Mə̀Hibrù 2:3 - Meta’

³ Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Ikan feg

³ Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 2:3 Кръстосани препратки

Matìyò 23:33

Mbə yɨə jɔ! Mbə yɨə kàŋ ə jɔ tɨ rɨbɔ̀ŋ! Mbə̀ kɨə wo chè rɨ yè bɔŋ vɨ rɨŋga əsɨ ɨchə ə?

Matìyò 4:17

Ɨ kɔ rɨ ənɨ ə nyùmə̀ we, Yeso nyaʼa kɔ ghà ɨŋgam Ŋwiə̀ ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Mk 1:14

Ənɨ mbɨ nyaʼa yim ə Jɔ̌n wò zɨ̀ ə ndəŋ, Yeso nyaʼa wò ə Galiliî pè kɔ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀.

Lk 1:2

Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Lk 1:69

Wɨ̀ fə nàʼ wə̀d ɨka nɨ bɨrɨ chɨ əwa rəŋgəʼ. Məd yɨ rɨ ənɨ əghaŋ ə Dèvîd nɨ nyaʼə wə̀d ə̀fàʼì məd.

Lk 24:19

Wɨ̀ nyaʼa biirɨ əmbɨ mɨ̀mə̌d ni, “À kɨ ɨnû mbi ə?” Mbɨ nyaʼa wììrɨ̀ ɨ bɔ ni, “À yɨ ɨnû ɨmbə̀ʼ ə Yeso we rɨ ə Nazàret, nɨ nyaʼə wə̀d ɨ̀kə̀n Ŋwìə̀. Ɨ wɨə nyaʼə ghɨ̀ ɨnû yiirɨ nɨ che əbɔ bə̀ ghà ɨnû nɨ dabə ɨfě Ŋwiə̀ fɔrɨ ɨfě bə̂d mɨjìm.

Jn 15:27

Mbə̀n bə̂ bɨrɨ bɨ gha ɨnû ɨmbə̀ʼ əmɨ, ɨmbə̀ʼ ɨghəm nɨ mbə̀ mbɨə nyaʼa mbɨ num tɨ ənɨ mə̀ nyaʼa kɔ chwi ɨnû.

Ɨ̀fàʼì 1:22

kɔ rɨ ənɨ Jɔ̌n we nɨ nyaʼə nàʼ mɨnib wò pè əni ze nɨ Ŋwìə̀ nyaʼa nɨŋ ə Yeso rəkaʼ na. Mbaŋə̀ mɔʼ rəbɔʼ tɔ̂ berɨ fɔtɨ əbɔʼ na yènə̀ ghà ɨnû ɨmbə̀ʼ ɨchî nɨ Ə̀nùŋɨ̀sɨg nyaʼa zwemə.”

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 4:12

Chəi wə̀d cherə nɨ tɨ̀ wɨ̀ chɨ̀ bə̂d rəŋgəʼ, ɨmbə̀ʼ ɨghəm nɨ chəi wə̀d cherə ɨgwɨ ə si nɨ Ŋwìə̀ nyaʼa nuŋ ni wɨ̀ chɨ bə̂d rəŋgəʼ.”

Rm 11:14

ɨmbə̀ʼ mbɨ bɔŋgɔb mɨ̀Jû ghɨ ə̀dìì əne ghɨ̀ mə chɨ mbɨ mɔʼɔ rəŋgəʼ.

Rm 2:3

Kɨ̀ àwɔ̀ kɨə we, à wa kɔndɨ ni ənɨ àwɔ̀ ə sob mɨsaʼi ɨgwɨ ə bə̂d mbe nɨə ghɨ̀ tɨkwɨrɨ ənû tɔ̂, əne à wɨə bə̀ kɨrɨ ghɨ̀ ɨnû rəŋgu, ni à we tɨ̀ à nòrə̀ tɨ ənɨ ɨchî nɨ Ŋwìə̀ bɨrɨ saʼ əwe ə?

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

1 Tèsàlonikà 5:3

Ənɨ bə̂d ə ghàə̀ ni, “Tɨ̀ wɨ a ənɨ əbɔrəbɔd, chəi əton nɨ bɔ ənû ə mɔʼɔ,” ŋgəʼ rɨbɔ̀ŋ bɨrɨ saʼ nyɨ ɨgwɨ mɨ̀mə̌d àmei ɨghabɨ ɨchî nɨ əyi ə zu rɨbuʼ ənɨ wɨə nombɨə. Chəi bə̂d bɨrɨ vɨ rɨŋga ŋgəʼ ze.

1 Timotì 1:15

Ɨŋgam wɔ̂ yɨ wɨ rəsìʼ nɨ kuʼ ni tɨ̀ ben ənɨ ta fîŋ rɨjìm. Ɨŋgam rəŋgu yɨ ni Kristo Yeso nyaʼa yeʼe ɨŋga ɨsɨg ɨmbə̀ʼ chɨ bə̂d mbe nɨə ghɨ̀ ɨnû rɨbɔ̀ŋ rəŋgəʼ. Mɔ̌ yɨə kàŋ ə wə̀d ɨnû rɨbɔ̀ŋ we nɨ bə̌ chè bə̂d mɨjìm mbe nɨə ghɨ̀ ɨnû rɨbɔ̀ŋ.

Tayitùs 2:11

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ.

Mə̀Hibrù 1:1

À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

Mə̀Hibrù 4:11

Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

1 Jɔn 1:1

Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.

Jûd 1:17

Àyɨə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kɔndɨ ɨnû mbe nɨ bə̂d tom a Ə̀nùŋɨ̀sɨg Yeso Kristo nyaʼa fə gha ɨ nən.

Ɨnû 7:10

Ɨ mbɨə nyaʼə kyeŋ ənɨ gɨ̂ kǎ kǎ ghàə̀ ni, “À Ŋwìə̀ we nɨ chub ɨgun ətən ɨfɔ̀n mbɨ ə Wan njɨ̀g fə chɨ əwa rəŋgəʼ!”