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

1 Pità 3:5

À yɨ ənɨ ɨkwɨ ɨchî wɔ̂ nɨ məyi zeŋ mbe rəŋwe nyaʼə yèʼ ə ɨnyod. Ɨ mbɨə nyaʼə yèʼ àmei ɨchî nɨ mbɨ nyaʼə zuunɨə mbə mɨnom.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”