Jems 3:13 - Meta’

¹³ À kɨə we əkaʼ nən nɨ berɨ ɨwe bə̀ kyerɨ ənû ə? Wɨ̀ berɨ chwi mbi ɨnû chɔ̀m mbe nɨ wɨə ghɨ̀ə̀ ɨchî nɨ wɨə ghɨ̀ ɨnû ənɨ ɨbɔtɨ fîŋ bə̀ fɔrɨ ənɨ ɨwe.

Ikan feg

¹³ Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.

Jems 3:13 Кръстосани препратки

Matìyò 11:29

Mbə̀ zuunɨ əmɨ, əne kwembɨ ɨnû rɨ num, ɨmbə̀ʼ ɨghəm nɨ mə wɨə bɔtɨə rɨ ə fîŋ bə̀ swiə mɨ ɨnyod ə si. Mbə mɨ ghɨ̀ əne, tə fîŋ bɨrɨ zùtɨ̀,

Matìyò 21:5

“Mbə̀ gha əmbɨ bə̂d mbe nɨə chub ə Zayɔ̀n ni, mbə̀ zə, ə ɨfɔ̀n wɨə yeʼe ɨ nən! Wɨ̀ fə swi i ɨnyod, əne kɔʼ ə jàkas bə̀ kɔʼ wan jàkas.”

Matìyò 5:5

Ŋwìə̀ zɨ əbɔrəbɔd ɨgun ə bə̂d mbe nɨə bɔtɨ ɨnyod, ɨmbə̀ʼ ɨghəm nɨ mbɨ bɨrɨ jɨg ɨghɨ rɨ ɨgwɨ ə si.

Matìyò 7:24

“Wə̀d jìm we nɨ zu ɨnû mbɔ̂ nɨ mə gha bə̀ ghɨ̀ ɨnû rəŋgu, yɨ ɨghabɨ wə̀d ɨwe nɨ nyaʼa bɔm i nəb ɨgun ɨwɔ̌.

1 Kɔrèn 6:5

Mə wɨə ghà ənû zɔ̂ ɨmbə̀ʼ naʼ tɨ̀nìd ətu ɨ nən. Zɨə wa chwi ni chəi wə̀d mɔʼɔ əkaʼ nən nɨ kaŋ berɨ ɨwe nɨ tɨ̀ wɨ̀ saʼ bə̂d Kristo ə?

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

2 Kɔrèn 8:24

Əne mbə̀ chwi ənweenɨ əmbɨ ə bə̂d mbɔ̂ ni mbə ghaʼ mɨ̀mə̌d, bə̀ chwi əton nɨ tɨə goŋ ɨgɔ̂ ɨmbə̀ʼ əwən, ɨmbə̀ʼ tɨfetɨ bə̂d Kristo te zə.

Gàlesìyà 5:23

ənû nɨ swi ɨnyod mbɨ ənû nɨ yimbɨ ɨnyod. Chəi ɨkə mɔʼɔ nɨ ton ɨnû mbɔ̂.

Gàlesìyà 6:1

Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

Gàlesìyà 6:4

Wə̀d mɔʼ mɔʼ neŋ ti rɨghɨrɨ-ɨnû. Tɨ mɨ bɔ̀ŋ, ɨ we tɨ̀ wɨ̀ goŋ ɨgɔ̂ ni tə wɨə ghɨ ɨchî chɔ̀m, nɨ chəi wɨ̀ berɨ nɨ mɨg i ɨnyod ənɨ ə wə̀d cherə,

Efesùs 4:2

Mbə̀ swi ɨnyod bə̀ bɔtɨ ɨnyod. Mbə̀ yim fîŋ bə̀ chwiə ni mbə ghaʼ mbə bɔŋgɔb ɨchî nɨ mbə̀ə chì ɨnû mɔʼɔ mbe nɨ mbɨ ghɨ ənɨ ə nən.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

Tayitùs 3:2

Tɨ mbɨ gha ə ənû rɨbɔ̀ŋ ɨgwɨ ə wə̀d. Mbɨ chub ənɨ əbɔrəbɔd, ghɨ̀ ɨ̀chɔ̀m bə̀ chwi ɨbɔtɨ fîŋ ənɨ wə̀d jìm.

Mə̀Hibrù 13:5

Tɨ mbə̀ zɨ ə ədɔʼ ənɨ ɨkab. Mbə̀ ben ni ɨghɨ mbe nɨ mbə̀ berɨ ə kùʼ, ɨmbə̀ʼ ɨghəm nɨ Ŋwìə̀ fə ghà ni, “Chəi mə̀ bɨrɨ nɔ saŋ əwən kɨ̀ bè waʼ əwən.”

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.

Jems 2:18

Wə̀d mɔʼɔ bɨrɨ gha ni, “À benɨ, àyɨə mə wɨə ghɨ̀ə̀ ɨnû chɔ̀m.” Wɨ̀ mɨ ghà əne, mə bɨrɨ gha ɨ bɔ ni, “Chwi e ɨbenɨ ɨ num nɨ chəi ɨnû chɔ̀m mbe nɨ àwɔ̀ ə ghɨ̀ə̀, əne mə bɨrɨ chwi mɨ ɨbenɨ ɨ ne ənɨ ɨnû chɔ̀m mbe nɨ mɨə ghɨ̀ə̀.”

Jems 3:1

Mbɨ bɔŋgɔb, tɨ bə̂d mɨ̀nɔnɔʼ rəkaʼ nən yeʼ əwən məchwiə̀-ɨnû, ɨmbə̀ʼ ɨghəm nɨ mbə̀ fə kyerɨ ə ni Ŋwìə̀ bɨrɨ saʼ mbà mbe nɨə chwi ɨnû ənɨ ɨnə̂njɨ̀ nɨ kaanɨ.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

1 Pità 1:15

Àyɨə mbə ghɨ ɨnû jìm ɨzeŋɨ zeŋɨ, àmei ɨchî nɨ məd we nɨ tɔŋ əwən bə zeŋ.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

1 Pità 3:4

Ɨchî nɨ mbə̀ təm berɨ jwɨ̀ yeʼ rɨŋga fîŋ. Kaʼ ɨkwɨ ɨtəm wɔ̂ wɨə bəi. Wɨ yɨ rɨ ənɨ əzwî ze nɨə bɔtɨə. Əzwî ze nɨə bɔtɨə yɨ əghɨ əka ɨnùn əghə ə Ŋwiə̀.