Mə̀Hibrù 1:1 - Meta’

¹ À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Ikan feg

¹ À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

Mə̀Hibrù 1:1 Кръстосани препратки

Lk 1:55

Wɨ̀ nyaʼa kàʼ ni tə bɨrɨ diirɨ ə Abràham bə̀ dììrɨ̀ bɔn tɨ ənɨ əghaŋ əməd koŋ ɨchî nɨ wɨ̀ nyaʼa ghǎ əmbɨ mba mɨ̀mbǎʼ rəŋwe.”

Lk 1:72

Wɨ̀ nyaʼa ghà ni tə bɨrɨ dììrɨ̀ mba mɨ̀mbǎʼ rəŋwe, bə̀ kɔndɨ fɨso zeŋɨ fe nɨ wɨ̀ nyaʼa sanɨ,

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Jn 7:22

Mose nyaʼa ghà ni mbə̀ ne mbə bɔn mbaŋə̀. (Kaʼi Mose nyaʼa gha ənû zɔ̂. À yɨ mbə mɨ̀mbǎʼ ɨnəbɨ nyaʼa gha ni mbə̀ ghɨ əne.) Əne mbə mbɨə nèə̀ bɔn mbaŋə̀ əni əkwɨ, nɨ kaʼi əni nɨ bə̂d berɨ nɨ fàʼ.

Jn 9:29

Tɨ̀ kyerɨ ni Ŋwìə̀ nyaʼa ghàm əmbɨ Mose, à yeʼ ɨmbə̀ʼ mbaŋə̀ zɔ̂, chəi tɨ̀ kyerɨ əsɨ ze nɨ wɨ̀ nɔʼ rəŋgu.”

Ɨ̀fàʼì 13:32

Əne tɨ̀ fə yeʼe mbɨ ɨkə̂n chɔ̀m ɨ nən ni ənû ze nɨ Ŋwìə̀ nyaʼa kaʼ əmbɨ mba mɨ̀mbǎʼ rəŋwe,

Ɨ̀fàʼì 2:30

Ɨchî nɨ Dèvîd yɨə nyaʼə wə̀d ɨ̀kə̀n Ŋwìə̀, wɨ̀ nyaʼa kyerɨ ni Ŋwìə̀ nyaʼa fə kàʼ bə̀ kàn ni tə bɨrɨ nuŋ wan tɨ ənɨ əghaŋ əməd ni wɨ̀ jɨg ətən ɨfɔ̀n əməd.

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 3:21

Yeso berɨ chub ɨkaŋ pè ənɨ Ŋwìə̀ tekɨ ɨnû jìm mbɨ kuʼ ɨchî nɨ wɨ̀ nyaʼa fə ghɨ̌ bə̂d ɨ̀kə̀n zeŋɨ ghà rəŋwe.

Mə̀Hibrù 11:18

Ŋwìə̀ nyaʼa fə ghà ɨ bɔ ni, “À yɨ ənjìm ə Aizìk nɨ à bɨrɨ berɨ bɔn mbe nɨ mə̀ kaʼi.”

Mə̀Hibrù 11:2

À yɨ ənjìm ɨbenɨ bə̂d mbe rəŋwe nɨ Ŋwìə̀ nyaʼa chwiə ni tə ghaʼ mɨ̀mə̌d.

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 2:2

Ɨkə̂n we nɨ mbɨ̀aŋgɨrə̀ nyaʼa gha əmbɨ mba mɨ̀mbǎʼ rəŋwe yɨə nyaʼa ɨkə̂n rəsìʼ. Əne bə̂d mɨ̀jìm mbe nɨ chəi mbɨ nyaʼa ghɨ̀ ɨnû mbe nɨ mbɨ nyaʼa gha ɨŋga ɨkə̂n we, kɨ̀ mbe nɨ chəi mbɨ nyaʼa ghɨ ɨnû mbe, nyaʼa berɨ ɨchə nɨ kuʼnɨ.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 3:5

Mose nyaʼa fàʼ ɨŋga nəb Ŋwìə̀ ənɨ i fîŋ jìm. Wɨ̀ nyaʼa ghɨ̀ əne àmei ɨghabɨ wə̀d ə̀fàʼì. Ɨ wɨə nyaʼə ghà ɨmbə̀ʼ ɨnû mbe nɨ Ŋwìə̀ bɨrɨ nɨ ghà.

Mə̀Hibrù 4:8

À kɨ nɨ Jòsuà nyaʼa cha mɨ̀mə̌d ɨŋga əsɨ ə̀zwììrɨ̀ ze, njɨ chəi Ŋwìə̀ nyaʼa wɨrɨ yì ghà ɨmbə̀ʼ əni ə cherə.

Mə̀Hibrù 5:5

Əndəŋ əndəŋ, kaʼi Kristo ziə nyaʼa kəb ɨwumnɨ we nɨ yeʼ ətu ɨgwɨ ə bə̂d mbàn Ŋwìə̀, àyɨə Ŋwìə̀ nyaʼa ghà ɨ bɔ ni, “Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ.”

Mə̀Hibrù 9:19

Ənɨ Mose nyaʼa fə ghà rɨkə jìm əmbɨ ə bə̂d mbe mɨjìm, wɨ̀ nyaʼa nɨŋ ɨnaŋ bə̀ nɨŋ ndàb nɨə bàŋə̀ buù nɨ mbɨ nyaʼa tekɨ ənɨ nyôŋ rɨ njɨ̀g. Wɨ̀ nyaʼa nɨŋ əne chùb ɨŋga ənəm ə bɔn mbɨ̀rɨkun mbɨ əzɨ ə gywɨ nɨ mbɨ fɔtɨ tɔpɨ ɨŋga mɨnib, əne ŋwììrɨ̀ ɨgun ə̀ŋwàʼnɨ̀ ze nɨ rɨkə yeʼ ɨŋga bə̀ ŋwììrɨ̀ ɨgun ə bə̂d mbe mɨjìm.