Mə̀Hibrù 2:11 - Meta’

¹¹ Məd we nɨə zeŋnɨ ə bə̂d mbɨ ə bə̂d mbe nɨ mbɨ zeŋnɨ mɨ̀mə̌d, berɨ àmei mbǎʼ mɔʼ. À yɨ əton nɨ chəi ətu əməd ə nìd nɨ tɔŋ mɨ̀mə̌d ni mbɨ yɨ mbi bɔŋgɔb.

Ikan feg

¹¹ Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

Mə̀Hibrù 2:11 Кръстосани препратки

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 28:10

Yeso nyaʼa ghà əmbɨ mɨ̀mə̌d ni, “Tɨ mbə̀ bɔ ə. Mbə̀ wo ghà əmbɨ mbɨ bɔŋgɔb ni mbɨ wo ə Galiliî. Mbɨ bɨrɨ zə əmɨ əŋgu.”

Mk 3:34

Ənɨ wɨ̀ nyaʼa ghà əne, wɨ̀ nyaʼa neŋ bə̂d mbe nɨ nyaʼa chub kad əməd, əne ghà ni, “Mbə̀ zə, mbɔ̂ yɨə mɨ nɨŋ mbɨ mbɨ bɔŋgɔb!

Mk 8:38

Ətu ə wə̀d mɔʼɔ mɨ yeʼə nìd ɨmbə̀ʼ əmɨ fɔrɨ ɨmbə̀ʼ mɨ ɨŋgam ɨŋga ɨghəm bə̂d wɔ̂ nɨ chəi wɨə wumnɨ ə Ŋwiə̀, nɨ wɨə bə̀ ghɨ̀ yeʼ ɨnû rɨbɔ̀ŋ, njɨ ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ ə nyùmə̀ we nɨ wɨ̀ wɨrɨ yeʼe mbɨ mbi mbɨ̀aŋgɨrə̀ zeŋɨ mbɨ ɨka we nɨ Mbǎʼ naʼ ɨ bɔ ni wɨ̀ tumbɨ ɨsɨg.”

Lk 9:26

Ətu ə mɨ nìd wə̀d mɔʼɔ ɨmbə̀ʼ əmɨ fɔrɨ ɨmbə̀ʼ mɨ ɨŋgam, ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ wɨ̀ yeʼe ɨghabɨ ɨfɔ̀n mbɨ ɨka we nɨ Mbǎʼ naʼ ɨ bɔ bə̀ fɔrɨ mbɨ ɨwumnɨ we nɨ mbɨ̀aŋgɨrə̀ zeŋɨ bə̀ nàʼ ɨ bɔ.

Jn 17:19

Mə fə sweŋ mɨ ɨnyod ɨ ne ɨmbə̀ʼ ɨghəm mɨ̀mə̌d, ɨmbə̀ʼ mbɨ bə kàŋ sweŋ ə ɨnyod ɨ ne ənjìm e ɨŋgam we nɨ yeʼ ɨŋgam rəsìʼ.

Jn 17:21

Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

Ɨ̀fàʼì 17:26

Wɨ̀ nyaʼa tekɨ bə̂d ɨŋga ɨbeŋ jìm mbe nɨ yeʼ ɨŋga ɨsɨg wɔ̂ tɨ ənɨ ə wə̀d mɔʼ. Wɨ̀ nyaʼa nùŋ ə nyùmə̀ we nɨ bə̂d bɨrɨ chub ɨgwɨ ə si bə̀ nùŋ mɨ̀nə̀rɨ̀ əbeŋ mbe nɨ mbɨ bɨrɨ chub ɨŋga.

Ɨ̀fàʼì 17:28

Wə̀d ɨwe mɔʼɔ nyaʼa ghà ni, 'Tɨ̀ wɨ ɨkǎ, bə̀ yènə̀, bə̀ berɨ a ɨ̀tènɨ̀ ənɨ ɨka nɨ nɔʼ rɨ bɔ.' Mbə bə̂d nɨə ŋwàʼnɨ̀ ɨnû nyaʼa bə̀ ghà ni, 'À yɨ rəsìʼ ni tɨ yɨə bə̀ ə bɔn məd.'

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

Mə̀Hibrù 10:10

Ɨchî nɨ Yeso Kristo nyaʼa ghɨ ənû ze nɨ Ŋwìə̀ nyaʼa kə̀bɨ, Ŋwìə̀ fə che ənjìm məd zeŋnɨ əwa tɨ ənɨ mba ɨnû rɨbɔ̀ŋ. Kristo nyaʼa ghɨ̀ əne ɨchî nɨ wɨ̀ nyaʼa naʼ i ɨnyod ənɨ əghɨ ə̀fà fən ɨghəm mɔʼ.

Mə̀Hibrù 10:14

Ənjìm əghɨ ə̀fà ə mɔʼ, wɨ̀ fə zeŋnɨ bə̂d Ŋwiə̀, mbɨ bɔ̀ŋ màànɨ̀ koŋ.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Mə̀Hibrù 13:12

À yɨ ɨchî nɨ Yeso nyaʼa bə zə ŋgəʼ ənjìm ɨkam ɨmbə̀ʼ bə̂d zeŋ ənjìm ənəm əməd.

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.