Mə̀Hibrù 13:7 - Meta’

⁷ Mbə̀ kɔndɨ bə̂d mbe nɨ nyaʼə chà əwən. À yɨ mɨ̀mə̌d nyaʼa be gha ɨŋgam Ŋwiə̀ ɨ nən. Mbə̀ kɔndɨ ɨchî nɨ mbɨ nyaʼə chubə, əne beenɨ əbɔʼ ɨchî nɨ mbɨ nyaʼa nuŋ fîŋ ɨgun ə Ŋwiə̀.

Ikan feg

⁷ Mbə̀ kɔndi itog bəd mbe ne ya ghum ghà Ìngam Ŋwiye imbə̀ʼ Kristo inən bə̀ kɔ̀ndi ìwɔb ikuchèg. Ane, mbə̀ ya ghìyə̀ inug icheg inɔb bə̀ nɔ̀ŋɔ̀ ìwən ibḛfiŋ igun Ŋwiye icheg inɔb.

Mə̀Hibrù 13:7 Кръстосани препратки

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

Lk 5:1

À nyaʼa əni ə mɔʼɔ nɨ Yeso nyaʼa təm əŋgo ə sà ze rɨ ə Gènesarèt, bə̂d nyaʼa jeŋgɨ tindɨ ɨban məd ɨmbə̀ʼ zu ɨŋgam Ŋwiə̀.

Lk 8:11

“Əton ənɨ ənû ə mɨgɨ ze yɨ ni: ɨghɨ mbe nɨ mbɨ kon yɨ ɨŋgam Ŋwiə̀.

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 14:23

Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Rm 10:17

Əne ɨbenɨ wɨə yeʼe tɨ ənɨ ɨnû mbe nɨ bə̂d ə zuə, ɨnû mbe nɨ bə̂d ə zuə mbɨə yeʼe ənjìm ɨnû mbe nɨ mbɨ ghà ɨmbə̀ʼ ə Kristo.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

1 Kɔrèn 11:1

Mbə̀ beenɨ əbɔʼ mɨ əwu yènɨ̀, ɨchî nɨ mɨə beenɨ əbɔʼ əzɨ ə Kristo.

1 Kɔrèn 4:16

Əne mə wɨə buʼ ɨbɔ ɨ nən ni mbə̀ beenɨ əbɔʼ mə əwu yènɨ̀.

Fìlipì 3:17

Mbɨ bɔŋgɔb, mbə̀ mɨg əmɨ ənɨ ɨnû mbe nɨ mɨə ghɨ̀ə̀. Mbə nɨŋ ənweenɨ rɨ ənɨ bə̂d mbe nɨə ghɨ̀ ɨnû mbe nɨ tɨ̀ nyaʼə ghɨ̀ə̀.

1 Tèsàlonikà 1:6

Mbə mbɨə nyaʼə ghɨ̀ ɨnû mbe nɨ tɨ̀ nyaʼə ghɨ̀ə̀ bə̀ ghɨ̀ə̀ mbe nɨ Ə̀nùŋɨ̀sɨg nyaʼə ghɨ̀ə̀. Ka à bè yeʼi ni mbə mbɨə nyaʼə zəə ŋgəʼ, Əzwî ə Zeŋɨ ə nyaʼa ghɨ̀ mbə̀ nɨŋ ɨŋgam we mbɨ ɨghaʼi.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

2 Tès 3:7

Mbə fə kyerɨ ə kwàʼ ɨchî chɔ̀m ni mbə berɨ fàʼ àmei ɨchî nɨ tɨ̀ nyaʼə fàʼə̀. Chəi tɨ̀ nyaʼə ghɨ̀ ɨgwed ənɨ tɨ̀ nyaʼa mbɨ nən.

2 Tès 3:9

Tɨ̀ wɨə nyaʼə ghɨ̀ əne, kaʼi ɨmbə̀ʼ ɨghəm nɨ chəi tɨ̀ nyaʼa berɨ ɨka we nɨ biirɨ ə̀wèèrɨ̀ rɨ nən. Tɨ̀ wɨə nyaʼə ghɨ̀ əne ɨmbə̀ʼ mbə̀ faʼ àmei ɨchî nɨ mbə̀ nyaʼa zə ənɨ tɨə fàʼə̀.

1 Timotì 3:5

Mbaŋə̀ mɨ ton kyerɨ i ɨchî nɨ yim bə̂d mbe nɨ yeʼ ɨŋga nəb məd, njɨ wɨ̀ kɨə wò chè rɨ ye bɔŋ nəŋgɨ ɨfetɨ bə̂d Ŋwiə̀ ə?

Mə̀Hibrù 13:17

Mbə̀ zuunɨ bə̂d mbe nɨə chà əwən, bə̀ ghɨ̀ ɨnû mbe nɨ mbɨ gha ɨ nən. Ɨ mbɨə nəŋgɨ əwən nɨ chəi mbɨ ə zwììrɨ̀ə̀. Mbɨ berɨ gha ɨnû mbe nɨ mbɨ fə ghɨ əmbɨ ə Ŋwiə̀. Mbə mɨ zuunɨ mɨ̀mə̌d, mbɨ bɨrɨ fàʼ mbɨ ɨghaʼi kaʼi mbɨ ə̀kə̀nɨ̀, ɨmbə̀ʼ ɨghəm nɨ chəi ə̀kə̀nɨ̀ ə bɨrɨ weerɨ əwən.

Mə̀Hibrù 13:24

Mbə̀ chaʼrɨ bə̂d mɨ̀jìm mbe nɨə chà əwən bə̀ chàʼrɨ̀ bə̂d Ŋwiə̀ mɨ̀jìm. Mba bɔŋgɔb mbe rɨ ə Italì bə̀ chàʼrɨ̀ əwən.

Mə̀Hibrù 6:12

Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.