Kòlosè 2:8 - Meta’

⁸ Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.

Ikan feg

⁸ Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

Kòlosè 2:8 Кръстосани препратки

Matìyò 10:17

Mbə̀ we əwən mbɨ ə bə̂d, ɨmbə̀ʼ ɨghəm nɨ mbɨ bɨrɨ yim əwən wò naʼ əmbɨ mə̀saʼ əbeŋ. Mbɨ bɨrɨ bɨ te əwən ɨŋga nəb tɨ ə̀kàtɨ̀ tɨ mɨ̀mə̌d.

Matìyò 16:6

Yeso nyaʼa ghà əmbɨ mɨ̀mə̌d ni, “Mbə̀ chub ɨkyèʼe we əwən, ɨmbə̀ʼ ɨfuʼ mɨ̀Farisiî mbɨ wɨ mɨ̀Sadusiî we nɨə ghɨ̀ ni ŋgə̀ŋ kɔʼ.”

Matìyò 7:15

“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə.

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 17:32

Ənɨ mbɨ nyaʼa zu ənɨ Pɔ̂l nyaʼa gha ɨmbə̀ʼ ənû nɨ zwemə, mbɨ mɔʼɔ nyaʼa baʼrɨ əməd, àyɨə mbɨ cherə nyaʼa ghà ni, “Tɨ̀ bɨrɨ wɨrɨ zu ənû zɔ̂ ɨghəm cherə.”

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

1 Kɔrèn 8:9

Mbə̀ we əwən ni tɨ ɨchî nɨ tɨ mbə̀ jɨg əghɨ ə mɔʼɔ kɨ̀ ɨchî nɨ chəi ənɨ tɨ̀ mbə̀ jɨg ə ghɨ ni bə̂d mbe nɨ ɨbenɨ mɨ̀mə̌d bɔd gu ənû.

2 Kɔrèn 10:5

Tɨ̀ wɨə nɨŋ ɨghɨ bid mbe nimnɨ ɨnû mɔʼɔ mbe nɨ bə̂d ə tàŋ ɨmbə̀ʼ mbɨwən. Tɨ̀ wɨə bə̀ nɨŋə nimnɨ ɨnû jìm mɔʼɔ mbe nɨ mbɨ nɔ nɨ kən ni tɨ bə̂d kyerɨ ə Ŋwiə̀. Tɨ̀ wɨə nɨŋ ɨghɨ bid mbe baŋə tɨkɔndɨ rɨjìm, sɨ ghɨ̀ ni tɨ zuunɨ ə Kristo.

Gàlesìyà 1:14

Mə wɨə nyaʼə wò ɨmbì ənɨ ənû ə Ŋwiə̀ mɨ̀Jû chè mɨ̀Jû nɔnɔʼ nɨ nyaʼa tum rɨ̀ghə̀m. Mə nyaʼa kàŋ jeŋgɨ zɨ̀ ətu nɨ ghɨ ɨnû mbe nɨ mba mɨ̀mbǎʼ rəŋwe nyaʼə ghɨ̀ə̀.

Gàlesìyà 4:3

À yɨ əndəŋ əndəŋ mbɨ na. Əne yɨ ni ənɨ tɨ̀ nyaʼə bɔn kwa, tɨ̀ yɨə nyaʼə ɨ̀bòʼò əton ɨzwî mbe nɨ nyaʼə tùmbɨ̀ ɨsɨg.

Gàlesìyà 4:9

Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?

Gàlesìyà 5:15

Tɨ mbə̀ yeʼ əwən ɨghabɨ ə nyam rɨ tɔtɔ nɨ nombɨə bə̀ kurə tɨ cherə. Mbə̀ we əwən ɨmbə̀ʼ mbə nɨə nimnɨ əwən mbənə mbənə.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Efesùs 4:20

Kaʼi ənû ze nɨ mbə̀ nyaʼa kwembɨ ɨmbə̀ʼ ə Kristo ə ze!

Efesùs 5:6

Tɨ mbə̀ ben ə ni wə̀d mɔʼɔ tambɨ əwən mbɨ mɨŋgam əko, ɨmbə̀ʼ ɨghəm nɨ à yɨ ɨmbə̀ʼ ɨnû mbɔ̂ nɨ ɨsə ɨtəm Ŋwiə̀ bɨrɨ yeʼe ɨgwɨ ə bə̂d mbe nɨə ghɨ̀ rɨ̀zuə̀.

Fìlipì 3:2

Mbə̀ we ə mbɨ ə bə̂d mbe nɨə ghɨ̀ ɨnû rɨbɔ̀ŋ. Mbɨ yɨ ɨghabɨ ə bu. Ɨ mbɨə yènə̀ ghàə̀ ni mbɨ berɨ ne bə̂d.

Kòlosè 2:18

Tɨ mbə ben ə ni wə̀d mɔʼɔ ghɨ ni mbə̀ nim ɨneʼe we nɨ Ŋwiə̀ kaʼ ɨ nən ɨchî nɨ wɨə nyeŋ əwən ni mbə swi ɨnyod bə̀ nyèŋə̀ ni mbə̀ wumnɨ mbɨ̀aŋgɨrə̀. Bə̂d mbe nɨə ghɨ̀ əne mbɨə ghàə̀ ni mbə zə ɨnû mbe ɨŋga rɨ̀taanɨ njə̀m. Ɨ mbɨə nɔ̀ ɨnyod ɨmbə̀ʼ ɨghɨ mbe nɨ mbɨ kɔndɨ ni mbə kyerɨ, àyɨə chəi mbɨ berɨ əton nɨ nɔ ɨnyod.

Kòlosè 2:20

Mbə mɨ fə kwɨ mbɨ Kristo, əne wɨ̀ fə chɨ̀ əwən rɨ əton ɨka we nɨ ɨzwî rɨbɔ̀ŋ mbe rɨŋga ɨsɨg berɨ ɨgwɨ nən. À kɨə ye sɨ ghɨ ni mbə̀ chub ɨghabɨ bə̂d nɨ kɨrɨ ɨŋga ɨsɨg ə? Mbə kɨə zuunɨ rɨkə te rɨŋga ɨsɨg ɨmbə̀ʼ ə yè ə? Tɨ mɔʼɔ rəbɔʼ yɨ ni:

Kòlosè 2:22

(Əne yɨ mbɨə ghà ɨmbə̀ʼ ɨghɨjìm mbe nɨə bə əwu ze nɨ mbɨ faʼ mbɨ mbɨwən). Ɨ mbɨə ghà əne beenɨ əbɔʼ rɨkə te nɨ bə̂d mɨ̀sɔŋɨchù ə nùŋə̀ bə̀ fɔrɨ əbɔʼ ɨnû mbe nɨ mbɨə chwiə.

Kòlosè 2:23

Tɨkə tɔ tɨ ɨghabɨ ni tɨ̀ berɨ ɨwe ɨŋga ɨchî nɨ tɨə nyèŋə̀ bə̂d ni mbɨ wumnɨ ə Ŋwiə̀, swi ɨnyod bə̀ chə ɨnyod, àyɨə chəi tɨ berɨ ɨka nɨ yim bə̂d ni mbɨ ton ɨnû mbe nɨ nyamnyod ə kə̀bə̀.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

1 Pità 1:18

Mbə̀ kyerɨ ni Ŋwìə̀ nyaʼa fə choʼ mbə ɨtu tɨ ənɨ mɨchî rɨbɔ̀ŋ mbe nɨ mbə nyaʼa nɨŋ rɨ əmbɨ mbə mɨ̀mbǎʼ rəŋwe. Chəi wɨ̀ nyaʼa ghɨ əne ənɨ ə sɨrɨvà kɨ ənɨ ə gôl nɨ tɨ̀ mbɨ bə.

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.

2 Jɔn 1:8

Mbə̀ we əwən ɨmbə̀ʼ tɨ mbə̀ nim ə əghɨ ze nɨ mbə̀ fə faʼ ɨmbə̀ʼ əzɨ əwən, àyɨə mbə̀ wo ɨmbì fàʼ ɨmbə̀ʼ mbə̀ berɨ ɨchɔʼ ə̀fàʼì ɨ swi.