Fìlipì 2:2 - Meta’

² Əne mbə̀ ghɨ ni ɨghaʼi swi ɨŋga mɨ fîŋ ɨchî nɨ mbə̀ə nuŋ rɨkɔndɨ ənɨ wɨ mɔʼ, ɨchî nɨ mbə̀ə ghaʼə mbə bɔŋgɔb, ɨchî nɨ mbə̀ə ghɨ̀ ɨnû ənɨ mbɨ mɔʼ mbɨ ɨchî nɨ mbə̀ə kɔndɨ ənû ə mɔʼ.

Ikan feg

² Ane, mbə̀ nɔŋɔ ìwən ikɔndi ane ìwi imɔʼ. Mbə̀ ya bə̀ kɔ̀ŋɔ̀ ìmbən məfi fɔrɔ ìtən njàbi. Mbə̀ ya bə̀ ghìyə̀ inug icheg bəd ne beri ikɔndi imɔʼ. Mbə̰ mə̀ ya ghìyə̀ ane, mə biri ya taŋ gyènde.

Fìlipì 2:2 Кръстосани препратки

Jn 3:29

Wə̀d we nɨ berɨ ɨgən yɨ ɨnom ɨgən. Ɨsə̀ʼ ɨnom ɨgən mɨ təm ɨban zu ənɨ wɨə ghàmə̀, wɨ̀ bɨrɨ kaŋ ghaʼ kwàʼ rɨŋgəʼ ɨmbə̀ʼ ɨghəm nɨ wɨ̀ zu gɨ̂ ɨnom ɨgən we. Əne ɨghaʼi ə kàŋ swi ɨŋga mɨ fîŋ.

Ɨ̀fàʼì 1:14

Mɨ̀mə̌d mbɔ̂ mɨ̀jìm mbɨə nyaʼə bòmnɨ̀ə̀ kɔ̀ŋgɨ̀ ə Ŋwiə̀ ənɨ ə fîŋ mɔʼ. Ɨ mbɨə nyaʼə bòmnɨ̀ə̀ mbɨ məyi, mbɨ Mèri ɨŋgɔb Yeso fɔrɨ mbɨ ə bɔŋgɔb məd.

Ɨ̀fàʼì 2:1

Ənɨ əni ə Pentekɔ̀s ə nyaʼa yeʼe kùʼ, bə̂d mɨjìm mbe nɨ nyaʼa ben ə Kristo nyaʼa fetɨ əsɨ ə mɔʼ.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 5:12

Bə̂d tom Kristo nyaʼa ghɨ̀ ɨnweenɨ-ɨnû mbɨ ɨnû yiirɨ. Bə̂d mbe nɨ nyaʼa ben ə Kristo nyaʼa fetɨ ɨchû ə̀tâŋ ze nɨ mbɨ nyaʼə tɔŋ ənɨ Ə̀tâŋ ə Solomòn.

Rm 12:16

Mbə̀ chub ənɨ ənû ə mɔʼ mbɨ mbə bɔŋgɔb. Tɨ mbə̀ nɔ ə ɨnyod, àyɨə mbə̀ jɨgnɨ mbɨ ə bə̂d kwa kwa. Tɨ mbə̀ kɔndɨ ə ni mbə berɨ ɨwe chè bə̂d mɨ̀jìm.

1 Kɔrèn 1:10

Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

2 Kɔrèn 2:3

Mə nyaʼa ŋwaʼnɨ ə̀ŋwàʼnɨ̀ ze ɨchî nɨ mə̀ nyaʼa ŋwaʼnɨ, ɨmbə̀ʼ mə mɨ yeʼe, tɨ bə̂d mbe nɨ kəʼ berɨ ghɨ ni ɨghaʼi swi ɨŋga mɨ fîŋ wɨrɨ bèŋ ə tɔɔnɨ mɨ fîŋ. Mə kyerɨ rəsìʼ ɨmbə̀ʼ mbə̀n mɨjìm ni ɨghaʼi mɨ swi ɨŋga mɨ fîŋ, wɨ bɨrɨ bɨ swi ɨŋga tən.

2 Kɔrèn 7:7

Ka àmei ɨchî nɨ Taitùs nyaʼa yeʼe we nyaʼa nəərɨ əwa. Ɨchî nɨ mbə̀ nyaʼa timbɨ əməd nyaʼa bə̀ nəərɨ əwa. Wɨ̀ nyaʼa ghà ɨ na ɨmbə̀ʼ ɨchî nɨ mbə̀ kəb nɨ zə əmɨ. Wɨ̀ nyaʼa ghà ɨmbə̀ʼ ɨchî nɨ mbə mbɨə kə̀n ɨmbə̀ʼ ɨnû mbe nɨ mbə̀ nyaʼa ghɨ̌. Wɨ̀ nyaʼa bə̀ ghà ɨmbə̀ʼ ɨchî nɨ mbə̀ zɨ ɨka nɨ ghɨ ɨnû mbe nɨ mə̀ nyaʼa gha ɨ nən. Ɨnû mbɔ̂ nyaʼa ghɨ̀ ɨghaʼi swi ɨŋga mɨ fîŋ.

Fìlipì 1:4

Ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨmbə̀ʼ mbə̀n mɨjìm, mə̀ wɨə kɔ̀ŋgɨ̀ə̀ mbɨ ɨghaʼi ɨŋga mɨ fîŋ,

Fìlipì 2:16

Mbə̀ yim ɨŋgam we nɨə nàʼ ɨ̀tènɨ̀, ɨmbə̀ʼ mə̀ goŋ ɨgɔ̂ əni ze nɨ Kristo bɨrɨ wɨrɨ yeʼe ni chəi mə̀ nyaʼa notɨ ətu ə̀kǒ kɨ̀ bə̀ fàʼ ətu ə̀kǒ.

Fìlipì 2:20

Chəi mə̀ wɨrɨ berɨ wə̀d mɔʼɔ ɨghabɨ əməd nɨə kàŋə̀ kə̀bə̀ ni mbə̀ chub ɨchî chɔ̀m.

Fìlipì 4:2

Mə wɨə buʼ ɨ bɔ ɨ ne àwɔ̀ Euodìà bə̀ buʼ ɨ ne àwɔ̀ Sintikè ni mbə chub ənɨ ənû ə mɔʼ ɨchî nɨ mbə̀ yeʼ bə̂d Ə̀nùŋɨ̀sɨg.

Kòlosè 2:5

Ka à bè yeʼi ni chəi əmɨ mbɨ nən ənɨ nyamnyod, àyɨə mə wɨ mbɨ nən ənɨ əzwî. Mə wɨə ghaʼə nɨ zə ni mbə mbɨə chub ɨchî ɨ̀chɔ̀m bə̀ ghaʼə nɨ zə ni mbə berɨ ɨbenɨ nɨ kaanɨ ɨgun ə Kristo.

2 Tès 2:13

Mba bɔŋgɔb nɨ Ə̀nùŋɨ̀sɨg ghaʼi kwàʼ rɨŋgəʼ, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən, ɨmbə̀ʼ ɨghəm nɨ Ŋwiə̀ nyaʼa chɔʼ əwən ɨmbə̀ʼ chɨ rəŋgəʼ ənjìm ɨchî nɨ Əzwî ə Ŋwìə̀ ə ghɨ mbə zeŋ bə̀ fɔrɨ ənjìm ɨchî nɨ mbə̀ ben rəsìʼ.

2 Timotì 1:4

Mə wɨə kɔndɨ mɨsɨ mbe nɨ à nyaʼa chweŋɨ, əne mə wɨə kàŋə̀ kəb ni njɨ mə wɨrɨ zə əwe, ɨmbə̀ʼ ɨghaʼi swi ɨŋga mɨ fîŋ.

Filemɔ̀n 1:20

Ee, kyɨə aŋgɔb, mə kəb ni à ghɨ ɨ̀chɔ̀m wɔ̂ ɨ num ənɨ ɨkum Ə̀nùŋɨ̀sɨg. Kaŋ zùtɨ̀ mɨ fîŋ ɨchî nɨ tɨ̀ yeʼ ənɨ ɨfɔtɨ mbɨ Kristo.

2 Jɔn 1:4

Mə nyaʼa kàŋ ghaʼ əku nɨ zə ni mbe bɔn mɔʼɔ mbɨə beenɨ əbɔʼ rəsìʼ àmei ɨchî nɨ Mbǎʼ nyaʼa gha ɨ na.

3 Jɔn 1:4

Chəi ɨghaʼi cherə ɨŋga mɨ fîŋ nɨ che rɨ ənɨ ɨchî nɨ mə̀ zu ni mbɨ bɔn mbɨə beenɨ əbɔʼ rəsìʼ.