Jems 2:18 - Meta’

¹⁸ Wə̀d mɔʼɔ bɨrɨ gha ni, “À benɨ, àyɨə mə wɨə ghɨ̀ə̀ ɨnû chɔ̀m.” Wɨ̀ mɨ ghà əne, mə bɨrɨ gha ɨ bɔ ni, “Chwi e ɨbenɨ ɨ num nɨ chəi ɨnû chɔ̀m mbe nɨ àwɔ̀ ə ghɨ̀ə̀, əne mə bɨrɨ chwi mɨ ɨbenɨ ɨ ne ənɨ ɨnû chɔ̀m mbe nɨ mɨə ghɨ̀ə̀.”

Ikan feg

¹⁸ Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”

Jems 2:18 Кръстосани препратки

Rm 14:23

Ŋwiə̀ bɨrɨ zɨ ɨsaʼi ɨgun ə bə̂d mbe nɨə bid ɨkwɨ əghɨjɨg ə mɔʼɔ bɔŋ wɨrɨ jɨg, ɨmbə̀ʼ ɨghəm nɨ chəi mbɨə jɨg ənjìm ɨbenɨ. Ənû ə mɔʼɔ ze nɨ wə̀d ə ghɨ̀ə̀ nɨ chəi zɨə yeʼe rɨ ənɨ ɨbenɨ yɨ ənû rɨbɔ̀ŋ.

Rm 3:28

Tɨ̀ benɨ ni wə̀d ə təm kùʼnɨ̀ ənjìm ɨbenɨ, kaʼi ɨmbə̀ʼ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌.

Rm 4:6

Dèvîd nyaʼa bə̀ ghà ɨmbə̀ʼ ɨchî nɨ Ŋwìə̀ bɨrɨ zɨ əbɔrəbɔd ɨgun ə wə̀d we nɨ təm kùʼnɨ̀. Chəi Ŋwìə̀ bɨrɨ ghɨ̀ əne ɨmbə̀ʼ ɨghəm nɨ wə̀d we ghɨ ənû ə mɔʼɔ. Dèvîd nyaʼa ŋwàʼnɨ̀ ni:

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Rm 9:19

Mbə bɨrɨ biirɨ ɨ num ni, “Ŋwìə̀ kɨə kɨrɨ zɨ əzɨ ə bə̂d ɨmbə̀ʼ ə yè ə? À kɨə we nɨ tɨ̀ wɨ̀ ton ənû ze nɨ Ŋwìə̀ kə̀b ə?”

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

2 Kɔrèn 5:17

Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

Mə̀Hibrù 11:31

À yɨ ɨbenɨ nyaʼa ghɨ ni tɨ ə̀kùnɨ̀ ze nɨ mbɨ nyaʼə tɔŋ ənɨ ə Rahàb kwɨ i mbɨ ə bə̂d mbe nɨ nyaʼa ghɨ rɨ̀zuə̀. Chəi wɨ̀ nyaʼa kwɨ ɨmbə̀ʼ ɨghəm nɨ wɨ̀ nyaʼa nɨŋ mɨ̀-ànàŋgɔŋ mbe nɨ nyaʼa yeʼe jɨrɨ neŋ ə Jerikò. Wɨ̀ nyaʼa nɨŋ mɨ̀mə̌d kwàʼ ənɨ əbɔrəbɔd.

Mə̀Hibrù 11:33

mbe nɨ ɨbenɨ mɨ̀mə̌d nyaʼa ghɨ mbɨ mɔʼɔ màʼ bid mbɨ ɨbeŋ mɨfɔ̀n cherə chè, mbɨ mɔʼɔ saʼ bə̂d ɨchɨ nɨ kuʼnɨ, mbɨ mɔʼɔ berɨ ɨnû mbe nɨ Ŋwìə̀ nyaʼa kaʼ əmbɨ mɨ̀mə̌d, mbɨ mɔʼɔ kubrɨ mɨchû mɨ̀ŋgwàbaʼ,

Mə̀Hibrù 11:6

Ɨbenɨ mɨ bù i, chəi ənɨ tɨ̀ bə̂d ghɨ̀ fîŋ Ŋwìə̀ bɔ̀ŋ, ɨmbə̀ʼ ɨghəm nɨ wə̀d we nɨə kəb tindɨ ɨban ə Ŋwiə̀ berɨ ben ni Ŋwìə̀ wɨ əŋgu bə̀ ben ni wɨ̀ bɨrɨ chɔʼ ə̀fàʼì bə̂d mbe nɨə kə̀b əməd ənɨ tə fîŋ rɨ̀jìm.

Jems 2:14

Mbɨ bɔŋgɔb, njìm nɨ wə̀d bɨrɨ jɨg kɨə yè, əwù ze nɨ wɨ̀ gha ni tə ben ə? Tɨ̀ ɨbenɨ we chɨ̀ əməd rəŋgəʼ ə?

Jems 3:13

À kɨə we əkaʼ nən nɨ berɨ ɨwe bə̀ kyerɨ ənû ə? Wɨ̀ berɨ chwi mbi ɨnû chɔ̀m mbe nɨ wɨə ghɨ̀ə̀ ɨchî nɨ wɨə ghɨ̀ ɨnû ənɨ ɨbɔtɨ fîŋ bə̀ fɔrɨ ənɨ ɨwe.