2 Tès 3:3 - Meta’

³ Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

Ikan feg

³ Anug ne angu ya gha, Anɔŋisəg ya fàʼà inug mbe ne wì kàʼi. Wì biri nàʼ ika inən bə̀ kyèʼrì awən ni ghì gha imbə̀ʼ mbə̰ nyi awən ikye abo abə Wə̀d Tibɔ̀ŋ.

2 Tès 3:3 Кръстосани препратки

Matìyò 5:37

Mbə̀ gha àmei ni, 'Ee' kɨ̀ ni 'Chə̂'. Ənû ə cherə ze nɨ wə̀d wɨrɨ ghà yɨ rɨ əmbɨ wə̀d rɨ̀bɔ̀ŋ.

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Lk 11:4

Waʼ mba ɨnû rɨbɔ̀ŋ, ɨmbə̀ʼ ɨghəm nɨ tɨ̀ wɨə waʼ ɨnû rɨbɔ̀ŋ wə̀d jìm we nɨ gu ənû ɨ na. Tɨrə̀ ben e ni ənû ə mɔʼɔ ə numbɨ əwa.'”

Jn 17:15

Chəi mə̀ gha ni à chɨ mɨ̀mə̌d rɨŋga ɨsɨg. Mə ghà yeʼ ni à kən mɨ̀mə̌d tɨ əmbɨ ə wə̀d rɨ̀bɔ̀ŋ.

1 Kɔrèn 1:9

Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

1 Tèsàlonikà 5:24

Məd we nɨ tɔŋ əwən wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ̀ ɨnû mbɔ̂.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

2 Pità 2:9

Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.