Mə̀Hibrù 11:8 - Meta’

⁸ À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

Ikan feg

⁸ À ya ibḛfiŋ ya ghì gha Abràham zugri Ŋwiye anyumə̀ ne Ŋwiye ya kàri aməd gha wì duwə inga àzi aben ghò ane asiŋi ne Ŋwiye biri nàʼ ibo. Ka chəyi Abràham ya kyeri asiŋi ze ne wì yaya ghò angu, wì ya dù ibo aben ghò.

Mə̀Hibrù 11:8 Кръстосани препратки

Matìyò 2:21

Əne Jòsêf nyaʼa nɔ̀ʼ nɨŋ wan we mbɨ ɨŋgɔb məd mbɨ bə̀ndɨ̀ wò ə Izre.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 10:16

Àyɨə kaʼi bə̂d mɨjìm kɨrɨ ben ɨkə̂n chɔ̀m we. Wə̀d ɨ̀kə̀n Ŋwìə̀ Aizayà nyaʼa ghà ni, “Ə̀nùŋɨ̀sɨg, à kɨə we fə ben ɨkə̂n we nɨ tɨə ghà ə?”

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

2 Kɔrèn 10:5

Tɨ̀ wɨə nɨŋ ɨghɨ bid mbe nimnɨ ɨnû mɔʼɔ mbe nɨ bə̂d ə tàŋ ɨmbə̀ʼ mbɨwən. Tɨ̀ wɨə bə̀ nɨŋə nimnɨ ɨnû jìm mɔʼɔ mbe nɨ mbɨ nɔ nɨ kən ni tɨ bə̂d kyerɨ ə Ŋwiə̀. Tɨ̀ wɨə nɨŋ ɨghɨ bid mbe baŋə tɨkɔndɨ rɨjìm, sɨ ghɨ̀ ni tɨ zuunɨ ə Kristo.

Mə̀Hibrù 11:33

mbe nɨ ɨbenɨ mɨ̀mə̌d nyaʼa ghɨ mbɨ mɔʼɔ màʼ bid mbɨ ɨbeŋ mɨfɔ̀n cherə chè, mbɨ mɔʼɔ saʼ bə̂d ɨchɨ nɨ kuʼnɨ, mbɨ mɔʼɔ berɨ ɨnû mbe nɨ Ŋwìə̀ nyaʼa kaʼ əmbɨ mɨ̀mə̌d, mbɨ mɔʼɔ kubrɨ mɨchû mɨ̀ŋgwàbaʼ,

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Pità 3:1

À yɨ əndəŋ əndəŋ ni mbə̀n məyi berɨ zuunɨ mbə mɨnom, ɨmbə̀ʼ à mɨ yeʼ nɨ chəi wɨ mɔʼɔ rəbɔʼ mɨ̀mə̌d kɨrɨ ben ɨŋgam Ŋwiə̀, məyi mɨ̀mə̌d mbe tɨ mbɨ beŋ mɨ̀mə̌d ənɨ tə rɨghɨrɨ-ɨnû, nɨ chəi mbɨ gha ənû ə mɔʼɔ.

1 Pità 4:17

Nyùmə̀ fə kuʼ nɨ Ŋwìə̀ bɨrɨ kɔ saʼ bə̂d. Wɨ̀ bɨrɨ kɔ mbɨ ɨnəbɨ Ŋwiə̀. Wɨ̀ mɨ nɨə kɔ mbɨ na, njɨ ɨnwǐ bə̂d mbe nɨ chəi mbɨə zuunɨ ɨkə̂n chɔ̀m ɨmbə̀ʼ ə Ŋwiə̀ kɨə wo yeʼ rɨ ye ə?