Kòlosè 1:4 - Meta’

⁴ Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

Ikan feg

⁴ Tì ya nàʼà məyakà ibo ane imbə̀ʼ icheg ne tè zug icheg ne mbə̀ nɔŋi ìwən ibḛfiŋ igun Yeso Kristo fɔrɔ icheg ne mbə̰ mbe kɔ̀ŋɔ̀ bəd Ŋwiye məjìm.

Kòlosè 1:4 Кръстосани препратки

2 Kɔrèn 7:7

Ka àmei ɨchî nɨ Taitùs nyaʼa yeʼe we nyaʼa nəərɨ əwa. Ɨchî nɨ mbə̀ nyaʼa timbɨ əməd nyaʼa bə̀ nəərɨ əwa. Wɨ̀ nyaʼa ghà ɨ na ɨmbə̀ʼ ɨchî nɨ mbə̀ kəb nɨ zə əmɨ. Wɨ̀ nyaʼa ghà ɨmbə̀ʼ ɨchî nɨ mbə mbɨə kə̀n ɨmbə̀ʼ ɨnû mbe nɨ mbə̀ nyaʼa ghɨ̌. Wɨ̀ nyaʼa bə̀ ghà ɨmbə̀ʼ ɨchî nɨ mbə̀ zɨ ɨka nɨ ghɨ ɨnû mbe nɨ mə̀ nyaʼa gha ɨ nən. Ɨnû mbɔ̂ nyaʼa ghɨ̀ ɨghaʼi swi ɨŋga mɨ fîŋ.

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Efesùs 1:15

Tɨ ənɨ mə̀ nyaʼa zu ɨmbə̀ʼ ɨbenɨ we nɨ mbə̀ berɨ ɨgwɨ Ə̀nùŋɨ̀sɨg Yeso bə̀ zu ɨchî nɨ mbə̀ ghaʼ bə̂d Ŋwiə̀ mɨjìm,

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

1 Tèsàlonikà 3:6

Tɨ̀nîn Timotì fə bə̀ndɨ̀ yeʼe əsɨ na mbɨ ɨkə̂n chɔ̀m ɨmbə̀ʼ ɨchî nɨ mbə̀ nuŋ fîŋ ɨgun ə Kristo fɔrɨ ɨmbə̀ʼ ɨchî ni mbə̀ ghaʼ mbə bɔŋgɔb. Wɨ̀ fə ghà ɨ na ni mbə mbɨə kɔndɨ əwa ɨghəm jìm ənɨ ə fîŋ chɔ̀m bə fɔrɨ ni mbə mbɨə kəb zə əwa àmei ɨchî nɨ tɨə bə̀ kəb zə əwən.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

Filemɔ̀n 1:5

Mə wɨə ghɨ̀ əne ɨmbə̀ʼ ɨghəm nɨ mə zu ɨchî nɨ à ghaʼ bə̂d Ŋwiə̀ mɨ̀jìm, bə̀ zu ɨchî nɨ à ben Ə̀nùŋɨ̀sɨg Yeso.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

1 Jɔn 3:14

Tɨ̀ ə kyerɨ ni tɨ̀ wɨə nyaʼa ɨghabɨ ɨvɨ bə̂d, àyɨə tɨ̀nîn, tɨ̀ fə jɨg ɨ̀tènɨ̀, ɨmbə̀ʼ ɨghəm nɨ tɨ̀ ghaʼ mba bɔŋgɔb. Wə̀d we nɨ chəi wɨ̀ ghaʼ wi aŋgɔb wɨə kɨrɨ i ɨghabɨ əvɨ ə wə̀d.

1 Jɔn 3:23

Ɨkə we nɨ Ŋwìə̀ naʼ ɨ na yɨ ni tɨ ben Wan məd Yeso Kristo bə̀ ghaʼ mba bɔŋgɔb. Tɨ̀ ghɨ əne àmei ɨchî nɨ Kristo nyaʼa fə gha ɨ na.

1 Jɔn 4:16

Əne tɨ̀ fə kyerɨ bə̀ ben ni Ŋwìə̀ ə ghaʼ əwa. Ŋwìə̀ wɨə ghaʼə bə̂d, əne wə̀d we nɨ ghaʼ wi aŋgɔb wɨ ənɨ ənû ə mɔʼ mbɨ ə Ŋwìə̀, Ŋwìə̀ ziə wɨə bə̀ ənɨ ənû ə mɔʼ mbɨ məd.