Jems 3:16 - Meta’

¹⁶ Əsɨ nɨ ə̀dìì mbɨ ənû nɨ wə̀d ə kə̀b ɨghɨ àmei ɨmbə̀ʼ i ɨghəm yeʼ əŋgu, ə̀bùùrɨ̀ mbɨ tɨkwɨrɨ ɨnû rɨbɔ̀ŋ jìm bɨrɨ yeʼ əŋgu.

Ikan feg

¹⁶ Bəd mə̀ ya bèrè ìdɔ̀b kə̀ ya sìyè, ze ya nàʼà àbùrì fɔrɔ tiku inug tibɔ̀ŋ nɔʼ nɔʼ inga ìwɔb inɔ̰.

Jems 3:16 Кръстосани препратки

Mk 3:25

Nəb mɨ saanɨ əkəmɨ kəmɨ, ka nəb ze bɨrɨ bɨ təm i.

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

1 Kɔrèn 14:33

ɨmbə̀ʼ ɨghəm nɨ ka Ŋwìə̀ yɨ i Ŋwìə̀ nɨə bùùrɨ̀ ɨsɨ. Məd yɨə Ŋwìə̀ nɨə kə̀b əbɔrəbɔd. Ɨchî nɨ zɨə yeʼ ɨŋga tɨfetɨ bə̂d Ŋwiə̀ mɨ̀jìm,

1 Kɔrèn 3:3

ɨmbə̀ʼ ɨghəm nɨ mbə̀ yɨə kɨrɨ ɨghabɨ ə bə̂d rɨŋga ɨsɨg. Ənɨ mbə̀ə ghɨ̀ ə̀dìì bə̀ chɔbə, ɨmbə̀ʼ mbə mbɨə ghɨ̀ ɨchî nɨ bə̂d rɨŋga ɨsɨg ə ghɨ̀ə̀ ə? Ɨmbə̀ʼ mbə mbɨə ghɨ̀ ɨnû ɨghabɨ ə bə̂d nɨ chəi mbɨ kɨrɨ kyerɨ Ə̀nùŋɨ̀sɨg ə?

2 Kɔrèn 12:20

Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

Gàlesìyà 5:20

ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa,

Jems 3:14

À mɨ berɨ ə̀dìì rɨbɔ̀ŋ, à mɨ bə̀ kə̀b ɨghɨ àmei ɨmbə̀ʼ e ɨghəm, tɨrə̀ goŋ e ɨgɔ̂ ɨmbə̀ʼ əzɨ əwən kɨ̀ bè ton ɨnû mbe nɨ yeʼ mbɨ rəsìʼ.

1 Jɔn 3:12

Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.