Jems 1:22 - Meta’

²² Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

Ikan feg

²² Imbə̀ʼ mbə̰ si tambi awən ìwən nyɔd gha mbə̰ mbe zùghə Ìngam Ŋwiye. Mbə faʼa anug ne Ìngam Ŋwiye we ghà.

Jems 1:22 Кръстосани препратки

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 11:28

Àyɨə Yeso nyaʼa wììrɨ̀ ni, “Ŋwìə̀ bɨrɨ zɨ əbɔrəbɔd yeʼ ɨgun ə bə̂d mbe nɨə zu ɨŋgam məd bə̀ ghɨ̀ ɨnû mbe nɨ wɨə ghàə̀!”

Jn 13:17

Tɨ̀nîn nɨ mbə̀ fə kyerɨ ɨnû mbɔ̂, Ŋwìə̀ zɨ əbɔrəbɔd ɨgwɨ nən ənɨ mbə̀ ghɨ mbɨwən!

Rm 2:13

ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

1 Kɔrèn 15:33

Tɨ wə̀d mɔʼɔ tambɨ i əwən, àyɨə mbə̀ kyerɨ ni: “Mɨsə̀ʼ rɨbɔ̀ŋ mbɨə chə̀kɨ̀ə̀ bə̂d chɔ̀m.”

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Gàlesìyà 6:7

Tɨ mbə̀ tambɨ ə ɨnyod. Chəi wə̀d nɨ tɨ̀ wɨ̀ baʼrɨ ə Ŋwiə̀. Wə̀d bɨrɨ kwəŋ àmei əghɨ ze nɨ wɨ̀ konɨ.

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Jems 1:26

Wə̀d mɔʼɔ rəbɔʼ nən wa kɔndɨ ni tə kàànɨ̀ ɨŋga ənû ə Ŋwìə̀ ə? Wɨ̀ mɨ ton yimbɨ i i ɨchû, ɨ wɨə tambɨ i ɨnyod, əne ənû ə Ŋwìə̀ əməd ze yɨ ətu ə̀kǒ.

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

Jems 4:17

Əne wə̀d we nɨ kyerɨ ənû nɨ kuʼnɨ nɨ tɨ̀ wɨ̀ ghɨ̀, àyɨə chəi wɨ̀ ghɨ̌, fə ghɨ̀ gù ənû.

2 Pità 2:13

Mbɨ bɨrɨ chwɨ mɨ̀mə̌d ənɨ ə ŋgəʼ ɨmbə̀ʼ ɨghəm nɨ ɨ mbɨə zɨ̀ə̀ ŋgəʼ ɨgun ə bə̂d cherə. À yɨ ɨghaʼi əmbɨ mɨ̀mə̌d nɨ ghɨ̀ ɨnû mbe nɨ nyamnyod tɨ mɨ̀mə̌d ə kə̀bə̀ əziə. Mbɨ yɨ ɨghabɨ tɨfiŋɨ bə̀ fɔrɨ ɨghabɨ ɨnyɔɔrɨ. Ənɨ mbɨə jɨgə mbɨ nən, ɨ mbɨə tambɨ əwən.

1 Jɔn 1:8

Tɨ̀ mɨ ghà ni chəi ənû rɨbɔ̀ŋ ə mɔʼɔ ɨŋga na, njɨ tɨ̀ wɨə tambɨ a ɨnyod, əne chəi rəsìʼ ɨŋga ɨnû mbe nɨ tɨə ghàə̀.

1 Jɔn 2:3

Tɨ̀ mɨ yeʼə nùŋə̀ rɨkə rɨ Ŋwiə̀, njɨ zɨə chwi ni tɨ̀ ə kyerɨ əməd.

1 Jɔn 3:7

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ ben ə ni wə̀d mɔʼɔ tambɨ əwən. Wə̀d we nɨə ghɨ̀ ɨnû nɨ kuʼnɨ ə təm kùʼnɨ̀ ɨchî nɨ Kristo bə təm kùʼnɨ̀.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 22:7

Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”