Mə̀Hibrù 11:4 - Meta’

⁴ À yɨ ɨbenɨ nyaʼa ghɨ ni Abèl nàʼ əghɨ ə̀fà əmbɨ ə Ŋwiə̀ nɨ nyaʼa bɔŋ chè əzɨ ə Kaìn. À yɨ ənjìm ɨbenɨ məd nɨ Ŋwìə̀ nyaʼa gha ni məd wɨə ghɨ̀ ɨnû nɨ kuʼnɨ. Ŋwìə̀ nyaʼa ghà əne ɨmbə̀ʼ ɨghəm nɨ wɨ̀ nyaʼa ben ɨghɨ mbe nɨ wɨ̀ nyaʼa naʼa. Abèl nyaʼa kwɨ, àyɨə ənjìm ɨbenɨ məd, ɨ wɨə kɨrɨ ghàmə̀.

Ikan feg

⁴ À ya anjìm ibḛfiŋ ne Abè ya nàʼi aghi àfàtì ne bɔŋi chè àze ne Ken ya nàʼi. À ya anjìm ibḛfiŋ ìwi Abè ne Ŋwiye ya gha məd ya wə̀d ne təmi kòʼ anyumə̀ we ne Ŋwiye ya gha, aghi àfàtì məd kòʼ. Ka Abè ya jiʼì ku yi, anjìm ibḛfiŋ məd, məd we kiri ghàmà.

Mə̀Hibrù 11:4 Кръстосани препратки

Matìyò 23:35

ɨmbə̀ʼ ənəm ə bə̂d mɨ̀jìm mbe nɨ nyaʼə ghɨ̀ ɨnû nɨ kuʼnɨ ɨgun ə si ə nyɨ ɨgwɨ nən, kɔ rɨ ənɨ ənəm ə Abèl we nɨ nyaʼə ghɨ̀ ənû nɨ kuʼnɨ wo pè ənɨ ənəm ə Zèkàriyà we nɨ nyaʼə wan Bèrekìà, nɨ mbə̀ nyaʼa zwiirɨ əsàn əsɨ ɨwumnɨ mbɨ ɨkwi ɨjə̀ŋ ə̀fà.

Lk 11:51

Mbɨ bɨrɨ kɔ rɨ ənɨ ənəm ə Ebèl wò pè ənɨ ənəm ə Zèkariyà we nɨ mbɨ nyaʼa zwiirɨ əsàn ɨkwi ɨjə̀ŋ Ŋwiə̀ mbɨ əsɨ ɨwumnɨ. Ee, mə ghà ɨ nən ni mbɨ bɨrɨ biirɨ ənəm ze rɨ əmbɨ ɨghəm bə̂d wɔ̂ rɨ̀nîn.

Tayitùs 1:16

Ɨ mbɨə ghàə̀ ni mbə kyerɨ ə Ŋwiə̀, àyɨə ənû mbe nɨ mbɨə ghɨ̀ə̀ mbɨə chwiə ni ɨ mbɨə ton əməd. Chəi bə̂d ghaʼ mɨ̀mə̌d. Chəi mbɨə zuunɨ ə Ŋwiə̀. Mbɨ rɨka kaŋ kuʼ əwən nɨ ghɨ ənû ə chɔ̀m ə mɔʼɔ.

Mə̀Hibrù 11:2

À yɨ ənjìm ɨbenɨ bə̂d mbe rəŋwe nɨ Ŋwìə̀ nyaʼa chwiə ni tə ghaʼ mɨ̀mə̌d.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 5:1

Ɨ mbɨə chɔʼ ɨtu jìm ɨgwɨ ə bə̂d mbàn Ŋwìə̀ rəkaʼ bə̂d məd. Ɨ mbɨə chɔʼə mɨ̀mə̌d ni mbɨ faʼ əmbɨ ə Ŋwiə̀ dè ətu bə̂d mbe. Ɨ wɨə nàʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀ ɨgwɨ ɨnû rɨbɔ̀ŋ mɨ̀mə̌d.

Mə̀Hibrù 9:22

À yɨ rəsìʼ ni ə zɨ ɨŋga rɨkə ni à bùʼ àmei rɨpiî ənəm ə zeŋnɨ ɨghɨjìm. Ənəm ə mɨ ton chəmbɨ i, chəi mbɨ bɨrɨ waʼ ɨnû rɨbɔ̀ŋ bə̂d.

2 Pità 2:8

Fîŋ mbaŋə̀ zɔ̂ nɨ nyaʼə ghɨ̀ ɨnû nɨ kuʼnɨ zɨə nyaʼə tɔb əməd ɨni jìm ɨmbə̀ʼ ɨchî nɨ ɨ wɨ̀ nyaʼə zəə bə̀ zuə ɨnû mbe nɨ bə̂d mbe nɨ chəi mbɨ nyaʼə wumnɨ ə Ŋwiə̀ nyaʼə ghɨ̀ə̀ bə̀ ghàə̀.

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.