Mə̀Hibrù 2:2 - Meta’

² Ɨkə̂n we nɨ mbɨ̀aŋgɨrə̀ nyaʼa gha əmbɨ mba mɨ̀mbǎʼ rəŋwe yɨə nyaʼa ɨkə̂n rəsìʼ. Əne bə̂d mɨ̀jìm mbe nɨ chəi mbɨ nyaʼa ghɨ̀ ɨnû mbe nɨ mbɨ nyaʼa gha ɨŋga ɨkə̂n we, kɨ̀ mbe nɨ chəi mbɨ nyaʼa ghɨ ɨnû mbe, nyaʼa berɨ ɨchə nɨ kuʼnɨ.

Ikan feg

² Ikən we ne mbè angirə̀ ya ghum ghà abə ìmba mə̀mbaʼ kyen mbe te aneg ya chwi gha à ya kwàʼ ikən tesiʼ. Ane, wə̀d ijìm ne chəyi wì ya fàʼi inug icheg ne wi ya gha, tengaŋ ya nyi inga ngəʼ ne koʼi tì tìzughə̀ məd.

Mə̀Hibrù 2:2 Кръстосани препратки

Ɨ̀fàʼì 7:53

Mbə nyaʼa nɨŋ tɨkə te nɨ mbɨ̀aŋgɨrə̀ nyaʼa naʼa, àyɨə chəi mbə̀ə nùŋə̀.”

Gàlesìyà 3:19

Ŋwìə̀ nyaʼa nàʼ rɨkə ɨmbə̀ʼ ə yè ə? Wɨ nyaʼa yì rɨkə əbɔʼ fɨso ɨmbə̀ʼ ɨghəm nɨ bə̂d mbɨə nyaʼə gù ɨnû. Tɨkə nyaʼa berɨ yeʼ əŋgu pè ənɨ ə wan we nɨ Ŋwìə̀ nyaʼa kaʼi ɨnû mbe ɨ bɔ yeʼe. Ŋwìə̀ nyaʼa chè ənjìm mbɨ̀aŋgɨrə̀ nàʼ rɨkə te əmbɨ Mose ni wɨ̀ naʼ əmbɨ ə bə̂d. Əne wə̀d wɨ ɨŋga mɨgharə̀ Ŋwìə̀ mbɨ ə bə̂d.

Mə̀Hibrù 1:1

À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Mə̀Hibrù 10:28

Chəi mbɨ nyaʼə diirɨ ə wə̀d mɔʼɔ we nɨ chəi wɨ̀ nyaʼə nùŋə̀ rɨkə rɨ Mose. Mbɨ nyaʼa zwiirɨ əməd ənɨ mbɨ nyaʼa zu ɨŋgam rɨ əmbɨ mɨ̀zərɨmbin mɨbe kɨ̀ rɨ əmbɨ mɨ̀zərɨmbin mɨtad.

Mə̀Hibrù 10:35

Əne tɨ mbə̀ waʼ əwən ənû nɨ nuŋ fîŋ ɨgun Ə̀nùŋɨ̀sɨg, ɨmbə̀ʼ ɨghəm nɨ əze ə bɨrɨ yeʼe mbɨ ɨchɔʼ ə̀fàʼì kyeŋ.

Mə̀Hibrù 11:26

Wɨ̀ nyaʼa zə ni ənû nɨ zə ŋgəʼ ɨmbə̀ʼ Wə̀d we nɨ Ŋwìə̀ zɔʼɔ ə bɔ̀ŋ chè mbɔ̂n ze rɨ ə Ijìpt, ɨmbə̀ʼ ɨghəm nɨ ɨ wɨə nyaʼə nèŋ ɨmbì ɨmbə̀ʼ ɨchɔʼ ə̀fàʼì we nɨ wɨ̀ bɨrɨ berɨ.

Mə̀Hibrù 11:6

Ɨbenɨ mɨ bù i, chəi ənɨ tɨ̀ bə̂d ghɨ̀ fîŋ Ŋwìə̀ bɔ̀ŋ, ɨmbə̀ʼ ɨghəm nɨ wə̀d we nɨə kəb tindɨ ɨban ə Ŋwiə̀ berɨ ben ni Ŋwìə̀ wɨ əŋgu bə̀ ben ni wɨ̀ bɨrɨ chɔʼ ə̀fàʼì bə̂d mbe nɨə kə̀b əməd ənɨ tə fîŋ rɨ̀jìm.

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

2 Pità 1:19

Əne tɨ̀ fə kyerɨ ni ɨŋgam we nɨ bə̂d ɨ̀kə̀n nyaʼa ghǎ ɨmbə̀ʼ əməd yɨə kàŋ ɨŋgam rəsìʼ. Mbə̀ jeŋgɨ zɨ̀ ətu ənɨ ɨŋgam wɔ̂, ɨmbə̀ʼ ɨghəm nɨ ɨ wɨ ɨghabɨ ənam nɨə te ɨŋga ɨsɨ firɨ. Mbə̀ ghɨ ɨnû mbe nɨ ɨŋgam wɔ̂ gha ɨ nən ɨmbə̀ʼ ɨtuʼ mɨ chɨg i chɨgɨ, Kristo te ɨŋga tə fîŋ ɨchî nɨ təbid ə te ənjɨtuʼ.

Jûd 1:5

Ka à bè yeʼi ni mbə nyaʼa fə kyerɨ ɨnû mbɔ̂ jìm, àyɨə mə kə̀b nɔɔrɨ mbə ɨtu ni Ə̀nùŋɨ̀sɨg nɨ nyaʼa chɨ mɨ̀Izre rɨ ə Ɨjìpt, nyaʼa wɨrɨ nimnɨ mbe nɨ chəi mbɨ nyaʼa benɨ.