Mə̀Hibrù 2:16 - Meta’

¹⁶ Zɨə zeŋ ni kaʼi mbɨ̀aŋgɨrə̀ nɨ wɨə wèèrɨ̀ə̀. Ɨ wɨə wèèrɨ̀ə̀ yeʼ bɔn tɨ ənɨ əghaŋ ə Abràham.

Ikan feg

¹⁶ Ze dù zen gha kayi mbè angirə̀ ne məd we wètè. Wì ya wètè yaʼ bɔn ne du inga aghaŋ inəbi àzi Abràham.

Mə̀Hibrù 2:16 Кръстосани препратки

Rm 2:25

Ənû nɨ ne mbaŋə̀ yɨ ənû ə chɔ̀m əwù ze nɨ à nùŋ rɨkə. À mɨ yeʼə gùə̀ rɨkə, əne à fə sɨ ɨghabɨ ni chəi mbɨ kɨrɨ ne əwe.

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

Mə̀Hibrù 12:10

Mba mɨ̀mbǎʼ rɨ ɨgwɨ ə si mbɨə nyaʼə chə əwa ɨchî nɨ zɨə nyaʼa kuʼ əmbɨ mɨ̀mə̌d. Ɨ mbɨə nyaʼə ghɨ̀ əne àmei ənɨ ɨkə nyùmə̀. Àyɨə Ŋwìə̀ wɨə chə əwa ɨmbə̀ʼ weerɨ əwa. Ɨ wɨə ghɨ̀ əne ɨmbə̀ʼ tɨ̀ chub ɨzeŋɨ zeŋɨ ɨghabɨ əməd.

Mə̀Hibrù 2:15

Wɨ̀ bɨrɨ nimnɨ əne chɨ̀ bə̂d mbe nɨ ənû nɨ bɔ ɨvɨ ə nyaʼa ghɨ̌ mbɨ chub ənɨ ɨ̀bòʼò ənɨ mbɨ nyaʼa kɨrɨ ɨkǎ.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 6:16

Ənɨ bə̂d ə kànə̀, ɨ mbɨə kàn ənɨ ɨkum wə̀d we nɨ che mɨ̀mə̌d. Ənɨ mbɨ kàn əne, ənû ə tàŋ ə mɔʼɔ ze nɨ mbɨ berɨ ə bɨrɨ mi i.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.