Jems 5:3 - Meta’

³ Gôl mbɨ ə sɨrɨvà we nɨ mbə̀ berɨ fə bèŋ ənɨ ɨghɨ əko. Ɨghɨ mbɔ̂ nɨ beŋ ənɨ ɨghɨ əko bɨrɨ yeʼ ənweenɨ ɨ nən ni mbə mbɨə ghɨ̀ əjə. Mbɔ̂n ze bɨrɨ tɔn əwən ɨchî nɨ ɨwid ə tɔ̀n ə wə̀d. Mbə fə fetɨ mbɔ̂n nùŋ ɨŋga ɨni mbɔ̂ nɨ sɨ nwìə̀.

Ikan feg

³ Ìwən gol fɔrɔ ìwən siribà fə bə̀ bɔb. Icheg ne mbi bɔbi anìŋ, à ya aneni ne zìyè isaʼi igun inən. Isaʼi gho̰ ya gha mbə̰ fə kaʼ ighi ikab inga ineg mbo̰ ne isəg we se nwḭ̀yḛ̀, ne chəyi mbə̰ mbe wètè bəd ne chəyi àzɔb. Ighi mbo̰ ijìm ne mbə̀ kaʼi biri se tɔ̰̀ awən icheg iywid.

Jems 5:3 Кръстосани препратки

Ɨ̀fàʼì 2:17

Ŋwìə̀ ə ghà ni, ɨŋga ɨni mbe nɨ sɨ nwìə̀, mə bɨrɨ cha mɨ Əzwî ɨgun ə bə̂d mɨjìm. Mbə bɔn mbaŋə̀ mbɨ mbə bɔn məyi bɨrɨ gha mɨ ɨkə̂n. Mbə ɨjɔŋ bɨrɨ zə tɨ̀taanɨ njə̀m. Njə̀m bɨrɨ chè tə mbaŋə̀ te nɨ fə nunə.

Rm 2:5

Àyɨə ɨchî nɨ à berɨ fîŋ nɨ kǎ, nɨ chəi ənɨ tɨ̀ mbɨ bèŋ, əne kyerɨ ni Ŋwìə̀ wɨ rəbə sə i ɨtəm sə əbɔʼ ne. Əne wɨ̀ bɨrɨ zɨ ɨchə nɨ ka ɨgwɨ ne əni ze nɨ wɨə sob mɨsaʼi ɨchî nɨ kuʼnɨ.

2 Timotì 2:17

Ɨnû mbe nɨ mbɨə ghàə̀ bɨrɨ jaŋ àmei ɨchî nɨ mɨchɔʼɔ ə jàŋ ɨgwɨ ɨnyod wə̀d. Bə̂d mɔʼɔ rəbɔʼ mbe nɨə ghà ɨnû mbɔ̂ yɨə Haimenaùs mbɨ Filetùs.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.

Ɨnû 17:16

Ndɔŋ te wum nɨ à kəʼ zə mbɨ ə nyam kyeŋ ze bɨrɨ ban ə̀kùnɨ̀ ze. Mbɨ bɨrɨ nɨŋ ɨghɨjìm rɨ bɔ, saŋ əməd tɨ̀sɔ̀ʼ ɨkyerɨ. Mbɨ bɨrɨ kud nyamnyod məd bə̀ tɔ̀n əməd ənɨ ɨwid.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”