Jems 1:26 - Meta’

²⁶ Wə̀d mɔʼɔ rəbɔʼ nən wa kɔndɨ ni tə kàànɨ̀ ɨŋga ənû ə Ŋwìə̀ ə? Wɨ̀ mɨ ton yimbɨ i i ɨchû, ɨ wɨə tambɨ i ɨnyod, əne ənû ə Ŋwìə̀ əməd ze yɨ ətu ə̀kǒ.

Ikan feg

²⁶ Wə̀d mɔ̀ʼɔ abɔ̀ʼ inən wa kɔ̀ndi gha zìye təm kà inga anug Ŋwiye? Àmə chəyi wì kyèri ni nyimbi ìwi ichug, wì ya tàmba ìwi nyɔd. Anug Ŋwiye məd ya bə̀ ati ako.

Jems 1:26 Кръстосани препратки

Matìyò 15:9

Ɨ mbɨə wumnɨ əmɨ ətu ə̀kǒ. Ɨ mbɨə chwiə tɨkə rɨ bə̂d ɨghabɨ ni à yɨ tum.'”

Mk 7:7

Ɨ mbɨə wumnɨ əmɨ ətu ə̀kǒ. Ɨ mbɨə chwi tɨkə rɨ bə̂d ɨghabɨ ni à yɨ tum.'

Lk 8:18

“Əne mbə̀ we əwən ɨchî nɨ mbə̀ə zu ɨnû, ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ kɔndɨ ni tə berɨ, mbɨ bɨrɨ nɨŋ rɨ bɔ.”

1 Kɔrèn 15:15

Zɨə mɨ nɨə yeʼ əne, njɨ zɨə chwi ni tɨ̀ wɨə ghà ɨnû nɨ chəi Ŋwìə̀ nyaʼa ghɨ̌, ɨmbə̀ʼ ɨghəm nɨ tɨ̀ nyaʼa gha ɨmbə̀ʼ əməd ni wɨ̀ nyaʼa zwemnɨ ə Kristo. Əne chəi wɨ̀ nyaʼa zwemnɨ əməd, əwù ze nɨ à yɨ rəsìʼ ni chəi ɨvɨ bə̂d bɨrɨ nɔ zwemə.

1 Kɔrèn 15:2

Mbə bɨrɨ jwɨ̀ rəŋgəʼ ənjìm ɨkə̂n chɔ̀m wɔ̂ əwù ze nɨ mbə̀ yim ɨŋgam Ŋwiə̀ we nɨ mə̀ gha ɨ nən wɨ kàànɨ̀. Mbə mɨ ton ghɨ ə əne, njɨ ɨnû mbe nɨ mbə̀ benɨ yɨ ətu ə̀kǒ.

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

Gàlesìyà 2:6

Chəi bə̂d mbɔ̂ nɨ bə̂d nyaʼə nèŋə̀ ni mbɨ yɨə bə̂d kyeŋ nyaʼa yi ənû ə mɔʼɔ əbɔʼ ɨkə̂n chɔ̀m we nɨ mə nyaʼə ghàə̀. (Kɨ̀ bə̂d mbɔ̂ nyaʼa yim mbɨ̀rɨmbin mbi, ka əze yɨ i ənû ə mɔʼɔ ɨ num. Ənû nɨ mə̀ kyerɨ yɨ ni chəi Ŋwìə̀ ə nèŋə̀ bə̂d yeʼ ənɨ mbɨ̀rimbin mbe nɨ mbɨ yimɨ).

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Gàlesìyà 3:4

Ɨnû nɔnɔʼ mbe nɨ nyaʼa ghɨ̌ ənɨ ə nən wa nyaʼa ətu ə̀kǒ ə? Chə̂, ka à yɨə nyaʼa i ətu ə̀kǒ.

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Efesùs 4:29

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Efesùs 5:4

Zɨ rɨka kuʼi ni mbə̀ gham əbɔb ɨŋgam, gham mɨŋgam əneŋ kɨ̀ bè gham mɨŋgam ə̀bènɨ̀, àyɨə mbə naʼ məben-əwe əmbɨ ə Ŋwiə̀ ɨmbə̀ʼ ɨnû mbe nɨ wɨ̀ ghɨ ənɨ ə nən.

Kòlosè 4:6

Ɨŋgam we nɨə jwɨ rɨ ənɨ mbə mɨchû berɨ mɨə nə̀m ɨghabɨ ni mbɨ fə nùʼ ənɨ fɨ̀ŋgwaŋ. Mə kə̀b ni mbə̀ kyerɨ ɨchî nɨ wiirɨ ɨŋgam əmbɨ wə̀d jìm.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Jems 1:22

Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

Jems 2:20

Ənêŋ! À wa kəb ni mbɨ chwi ɨ ne ni ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ ə?

1 Pità 3:10

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ ghaʼ nɨ chub ɨchî chɔ̀m bə̀ zə ɨni chɔ̀m, berɨ yimbɨ i ɨnemɨ ɨmbə̀ʼ tɨ wɨ̀ gha i ɨŋgam rɨbɔ̀ŋ. Wɨ̀ bə yimbɨ i ɨchû ɨmbə̀ʼ tɨ wɨ̀ gha i mɨghab.