Jems 3:6 - Meta’

⁶ Tɨ əbɔʼ ɨsɨ ɨnyod mbe nɨ yeʼ ɨŋga na, ɨnemɨ yɨ ɨsɨg nɨ ɨnû rɨbɔ̀ŋ swi ɨŋga. Ɨ wɨə chèkɨ̀ə̀ nyamnyod wə̀d jìm, bə̀ tɔ̀n ɨ̀tènɨ̀ məd jìm. À yɨ ɨwid rɨ nìmə we nɨ yeʼ əsɨ ɨchə ə tɔ̀n əməd.

Ikan feg

⁶ Inemi ya icheg iywid. Inemi ya asiŋi nyɔd ne inug tibɔ̀ŋ sweghi inga. Inemi ya chìkə̀ nyàmnyɔd wə̀d ijìm bə̀ tɔ̰̀ ìtḛ̀ wə̀d ijìm. À ya iywid nɔʼ mèg ne biri si tɔ̀n aməd inga asiŋi ichə.

Jems 3:6 Кръстосани препратки

Matìyò 12:24

Ənɨ mɨ̀Farisiî nyaʼa zu ənû ze, mbɨ nyaʼa ghà ni, “Mbaŋə̀ zɔ̂ zɨə chɨ̀ ɨzwî rɨbɔ̀ŋ ənɨ ɨka nɨ Belzebùl nɨ yeʼ ɨfɔ̂n ɨzwî rɨbɔ̀ŋ naʼ ɨ bɔ.”

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Mk 7:15

Chəi əghɨ ə mɔʼɔ əsaŋ nɨ wə̀d mɨ jɨg kɨ̀ nɨ wɨ̀ mɨ nɔ, nɨ tɨ̀ zɨə ghɨ̀ ni tɨ wɨ̀ zeŋ i. À yɨ əghɨ ze nɨə jwɨ̀ rɨŋga wə̀d ə ghɨ̀ ni tɨ wɨ̀ zeŋ i.”

Lk 16:24

Wɨ̀ nyaʼa zə əne tɔŋ əməd ni, 'Mɨ mbǎʼ Abràham, dììrɨ əmɨ chà ə Lazarɔ̀s ni wɨ̀ chub ətu ə fi ɨŋga mɨnib zùtɨ̀ mɨ ɨnemɨ, ɨmbə̀ʼ ɨghəm nɨ mə wɨə kàŋə̀ zəə ŋgəʼ ɨŋga ɨwid wɔ̂.'

Ɨ̀fàʼì 20:30

Bə̂d bɨrɨ jwɨ rəkaʼ nən nɨ bɨrɨ gha mɨghab ɨmbə̀ʼ suŋ bə̂d mbe nɨ ben ə Kristo ni mbɨ beenɨ əbɔʼ mɨ̀mə̌d.

Ɨ̀fàʼì 5:3

Ənɨ wɨ̀ nyaʼa nùŋ əne, Pità nyaʼa biirɨ ɨ bɔ ni, “Ànàniàs, əton nɨ à saŋ ni Satàn nyɨ ɨŋga e fîŋ ghɨ̀ ni à ghà mɨghab əmbɨ Əzwî ə Zeŋɨ, əne nùŋ əba rɨ ənɨ ɨkab we nɨ à fen əsɨ ə si ze, kɨ ɨmbə̀ʼ ə yè ə?

Ɨ̀fàʼì 6:13

Ənɨ mbɨ nyaʼa pè əŋgu, mbɨ nyaʼa zɨ̀ mɨ̀zərɨmbin mɨghab nɨ nyaʼa gha ni, “Mbaŋə̀ zɔ̂ zɨə ghà mɨŋgam rɨbɔ̀ŋ ɨmbə̀ʼ mbàn Ŋwìə̀ bə̀ fɔrɨ ɨmbə̀ʼ tɨkə rɨ Mose.

Tayitùs 1:11

À berɨ ghɨ ni mbɨ kubrɨ mbə mɨchû, ɨmbə̀ʼ ɨghəm nɨ ɨ mbɨə bùùrɨ̀ mɨnəbɨ jìm ɨchî nɨ mbɨə chwi ɨnû mbe nɨ chəi mbɨ berɨ nɨ chwiə. Ɨ mbɨə ghɨ̀ əne ɨmbə̀ʼ berɨ ɨkab ənɨ ɨnə̂njɨ̀ nɨ chəi wɨ kuʼnɨ.

Jems 2:7

Kaʼ à wa kɨ i mɨ̀mə̌d ə chə̀kɨ̀ ɨkum ɨwumnɨ we nɨ Ŋwìə̀ naʼ ɨ nən ə?

Jems 3:7

Wə̀d mɨ̀sɔŋɨchù we tɨ̀ wɨ̀ yimbɨ əne fə bə̀ yimbɨ tɨkwɨrɨ nyam jìm fɔrɨ tɨkwɨrɨ tɨnən jìm. Əne yɨə nyam te nɨə kɔ ɨbum ə si mbɨ te nɨ yeʼ ɨŋga ɨgyɨ̀.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.

3 Jɔn 1:10

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 18:23

Chəi ənam ə bɨrɨ nɔ wɨrɨ te ɨŋga ne. Chəi mɨnom ɨgən mbɨ mɨgən bɨrɨ nɔ wɨrɨ ghɨ ɨnamɨ ɨŋga ne. Mbe bə̂d ɨwin yɨə nyaʼə bə̂d nɨ dabə ɨgwɨ ə si. À wɨə nyaʼə tambɨə bə̂d rɨŋga ɨbeŋ jìm ənɨ mɨ̀sà.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.