Jems 1:1 - Meta’

¹ À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Ikan feg

¹ À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

Jems 1:1 Кръстосани препратки

Matìyò 10:3

Filip mbɨ Bàtòlòmiù; Tomas mbɨ Matiù we nɨ nyaʼə əfetɨ mɨ̀tagsɨ̀; Jems nɨ nyaʼə wan Alfaùs mbɨ Tàdiòs;

Matìyò 13:55

Ɨmbə̀ʼ wɔ̂ yɨə wan kabɨndà ə? Ɨmbə̀ʼ ɨkum ɨŋgɔb məd yɨə Mèri ə? Ɨmbə̀ʼ bɔŋgɔb məd yɨə Jems mbɨ Jòsêf mbɨ Saimòn fɔrɨ ə Judàs ə?

Matìyò 19:28

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, ənɨ Wan Wə̀d bɨrɨ chub ɨgun e ətən ɨfɔ̀n ɨŋga ɨsɨg fi, mbə̀n mbɔ̂ nɨə beenɨ əbɔʼ num bɨrɨ bɨ chub ɨgun ɨtən ɨfɔ̀n wum chɔ̀b rɨ̀be, ɨ saʼ mɨnəbɨ mɨ̀Izre mbe wum chɔ̀b rɨ̀be.

Mk 3:18

Mbɨ cherə yɨə Andrù, Filip, Bàtòlòmiù, Matiù, Tomas, Jems nɨ nyaʼə wan Alfaùs, Tadiòs, Saimòn nɨ mbɨ nyaʼə tɔŋ ənɨ ə mɨ̀taku

Lk 22:30

ɨmbə̀ʼ mbə̀ jɨg bə̀ nɔ ɨgun mɨ tebrə̀ ɨŋga əmɨ ənû ɨfɔ̀n. Mbə bɨrɨ bɨ chub ɨgun ɨtən ɨfɔ̂n ɨ saʼ mɨnəbɨ mɨ̀Izre mbe wum chɔ̀b rɨ̀be.”

Lk 6:15

Matiù, Tomas, Jems we nɨ nyaʼə wan Alfaùs, Saimòn nɨ mbɨ nyaʼə tɔŋ ənɨ Mɨ̀taku,

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Ɨ̀fàʼì 1:13

Ənɨ mbɨ nyaʼa nyɨ ə Jèrusalèm, mbɨ nyaʼa kɔʼ wò nyɨ ɨŋga ətu ə nəb ze rɨkaŋ, nɨ yeʼ əsɨ ze nɨ mbɨ nyaʼə chub əŋgu. Mbɨ yɨə nyaʼə: Pità, Jɔ̌n, Jems, Andrù, Filip, Tomas, Bàtòlòmiù, Matiù, Jems nɨ nyaʼə wan Alfaùs, Saimòn nɨ nyaʼə mɨ̀taku mbɨ Judàs nɨ nyaʼə wan Jems.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 15:21

Mbɨ nyaʼa fə kɔ gha ɨnû ɨmbə̀ʼ rɨkə rɨ Mose ɨŋga ɨsɨ jìm nɔ̀ʼ tɨ rəŋwe. Bə̂d mbɨə bə̀ foŋ ɨŋgam we ɨŋga nəb tɨ ə̀kàtɨ̀ ɨni ɨkwɨ mɨ̀Jû jìm.”

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 2:5

À nyaʼa ənɨ ə nyùmə̀ we, mɨ̀Jû mbe nɨ nyaʼa nùŋ fîŋ ɨgun ə Ŋwiə̀ mbɨə nyaʼa ə Jèrusalèm. Mbɨ yɨə nyaʼə rɨŋga ɨbeŋ jìm mbe nɨ yeʼ ɨŋga ɨsɨg.

Ɨ̀fàʼì 21:18

À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Ɨ̀fàʼì 23:26

“À yɨə mɔ̌ Klodiùs Lisiàs ŋwaʼnɨ ə̀ŋwàʼnɨ̀ zɔ̂. Mə wɨə ŋwaʼnɨ ɨ ne àwɔ̀ Wə̀d kyeŋ, gɔmnà Felìz. Mə chàʼrɨ̀ əwe.

Ɨ̀fàʼì 26:7

Mba ɨnəbɨ mbe wum chɔ̀b rɨ̀be tɨə wòm ənû ze nɨ Ŋwìə̀ nyaʼa kaʼi. Ɨ mbɨə ghɨ̀ əne ɨchî nɨ mbɨə wumnɨ əməd ənɨ tə fîŋ rɨjìm əziə mbɨ ɨzimɨ. À yɨ ɨmbə̀ʼ ənû zɔ̂ nɨ mɨ̀Jû zɨ ɨsaʼi ɨgwɨ num, kyɨ ɨfɔ̂n!

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

Gàlesìyà 2:12

Mə nyaʼa ghàm əbɔʼ əməd ɨmbə̀ʼ ɨghəm nɨ bɔŋ bə̂d mbe nɨ Jems nyaʼa tomɨ nyaʼa yeʼe, ɨ wɨə nyaʼə jɨgə mbɨ ə bə̂d mbe nɨ kaʼi mɨ̀Jû. Àyɨə ənɨ mbɨ nyaʼa yeʼe, wɨ̀ nyaʼa kɔ sùŋgɨ̀ i rə̀bɔ̀ʼɔ̀ bə̀ kɔ ghàbrɨ̀ i ɨnyod, ɨmbə̀ʼ ɨghəm nɨ wɨ̀ nyaʼə bɔə bə̂d mbe nɨ nyaʼə ghàə̀ ni mbɨ ne bə̂d mɨ̀jìm mbe nɨ ben ə Kristo.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

2 Timotì 4:21

Kywɨ ənywɨ yeʼe bɔŋ ə nyùmə̀ we nɨ ɨfə ə kɔ əku sɨə kùʼə̀. Eubulùs bə̀ chàʼrɨ̀ əwe. Pudèns mbɨ Lainùs mbɨ Klaudià mbɨ ə bə̂d Kristo mɨ̀jìm chàʼrɨ̀ əwe.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Ɨnû 7:4

Mə nyaʼa zu ɨnun bə̂d we nɨ wɨ̀ nyaʼa zɨ ənweenɨ ɨgun mɨ̀mə̌d. Mbɨ yɨə nyaʼə chuʼ ɨkɨ fibɨ̀ mbɨ ɨwum kwè chɔ̀b rɨkwè. Mbɨ yɨə nyaʼa rɨŋga mɨnəbɨ Izre mbe wum chɔ̀b rɨ̀be.