Kòlosè 2:7 - Meta’

⁷ Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

Ikan feg

⁷ Mbə̀ bə chè imbìghè ni kweg inga anug Kristo, àzən aghaŋ inga Yeso təm kà. Ìwən ibḛfiŋ igun Yeso bə təm kà kwàʼ icheg ne mbi ya chwiti inən. Mbə̀ ya taŋ nàʼà məyakà abə Ŋwiye mà nyumə̀ ijìm.

Kòlosè 2:7 Кръстосани препратки

Lk 6:48

Wɨ̀ yɨ ɨghabɨ ə mbaŋə̀ nɨə bɔmə nəb. Wɨ̀ nyaʼa toŋ əchɨ zɨə nyɨ ə si, əne bɔm əchɨ ze ɨgun ɨwɔ̌. Ɨgyɨ̂ nyaʼa swi gwèə̀, chè nun nəb ze, àyɨə chəi nəb ze nyaʼa wùrɨ, ɨmbə̀ʼ ɨghəm nɨ mbɨ nyaʼa bɔm ɨchî chɔ̀m.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

1 Kɔrèn 1:8

Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

2 Kɔrèn 1:21

À yɨə Ŋwiə̀ ghɨ ni mbǎ mbɨ nən təm kàànɨ ɨchî nɨ tɨ̀ yeʼ ənɨ ɨfɔtɨ mbɨ Kristo. Wɨ̀ fə chɔʼ əwa ənɨ mbi bə̂d,

Efesùs 3:17

Mə wɨə bə̀ kɔ̀ŋgɨ̀ə̀ ni ə ɨbenɨ ghɨ ni Kristo chub ɨŋga tə fîŋ fɔrɨ ni mbə̀ ghaʼ ə Ŋwiə̀ bə̀ ghaʼ mbə bɔŋgɔb. Mbə mɨ ghɨ əne, mbə bɨrɨ yeʼ ɨghabɨ əzed nɨ ɨghaŋ nyɨ ə si, bə̀ yeʼ ɨghabɨ ə nəb nɨ mbɨ bɔm ɨgun əchɨ.

Efesùs 4:21

Mə kyerɨ ni mbə nyaʼa fə zu ɨmbə̀ʼ əməd. Mə bə̀ kyerɨ ni mbɨ nyaʼa bə̀ chwi ɨnû ɨ nən ɨmbə̀ʼ əməd nɨ yeʼ ɨnû rəsìʼ ɨmbə̀ʼ ə Yeso.

Efesùs 5:20

Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

1 Tèsàlonikà 5:18

bə̀ nàʼ məben-əwe əmbɨ ə Ŋwiə̀ ɨmbə̀ʼ ɨnû jìm. Mbɔ̂ yɨ ɨnû mbe nɨ Ŋwiə̀ kəbɨ rɨ nən ɨchî nɨ mbə̀ yeʼ ənɨ fɔtɨ mbɨ Kristo Yeso.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

Mə̀Hibrù 13:15

Əne tɨ̀ che ənjìm məd wò ɨmbì nàʼ əghɨ ə̀fà nɨ yiirɨ ə Ŋwìə̀, əne yɨ ni, tɨ̀ nɨŋ mba mɨchû mbe nɨ ben ni məd yɨ Ə̀nùŋɨ̀sɨg wumnɨ əməd əŋgu.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

Jûd 1:12

Bə̂d mbɔ̂ yɨ ɨghabɨ tɨfiŋɨ nɨə fiinɨ əwən ənɨ mbɨə jɨgə tɨjɨg ɨghaʼi mbɨ nən. Chəi ɨtu ə nìd mɨ̀mə̌d ənɨ mbɨə jɨgə mbɨ nən. Ɨ mbɨə nəŋgɨ àmei tə nyamnyod. Mbɨ yɨ ɨghabɨ pàʼ nɨ ɨfə ə tinə, nɨ chəi tɨə ghɨ̀ ni mbə̀ŋ nɔ. Mbɨ yɨ ɨghabɨ ɨzed mbe nɨ chəi tɨə kɔ rɨtam, ka àbei ənɨ ə nyùmə̀ we nɨ ɨzed ə kɔ rɨtam. Mbɨ yɨ ɨghabɨ ɨzed nɨ mbɨ fə chɔʼ rɨ ə si, mbɨ kwɨ.

Jûd 1:20

À yeʼ mbə̀nə, mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ wo ɨmbì kwi ɨŋga ə ɨbenɨ we nɨ fə zeŋɨ màànɨ̀. Mbə̀ kɔŋgɨ ə Ŋwiə̀ ɨchî nɨ Əzwî ə Zeŋɨ ə naʼ ɨka ɨ nən.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.