Mə̀Hibrù 12:2 - Meta’

² Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Ikan feg

² Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 12:2 Кръстосани препратки

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Mk 14:36

Wɨ̀ nyaʼa ghɨ̀ əne ghà ni, “Əbà mɨ Mbǎʼ! Chəi ənû nɨ tɨ̀ zɨə chè əwe. Chɨ ŋgəʼ zɔ̂ rɨ ɨgwɨ num, àyɨə ghɨ̀ yeʼ ənû ze nɨ à kəbɨ, kaʼi əze nɨ mə̀ kəbɨ.”

Mk 15:28

Ənû zɔ̂ ə nyaʼa jwɨ̀ bòmnɨ̀ mbɨ ɨŋgam Ŋwiə̀ we nɨ ghà ni, “Mbɨ nyaʼa fɔtɨ əməd əbɔʼ bə̂d nɨə ghɨ̀ ɨnû rɨbɔ̀ŋ.”]

Mk 16:19

Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Mk 9:12

Wɨ̀ nyaʼa wììrɨ̀ əmbɨ mɨ̀mə̌d ni, “Èlaijà berɨ be yeʼe ɨmbə̀ʼ wɨrɨ tekɨ ɨnû jìm ɨchî nɨ mbɨ nyaʼa bèi. Əton nɨ mbɨ ŋwaʼnɨ ɨmbə̀ʼ Wan Wə̀d ni wɨ̀ bɨrɨ zə ŋgəʼ nɨ che əbɔ, mbɨ bə̀ ton əməd, kɨ ni yè ə?

Mk 9:24

Àmei əwu əwən, mbǎʼ wan we nyaʼa kyeŋ rɨkǎ ghà ni, “Mə benɨ, àyɨə mɨ ɨbenɨ ə bɔd. Weerɨ əmɨ ghɨ̀ ni wɨ kaanə!”

Lk 17:5

Bə̂d tom Ə̀nùŋɨ̀sɨg nyaʼa ghà ɨ bɔ ni, “Ghɨ ni à ɨbenɨ kaanə!”

Lk 23:11

Herɔ̀d mbɨ mbi mɨ̀sɔgyɨ̀ nyaʼa tìbrɨ̀ əməd bə̀ baʼrɨ əməd. Mbɨ nyaʼa bə̀ zɨ̀ ngywɨ̌ nɨ kaŋ bɔŋ ɨgwɨ məd, wɨrɨ chà əməd əmbɨ Pailèt.

Lk 24:26

Zɨ rɨ wa nyaʼa kuʼi ni Wə̀d we nɨ Ŋwiə̀ zɔʼɔ zə ŋgəʼ ənɨ ɨnû mbɔ̂ bɔŋ nyɨ ɨŋga ənû ɨfɔ̀n əməd ə?”

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 12:24

Mə ghà rəsìʼ ɨ nən ni fɨtam kywɨ̀ mɨ rɨ nyɨ i ɨŋga si, kwɨ, fɨ bɨrɨ ten tə̀zìʼ wi. Fɨ mɨ kwɨ, fɨ bɨrɨ kɔ rɨtam nɔnɔʼ.

Jn 12:32

Əne mɔ̌, ənɨ mbɨ fə nɔ əmɨ ɨkaŋ, mə bɨrɨ suŋ bə̂d mɨjìm ənɨ ə num.”

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 8:56

Ə mbǎʼ Abràham nyaʼa ghaʼ nɨ zə nyùmə̀ we nɨ mə̀ bɨrɨ yeʼe. Wɨ̀ nyaʼa bə̀ zə, əne wɨ̀ nyaʼa ghaʼ kwàʼ rɨŋgəʼ.”

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

1 Kɔrèn 1:18

Ɨŋgam ɨmbə̀ʼ ɨchî nɨ Yeso nyaʼa kwɨ əzed ə baʼnɨ yɨ ənû əneŋ əmbɨ ə bə̂d mbe nɨə nimə, àyɨə əmbɨ mbà mbe nɨə jwɨ̀ rəŋgəʼ, ɨŋgam we ə chwi ɨchî nɨ Ŋwìə̀ berɨ ɨka.

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

Efesùs 2:16

Kristo nyaʼa kwɨ əzed ə baʼnɨ fɔtɨ tɨnəbɨ tɔ̂ rɨ̀be ənɨ nyamnyod mɔʼ. Əze ə nyaʼa maanɨ taŋ mɨ̀mə̌d əne ghɨ̀ mbɨ wò əmbɨ ə Ŋwiə̀. Zɨə nyaʼa ghɨ̀ ni ənû ze nɨ mbɨ nyaʼə chɔb ɨmbə̀ʼ əzɨ əwən ə mi ə.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Fìlipì 1:6

Mə kàŋ kyerɨ ni Ŋwìə̀ we nɨ nyaʼa kɔ ə̀fàʼì ə chɔ̀m zɔ̂ ɨŋga nən bɨrɨ chè ɨmbì mbɨ əzɨ əwən pè əni ze nɨ Kristo Yeso bɨrɨ wɨrɨ yeʼe.

Fìlipì 3:20

À yeʼ ɨmbə̀ʼ əwa, a əbeŋ yɨ ɨkaŋ. Tɨ̀ wɨə wòmə̀ ni Ə̀nùŋɨ̀sɨg Yeso Kristo, nɨ bɨrɨ chɨ̀ əwa rəŋgəʼ, bɨrɨ yeʼe rəŋgu.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Mə̀Hibrù 1:13

À kɨ əmbɨ aŋgɨrə̀ wi nɨ Ŋwìə̀ nyaʼa kweʼ ghà ni, “Chub ənɨ mɨ əbɔ ə jɨgɨ pè ənɨ mə baŋ mbe bə̂d pə̀n əne ghɨ̀ ni mbɨ yeʼ ɨghɨ nɨ à bɨrɨ teerɨ mbe ɨwu ɨgun ə”?

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 10:14

Ənjìm əghɨ ə̀fà ə mɔʼ, wɨ̀ fə zeŋnɨ bə̂d Ŋwiə̀, mbɨ bɔ̀ŋ màànɨ̀ koŋ.

Mə̀Hibrù 10:33

À nyaʼa ənɨ mɨ̀nyùmə̀ mɔʼɔ, ɨ mbɨə nyaʼə zɔ̀m əwən bə̀ chə əwən əkaʼ bə̂d. Ənɨ mɨ̀nyùmə̀ cherə, mbə mbɨə nyaʼə wèèrɨ̀ə̀ bə̂d cherə mbe nɨ mbɨ nyaʼə zɔ̀mə̀ mɨ̀mə̌d bə̀ chəə mɨ̀mə̌d.

Mə̀Hibrù 11:36

Mbɨ nyaʼa baʼrɨ mbɨ mɔʼɔ, wid mbɨ mɔʼɔ ənɨ ə ŋgwad, kod mbɨ mɔʼɔ ənɨ mɨ̀kàrə̀ zɨ ə ndəŋ.

Mə̀Hibrù 12:3

Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.

Mə̀Hibrù 13:13

Əne tɨ̀ wo əsɨ məd ənjìm əsɨ ze nɨ mbɨ chubɨ, bə̀ nɨŋ tɨ̀nìd ətu we nɨ mbɨ nyaʼa zɨ ɨgwɨ məd.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Mə̀Hibrù 7:19

Chəi ɨkə nyaʼa ghɨ ni ənû ə mɔʼɔ ə bɔŋ màànɨ̀. Əne ɨnû mbe nɨ tɨ̀ nuŋ fîŋ ɨgun tɨ̀nîn ə bɔ̀ŋ chè mbe nɨ tɨ̀ nyaʼa be nùŋ fîŋ ɨgun. Tɨ̀ wɨə che ənjìm ɨnû mbe tindɨ ɨban ə Ŋwiə̀.

Mə̀Hibrù 8:1

Ənû ə kyeŋ nɨ yeʼ ɨŋga ənû zɔ̂ yɨ ni, tɨ̀ berɨ ətu ɨgwɨ ə bə̂d mbàn Ŋwìə̀ nɨ yeʼ ɨghabɨ wɔ̂ nɨ tɨ̀ gha ɨmbə̀ʼ əməd. Ɨ wɨ ɨkaŋ əbà əbɔ ə jɨg ətən ɨfɔ̀n ə Ŋwiə̀ Ə̀chè-ɨsɨg.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

Jems 2:1

Mbɨ bɔŋgɔb, ɨchî nɨ mbə̀ ben Ə̀nùŋɨ̀sɨg Yeso Kristo we nɨ bə̂d ə wumnɨə, tɨ mbə̀ ghɨ̀ ə əghə.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:17

Ənɨ mə̀ nyaʼa zə əməd, mə nyaʼa gù ə si ɨban ɨwu məd sɨ ɨghabɨ əvɨ ə wə̀d. Àyɨə wɨ̀ nyaʼa zab e əbɔ ə jɨgɨ ɨgwɨ num ghà ni, “Tɨrə̀ bɔ e, mɔ̌ yɨə wɨ rɨtu bə̀ yeʼ we nɨ sɨ nwìə̀.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.