Jems 5:16 - Meta’

¹⁶ Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.

Ikan feg

¹⁶ Ane, mbə̀ bḛ ìmbən inug tibɔ̀ŋ abə mə̀mbin bə̀ chàʼra Ŋwiye gha wì ghuyə bəd ne ghɔ̰̀. Ichaʼri Ŋwiye ìwi wə̀d ne təmi kòʼ ya bèrè ika bə̀ fàʼà inug kwàʼ icheg chɔm.

Jems 5:16 Кръстосани препратки

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Matìyò 3:6

Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.

Mk 1:5

Bə̂d mbe rɨŋga əbà əbeŋ ze rɨ ə Jùdeyà fɔrɨ bə̂d mɨ̀jìm mbe rɨ ə Jèrusalèm nyaʼa jwɨ̀ wò kumnɨ əməd, ben mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̂ Jodàn.

Lk 9:6

Mə̀mə̀ə̀nɨ̀-ɨnû mbe nyaʼa jwɨ̀ wò chè ɨŋga ɨsɨ nɔnɔʼ, yènə̀ ghà ɨkə̂n chɔ̀m bə̀ yènə̀ vɨ̀ə̀ bə̂d ɨsɨ jìm.

Jn 9:31

Tɨ̀ kyerɨ ni chəi Ŋwìə̀ ə zwetɨ ɨnû mbe nɨ bə̂d nɨə ghɨ̀ ɨnû rɨbɔ̀ŋ ə ghàə̀, àyɨə məd wɨə zwetɨ rɨ əmbɨ ə bə̂d mbe nɨə wumnɨ əməd bə ghɨ̀ə̀ ɨnû mbe nɨ wɨ̀ kəbɨ.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 19:18

Bə̂d mɨ̀nɔnɔʼ rəbɔʼ mbe nɨ nyaʼa ben ə Kristo nyaʼa wò ben tə rɨ̀gùrɨ-ɨnû ɨfě bə̂d Kristo bə̀ ghà ɨnû rɨbɔ̀ŋ mbe nɨ mbɨ nyaʼə ghɨ̀ə̀.

Ɨ̀fàʼì 8:24

Saimòn nyaʼa wììrɨ̀ ni, “Mbə̀ kɔŋgɨ Ə̀nùŋɨ̀sɨg ɨgwɨ num, ɨmbə̀ʼ tɨ ənû ə mɔʼɔ rəbɔʼ mbɔ̂ nɨ mbə̀ gha ə ghɨ ənɨ ə num.”

Rm 3:10

Ə zɨ ɨŋga Ə̀ŋwàʼnɨ̀ ə Ŋwiə̀ ni: “Chəi wə̀d mɔʼɔ əŋgu nɨə ghɨ̀ ɨnû nɨ kuʼnɨ, ka àbei mɔʼ;

Rm 5:19

Ɨchî nɨ ənjìm rɨ̀zuə̀ wə̀d mɔʼ, bə̂d mɨ̀nɔnɔʼ mbɨə nyaʼə sɨə ghɨ̀ ɨnû rɨbɔ̀ŋ, əne bə̂ ənjìm ɨchî nɨ wə̀d mɔʼ nyaʼa zuunɨ, bə̂d mɨ̀nɔnɔʼ bɨrɨ təm kùʼnɨ̀.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

1 Tèsàlonikà 5:17

kɔŋgɨ ə Ŋwiə̀ ənɨ mɨ̀nyùmə̀ jìm,

1 Tèsàlonikà 5:23

Ŋwìə̀ ziə we nɨə nàʼ əbɔrəbɔd ghɨ ni mbə̀ zeŋ màànɨ̀. Ŋwìə̀ ghɨ ni Əzwî mbɨ tə fîŋ fɔrɨ tə nyamnyod ghɨ ɨnû nɨ kuʼnɨ ɨmbə̀ʼ tɨ wə̀d mɔʼɔ zə i ənû rɨbɔ̀ŋ ɨgwɨ nən ənɨ ə nyùmə̀ we nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

1 Tèsàlonikà 5:25

Mba bɔŋgɔb, mbə̀ kɔŋgɨ ə Ŋwiə̀ ɨgwɨ na.

Mə̀Hibrù 11:4

À yɨ ɨbenɨ nyaʼa ghɨ ni Abèl nàʼ əghɨ ə̀fà əmbɨ ə Ŋwiə̀ nɨ nyaʼa bɔŋ chè əzɨ ə Kaìn. À yɨ ənjìm ɨbenɨ məd nɨ Ŋwìə̀ nyaʼa gha ni məd wɨə ghɨ̀ ɨnû nɨ kuʼnɨ. Ŋwìə̀ nyaʼa ghà əne ɨmbə̀ʼ ɨghəm nɨ wɨ̀ nyaʼa ben ɨghɨ mbe nɨ wɨ̀ nyaʼa naʼa. Abèl nyaʼa kwɨ, àyɨə ənjìm ɨbenɨ məd, ɨ wɨə kɨrɨ ghàmə̀.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

Mə̀Hibrù 12:13

Mbə̀ tekɨ mɨnə̂njɨ̀ nɨ yen ɨgun mbɨ təm, ɨmbə̀ʼ tɨ bə̂d mbe nɨə tèʼ ɨwu buʼrɨ ə mbə ɨwu. Mɨnə̂njɨ̀ mbe ghɨ yeʼ ni ɨwu mbe kaanə.

Mə̀Hibrù 13:18

Mbə̀ kɔŋgɨ ə Ŋwìə̀ ɨgwɨ na. Tɨ kàŋ kyerɨ ni ta fîŋ ə zeŋ. Tɨ wɨə bə̀ kəb ghɨ̀ ɨnû jìm ɨchî nɨ kuʼnɨ.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

1 Jɔn 3:22

Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.