Fìlipì 3:3 - Meta’

³ À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Ikan feg

³ Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 3:3 Кръстосани препратки

Rm 1:9

Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Rm 15:17

Əne, ɨchî nɨ mə yeʼ ənɨ ɨfɔtɨ mbɨ Kristo Yeso, mə berɨ əton nɨ goŋ ɨgɔ̂ ɨmbə̀ʼ ə̀fàʼì ze nɨ mɨə fàʼ əmbɨ ə Ŋwiə̀.

Rm 7:6

Àyɨə tɨ̀nîn, Ŋwìə̀ fə chɨ̀ əwa rɨ əton rɨkə, ɨmbə̀ʼ ɨghəm nɨ tɨ̀ fə kwɨ əmbɨ ɨghɨ mbe nɨ nyaʼə yim əwa ənɨ ə bə̂d ndəŋ. Əne yɨ ɨmbə̀ʼ tɨ̀ faʼ ənɨ ɨnə̂njɨ̀ fi we nɨ tɨ̀ berɨ ənjìm Əzwî, nɨ kaʼi əton tɨkə ənun te nɨ mbɨ nyaʼa ŋwaʼnɨ.

Rm 8:15

Chəi Əzwî ze nɨ Ŋwìə̀ fə naʼ ɨ nən ə ghɨ̀ ni mbə ben ɨ̀bòʼò, əne wɨrɨ kɔ bɔ, àyɨə mbə fə berɨ Əzwî ze nɨ ghɨ əwən ənɨ ə bɔn Ŋwiə̀. À yɨ Əzwî ə ghɨ ni tɨ̀ kyeŋ ni, “Mbǎʼ! mɨ Mbǎʼ!”

Rm 8:39

kɨ̀ ɨghɨ mbe nɨ yeʼ ɨkaŋ, kɨ̀ mbe nɨ yeʼ ɨŋga si, kɨ̀ əghɨ ə mɔʼɔ ə cherə rəbɔʼ ɨghɨ mbe nɨ Ŋwiə̀ tekɨ, mbe tɨ̀ mbɨ ghabrɨ əwa tɨ ənɨ ɨchî nɨ Ŋwìə̀ ghaʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo Yeso, a Ə̀nùŋɨ̀sɨg.

Rm 9:6

Kaʼi ɨghabɨ ni ɨŋgam Ŋwiə̀ nyaʼa chè ətu ə̀kǒ. Əne mbə̀ kyerɨ ni ka mɨ̀Izre mɨ̀jìm yɨ ə bə̂d Ŋwiə̀.

2 Kɔrèn 11:18

Bə̂d mɨ̀nɔnɔʼ mbɨə goŋ ɨgɔ̂ ɨchî nɨ bə̂d ɨŋga ɨsɨg ə goŋə, əne mə bɨrɨ bɨ goŋ.

Gàlesìyà 5:25

À yɨ Əzwî ə ghɨ̀ ni tɨ̀ yeʼ ɨkǎ, əne tɨ̀ ghɨ ɨnû mbe nɨ Əzwî ə kə̀bə̀.

Gàlesìyà 6:16

Ŋwìə̀ zɨ əbɔrəbɔd bə̀ dììrɨ̀ bə̂d mbe nɨ nuŋ ɨkə wɔ̂. Wɨ̀ bə ghɨ əne ɨgun ə bə̂d Ŋwiə̀ mɨ̀jìm.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 3:12

Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Fìlipì 3:14

Mə wɨə kywɨ ənywɨ wò pe ənɨ ɨnwǐ ɨmbə̀ʼ berɨ ɨneʼe we nɨ Ŋwìə̀ che ənjìm ə Kristo Yeso nuŋ ɨ num ɨkaŋ.

Kòlosè 2:11

Ɨchî nɨ mbə̀ yeʼ ənɨ ɨfɔtɨ mbɨ məd, əne mbɨ nyaʼa fə bə̀ ne əwən. Kaʼi bə̂d mɨ̀sɔŋɨchù nyaʼa ne əwən ənɨ mbə ɨbɔ. À yɨə Kristo ziə nyaʼa ne əwən ɨchî nɨ wɨ̀ chɨ əwən rɨ əton ɨka we ɨnû rɨbɔ̀ŋ nyaʼa berɨ ɨgwɨ nən.

Jûd 1:20

À yeʼ mbə̀nə, mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ wo ɨmbì kwi ɨŋga ə ɨbenɨ we nɨ fə zeŋɨ màànɨ̀. Mbə̀ kɔŋgɨ ə Ŋwiə̀ ɨchî nɨ Əzwî ə Zeŋɨ ə naʼ ɨka ɨ nən.