Mə̀Hibrù 13:9 - Meta’

⁹ Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

Ikan feg

⁹ Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

Mə̀Hibrù 13:9 Кръстосани препратки

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Matìyò 24:4

Yeso nyaʼa wììrɨ̀ əmbɨ mɨ̀mə̌d ni, “Mbə̀ we əwən ɨmbə̀ʼ tɨ wə̀d mɔʼɔ ghɨ i ni mbə̀ febə,

Lk 5:38

Mbɨ berɨ zɨ mɨnoʼ zwɨ̀ yeʼ ɨŋga chəŋ rɨ fi.

Ɨ̀fàʼì 20:30

Bə̂d bɨrɨ jwɨ rəkaʼ nən nɨ bɨrɨ gha mɨghab ɨmbə̀ʼ suŋ bə̂d mbe nɨ ben ə Kristo ni mbɨ beenɨ əbɔʼ mɨ̀mə̌d.

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 14:2

Wə̀d mɔʼɔ ə ben ni tə we tɨ̀ rə jɨg ɨghɨjìm, àyɨə we nɨ ɨbenɨ məd bɔrɨ we tɨ̀ wɨ̀ jɨg àmei mbòb.

Rm 14:6

Wə̀d we nɨ zə ni əni ə mɔʼɔ ə chè mbɨ cherə, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. We nɨə jɨg ɨghɨjìm, wɨə jɨg ɨmbə̀ʼ wumnɨ Ə̀nùŋɨ̀sɨg, ɨmbə̀ʼ ɨghəm nɨ mɨ̀mə̌d mɨjìm mbɨə nàʼə̀ məben-əwe əmbɨ ə Ŋwiə̀ ɨmbə̀ʼ ɨghɨjɨg mbe. We nɨ chəi wɨə jɨg ɨghɨjìm, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. Məd wɨə bə̀ nàʼə̀ məben-əwe əmbɨ Ŋwiə̀ ɨmbə̀ʼ ɨghɨjɨg mbe.

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

1 Kɔrèn 8:8

Ka rɨjɨg bɨrɨ ghɨ i ni tɨ̀ yeʼ bə̂d chɔ̀m ɨfě Ŋwìə̀. Chəi tɨ̀ bɨrɨ sam əghɨ ə mɔʼɔ əwù ze nɨ chəi tɨ̀ jɨgɨ. Chəi tɨ̀ bɨrɨ bɨ jɨg njìm mɔʼɔ əwù ze nɨ tɨ̀ jɨgɨ.

2 Kɔrèn 1:21

À yɨə Ŋwiə̀ ghɨ ni mbǎ mbɨ nən təm kàànɨ ɨchî nɨ tɨ̀ yeʼ ənɨ ɨfɔtɨ mbɨ Kristo. Wɨ̀ fə chɔʼ əwa ənɨ mbi bə̂d,

Gàlesìyà 6:1

Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

Efesùs 5:6

Tɨ mbə̀ ben ə ni wə̀d mɔʼɔ tambɨ əwən mbɨ mɨŋgam əko, ɨmbə̀ʼ ɨghəm nɨ à yɨ ɨmbə̀ʼ ɨnû mbɔ̂ nɨ ɨsə ɨtəm Ŋwiə̀ bɨrɨ yeʼe ɨgwɨ ə bə̂d mbe nɨə ghɨ̀ rɨ̀zuə̀.

Kòlosè 2:4

Mə wɨə ghà əne ɨmbə̀ʼ tɨ wə̀d mɔʼɔ tambɨ i əwən mbɨ mɨŋgam nəmɨ nəmɨ mɔʼɔ.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

2 Tès 2:2

tɨ mbə ɨtu buurɨ i kɨ̀ tə fîŋ tɔb əwən ɨmbə̀ʼ bə̂d mbe nɨə ghà ni əni ze nɨ Ə̀nùŋɨ̀sɨg bɨrɨ wɨrɨ yeʼe fə pè. Ka mbɨ bè ghà ə ni à yɨ Əzwî ə gha ɨ na, kɨ̀ nɨ à yɨə mbǎ nyaʼa ŋwaʼnɨ, kɨ̀ nɨ à yɨə mbǎ nyaʼa ghamɨ, tɨ mbə̀ ben ə.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

Jûd 1:12

Bə̂d mbɔ̂ yɨ ɨghabɨ tɨfiŋɨ nɨə fiinɨ əwən ənɨ mbɨə jɨgə tɨjɨg ɨghaʼi mbɨ nən. Chəi ɨtu ə nìd mɨ̀mə̌d ənɨ mbɨə jɨgə mbɨ nən. Ɨ mbɨə nəŋgɨ àmei tə nyamnyod. Mbɨ yɨ ɨghabɨ pàʼ nɨ ɨfə ə tinə, nɨ chəi tɨə ghɨ̀ ni mbə̀ŋ nɔ. Mbɨ yɨ ɨghabɨ ɨzed mbe nɨ chəi tɨə kɔ rɨtam, ka àbei ənɨ ə nyùmə̀ we nɨ ɨzed ə kɔ rɨtam. Mbɨ yɨ ɨghabɨ ɨzed nɨ mbɨ fə chɔʼ rɨ ə si, mbɨ kwɨ.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.