Jems 1:17 - Meta’

¹⁷ Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

Ikan feg

¹⁷ Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Jems 1:17 Кръстосани препратки

Matìyò 7:11

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ we nɨ yeʼ ɨkaŋ bɨrɨ kaŋ naʼ ɨghɨ chɔ̀m əmbɨ ə bə̂d mbe nɨ nɔnɨ!

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

Jn 1:9

Ɨzeŋɨ zeŋɨ we yɨə nyaʼa ɨzeŋɨ zeŋɨ rəsìʼ we nɨ nyaʼa yeʼe ɨŋga ɨsɨg, bə̀ te ɨgun bə̂d mɨjìm.

Jn 3:27

Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

1 Kɔrèn 4:7

À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Mə̀Hibrù 13:8

Yeso Kristo wɨ əndəŋ əndəŋ ɨchî nɨ wɨ̀ kɨə kəʼ rɨwɔ̀, ɨchî nɨ wɨ̀ yeʼ rəchɔ̀ŋ mbɨ ɨchî nɨ wɨ̀ bɨrɨ ten əne koŋ.

Jems 1:5

Wə̀d mɔʼɔ rəbɔʼ nən mɨ kwaŋ ɨwe, wɨ̀ nɔn rɨ əmbɨ ə Ŋwiə̀. Məd wɨə nàʼ ɨghɨ əmbɨ ə bə̂d mɨ̀jìm əbu əbu. Ɨ wɨə bə̀ nàʼ ənɨ ə fîŋ chɔ̀m. Wɨ̀ bɨrɨ naʼ ɨwe ɨ bɔ.

Jems 3:15

Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

1 Jɔn 1:5

Ɨkə̂n we nɨ tɨ̀ nyaʼa zu rɨ əmbɨ ə Wan Ŋwìə̀, nɨ tɨə bə̀ ghà ɨ nən yɨ ni, Ŋwiə̀ yɨ ɨzeŋɨ zeŋɨ, fɔrɨ ni chəi ɨsɨ firɨ berɨ ənû ə mɔʼɔ nɨ ghɨ̀ mbɨ məd.

1 Jɔn 4:10

Wɔ̂ yɨə kaŋ ɨghaʼi rəsìʼ. Kaʼi ni tɨ̀ nyaʼa ghaʼ ə Ŋwiə̀, àyɨə ni məd ziə nyaʼa ghaʼ əwa əne tom i Wan ni wɨ̀ yeʼ əghɨ ə̀fà ze nɨ wɨ̀ bɨrɨ chè ənjìm məd waʼ mba ɨnû rɨbɔ̀ŋ.

Ɨnû 21:23

Chəi əsɨ ze ə kəb ə nyùmə̀ kɨ̀ ɨmɨg nɨ te ɨgun, ɨmbə̀ʼ ɨghəm nɨ ɨzeŋɨ zeŋɨ Ŋwìə̀ wɨə te ɨgwɨ əsɨ ze. Wan njɨ̀g yɨə bə̀ ənam əməd.

Ɨnû 22:5

Chə wɨrɨ i ɨzimɨ. Chəi mbɨ bɨrɨ kəb ɨzeŋɨ zeŋɨ rɨ ənɨ ənam kɨ̀ rɨ ənɨ ə nyùmə̀, ɨmbə̀ʼ ɨghəm nɨ Ə̀nùŋɨ̀sɨg Ŋwiə̀ bɨrɨ yeʼ ɨzeŋɨ zeŋɨ mɨ̀mə̌d. Mbɨ bɨrɨ tumbɨ ɨsɨg koŋ koŋ.