Jems 1:12 - Meta’

¹² Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Ikan feg

¹² Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jems 1:12 Кръстосани препратки

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Rm 5:4

ɨnyiʼ fîŋ wɨə ghɨ̀ ni bə̂d berɨ mɨchî chɔ̀m, mɨchî chɔ̀m mbɨə ghɨ̀ ni bə̂d berɨ ɨkɔndɨ ni Ŋwìə̀ bɨrɨ ghɨ ənû ze nɨ wɨ̀ kaʼi.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

1 Kɔrèn 2:9

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ənû ze nɨ chəi ɨghə kweʼ zə, kɨ̀ ə̀tǒŋ ə kweʼ zu, kɨ̀ nɨ wə̀d kweʼ kɔndɨ ɨŋga i fîŋ, yɨ əze nɨ Ŋwìə̀ fə tekɨ nùŋ əmbɨ ə bə̂d mbe nɨ ghaʼ əməd.”

1 Kɔrèn 8:3

Ŋwìə̀ ə kyerɨ wə̀d we nɨ ghaʼ əməd.

1 Kɔrèn 9:25

Bə̂d mɨ̀jìm mbe nɨə ferɨə mbɨə yimbɨ ɨnyod ɨchî chɔ̀m ənɨ ɨnû jìm. Ɨ mbɨə ghɨ̀ əne ɨmbə̀ʼ nɨŋ ɨchwɨ nɨ yeʼ tɨ̀kwě te nɨə bə̀ə. Àyɨə tɨ̀ wɨə ghɨ̀ əne ɨmbə̀ʼ nɨŋ te nɨ chəi tɨə bə̀ə.

2 Timotì 2:15

Kywɨ ənywɨ ghɨ̀ ni Ŋwìə̀ ben ə̀fàʼì ze nɨ àwɔ̀ ə fàʼə̀, ɨmbə̀ʼ à yeʼ wə̀d ə̀fàʼì nɨ chəi e ətu ə nìrə̀, bə yeʼ we nɨə chwi ɨŋgam we nɨ yeʼ wɨ rəsìʼ ənɨ ɨnə̂njɨ̀ nɨ kuʼnɨ.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Mə̀Hibrù 10:32

Mbə̀ kɔndɨ ɨni mbe nɨ nyaʼa fə che i. Mbə̀ kɔndɨ ɨchî nɨ ənɨ mbə̀ nyaʼa zə ɨzeŋɨ zeŋɨ Ŋwiə̀, mbə mbɨə nyaʼə kàŋə̀ zə ə ŋgəʼ àyɨə mbə nyaʼa nyìʼ kwàʼ ɨchî chɔ̀m.

Mə̀Hibrù 11:17

À yɨ ɨbenɨ nyaʼa ghɨ̌ ni Abràham naʼ ə Aizìk ənɨ əghɨ ə̀fà ənɨ ə nyùmə̀ we nɨ Ŋwìə̀ nyaʼa kwaʼnɨ əməd. Məd we nɨ Ŋwìə̀ nyaʼa kaʼ ɨnû mbe ɨ bɔ nyaʼa fə tekɨ ɨnyod nɨ naʼ i wan we mɔʼ ənɨ əghɨ ə̀fà.

Mə̀Hibrù 12:5

Mbə wa fə neb ɨŋgam Ŋwìə̀ we nɨə tìmbɨ̀ əwən ni mbə yɨə bɔn məd ə? Ɨŋgam we ə ghà ni, “Mɨ wan, Ŋwìə̀ mɨ chə e, tɨrə̀ nɨŋ e ni à yɨ əfed. Tɨ e fîŋ bɔd i əwù ze nɨ Ŋwìə̀ gham əbɔʼ ne,

Mə̀Hibrù 6:15

Abràham nyaʼa yim fîŋ bə̀ wòm, əne wɨ̀ nyaʼa berɨ əghɨ ze nɨ Ŋwìə̀ nyaʼa kaʼ ɨ bɔ.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jems 5:11

Mbə̀ zə, Ŋwìə̀ nyaʼa zɨ̀ əbɔrəbɔd ɨgwɨ mɨ̀mə̌d ɨmbə̀ʼ ɨghəm nɨ mbɨ nyaʼa nyiʼi. Mbə fə zu ɨchî nɨ Job nyaʼa nyiʼi bə̀ zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ məd ənɨ ɨnwǐ. Ŋwìə̀ wɨə kɔə mɨsin bə̀ dììrɨ̀ə̀ bə̂d.

1 Pità 3:14

Àyɨə ka mbə bè yeʼə zəə ŋgəʼ ɨmbə̀ʼ ɨchî nɨ mbə̀ə ghɨ̀ ɨnû nɨ kuʼnɨ, Ŋwìə̀ bɨrɨ zɨ əbɔrəbɔd ɨgwɨ nən. Əne tɨ mbə̀ bɔ ə, kɨ̀ bè nwìʼ ə nyamnyod.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.