2 Tès 2:3 - Meta’

³ Tɨ mbə̀ ben ə ni wə̀d mɔʼɔ che ənɨ ɨkwɨ ɨnə̂njɨ̀ mɔʼɔ tambɨ əwən, ɨmbə̀ʼ ɨghəm nɨ chəi əni ze ə bɨrɨ kɨrɨ yeʼe pè ənɨ bə̂d mbe nɨ bɨrɨ ton ɨnû jìm ɨmbə̀ʼ ə Ŋwiə̀ fə yeʼe, wə̀d we nɨ ton ə Ŋwiə̀ bə̀ ton tɨkə rɨ məd bə̀ jwɨ̀ bə̂d zə. Məd yɨ we nɨ bɨrɨ nim.

Ikan feg

³ Imbə̀ʼ mbə̰ saŋa awən gha wə̀d mɔ̀ʼɔ tambi awən ka. Aton ya gha, nyùmə̀ we ne bəd biri ya zɔ̀ŋɔ̀ ni ton awɔb Ŋwiye biri chè, wə̀d inug izəg bə̀ dù asaŋ, bɔŋ aneg ze ne Anɔŋisəg Yeso biri yeʼe se pè. À ya wə̀d ne Ŋwiye fə nɔŋi gha wì biri ghò inga asiŋi ngəʼ ane ighə̀m imɔʼ.

2 Tès 2:3 Кръстосани препратки

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

Efesùs 5:6

Tɨ mbə̀ ben ə ni wə̀d mɔʼɔ tambɨ əwən mbɨ mɨŋgam əko, ɨmbə̀ʼ ɨghəm nɨ à yɨ ɨmbə̀ʼ ɨnû mbɔ̂ nɨ ɨsə ɨtəm Ŋwiə̀ bɨrɨ yeʼe ɨgwɨ ə bə̂d mbe nɨə ghɨ̀ rɨ̀zuə̀.

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

1 Jɔn 4:3

Chəi Əzwî ə Ŋwìə̀ ɨŋga wə̀d jìm we nɨ chəi wɨ̀ ben ə Yeso. Əzwî ze nɨ yeʼ ɨŋga məd yɨ rɨ əmbɨ ə wə̀d pə̀n Kristo. Mbə nyaʼa fə zu ni əzwî ze ə bɨrɨ yeʼe, əne tɨ̀nîn ə zɨə sɨ i ɨŋga ɨsɨg.

Ɨnû 17:11

Nyam kyeŋ ze nɨ nyaʼa kweʼ ɨkǎ, àyɨə zɨ̀ fə kwɨ, yɨ ɨfɔ̂n we nɨ pe ənɨ mbɨ famɨ. Məd yɨ wɨ mɔʼɔ rəbɔʼ mɨfɔ̀n mbe sambe. Zɨ̀ bɨrɨ wo əsɨ ze nɨ mbɨ bɨrɨ nimnɨ əməd.

Ɨnû 17:8

Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.