Ɨ̀fàʼì 1:4 - Meta’

⁴ Ənɨ wɨ̀ nyaʼa kɨrɨ i mbɨ mɨ̀mə̌d, wɨ̀ nyaʼa patɨ mɨ̀mə̌d ni, “Tɨ mbə̀ nɔʼ ə rɨ ə Jèrusalèm, àyɨə mbə̀ chubɨ wòm ɨneʼe we nɨ mə̀ nyaʼa gha ɨ nən, əne yɨ ɨneʼe we nɨ mɨ Mbǎʼ nyaʼa kaʼ ni tə bɨrɨ naʼ ɨ nən.

Ikan feg

⁴ Aneg mɔ̀ʼɔ, icheg ne wì ya yaʼi tì inɔb, wì ya pati awɔb gha, “Imbə̀ʼ mbə̰ nɔʼɔ awən a Jèrusalèm. Mbə̀ chughi aŋa ghɔ̀m ineʼi we ne mə̀ ya gha inən gha ìmə Mbaʼ ya kàʼ ni chà inən.

Ɨ̀fàʼì 1:4 Кръстосани препратки

Matìyò 10:20

ɨmbə̀ʼ ɨghəm kaʼi mbə̀nə bɨrɨ ghàm. À yɨ Əzwî ə Mbǎʼ ə bɨrɨ che ənjìm nən ghàm.

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

Lk 12:12

ɨmbə̀ʼ ɨghəm nɨ Əzwî ə Zeŋɨ ə bɨrɨ ghɨ mbə̀ kyerɨ ənû ze nɨ mbə berɨ ghà ənɨ ə nyùmə̀ we.”

Lk 24:49

Mbə̀ zə, mə bɨrɨ cha əghɨ ze nɨ mɨ Mbǎʼ kaʼ ɨ nən. Àyɨə mbə̀ chub ə Jèrusalèm pè ənɨ Ŋwìə̀ naʼ ɨka nən.”

Jn 14:16

Mbə mɨ ghɨ̀ əne, mə bɨrɨ biirɨ əmbɨ Mbǎʼ, əne wɨ̀ bɨrɨ naʼ Ə̀wèèrɨ̀-bə̂d cherə ɨ nən nɨ bɨrɨ chubɨ mbɨ nən koŋ.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 20:22

Ənɨ wɨ̀ nyaʼa fə gha ənû zɔ̂, wɨ̀ nyaʼa zwì ɨgwɨ mɨ̀mə̌d, ghà əmbɨ mɨ̀mə̌d ni, “Əzwî ə Zeŋɨ ə yeʼe ɨgwɨ nən.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Ɨ̀fàʼì 10:41

Kaʼi bə̂d mɨjìm nyaʼa zə əməd. Wɨ̀ nyaʼa jwɨ̀ ɨ na, mba mbe nɨ Ŋwìə̀ nyaʼa chɔʼ ni tɨ̀ yeʼ mɨ̀zərɨmbin ənɨ ɨnû ɨməd. Tɨ̀ wɨə nyaʼə jɨgə bə̀ nɔə mbɨ məd ənɨ wɨ̀ nyaʼa zwemə.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.