1 Jɔn 4:9 - Meta’

⁹ Ŋwìə̀ wɨə chwi ɨchî nɨ wɨ̀ ghaʼ əwa əni: Wɨ̀ nyaʼa tom i Wan we mɔʼ ɨŋga ɨsɨg ɨmbə̀ʼ tɨ̀ we tɨ̀ rɨ̀ chè ənjìm məd jɨg ɨ̀tènɨ̀.

Ikan feg

⁹ Ŋwiye ya chwi icheg ne wì kɔ̀ŋi bəd icheg ne wì ya tɔmi ìwi Ŋwan igun isəg ni ghì gha tì bere ìtḛ̀ anjìm Ŋwan we.

1 Jɔn 4:9 Кръстосани препратки

Mk 12:6

Mbaŋə̀ ze nyaʼa kɨrɨ berɨ wə̀d cherə mɔʼ, nɨ nyaʼə wan məd nɨ wɨ̀ nyaʼa ghaʼi kwàʼ rɨŋgəʼ. Wɨ̀ nyaʼa sɨ nwìə̀ chà we əmbɨ mɨ̀mə̌d, ghàə̀ ni, 'Mbɨ bɨrɨ wumnɨ mɨ wan.'

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Jn 10:10

Ɨjɨ wɨə yeʼe àmei nɨ jɨ, nɨ zwiirɨ bə̀ fɔrɨ nɨ nimnɨ njɨ̀g te. Mə nyaʼa yeʼe ni njɨ̀g te jɨg ɨ̀tènɨ̀, əne jɨg ɨ swi.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 3:18

Chəi Ŋwìə̀ ə zɨ̀ ɨsaʼi ɨgwɨ ə bə̂d mbe nɨ ben əməd. Wɨ̀ fə zɨ̀ yeʼ ɨgwɨ mbe nɨ chəi mbɨ ben əməd, ɨmbə̀ʼ ɨghəm nɨ chəi mbɨ ben Wan Ŋwìə̀ we mɔʼ.

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Jn 6:29

Yeso nyaʼa wììrɨ̀ əmbɨ mɨ̀mə̌d ni, “Ənû ze nɨ Ŋwìə̀ kəbɨ yɨ ni: mbə̀ ben wə̀d we nɨ wɨ̀ nyaʼa tomɨ.”

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Jn 6:57

Ɨchî nɨ Mbǎʼ we nɨ yeʼ ɨkǎ nyaʼa tom əmɨ, əne mə wɨ ɨkǎ ɨmbə̀ʼ əməd. Əzɔ̂ ə chwi ni wə̀d we nɨ kud mɨ nyamnyod bɨrɨ bɨ yeʼ ɨkǎ ɨmbə̀ʼ əmɨ.

Jn 8:29

Məd we nɨ nyaʼa tom əmɨ wɨ i mbɨ num. Chəi wɨ̀ saŋ əmɨ rə̀zìʼ, ɨmbə̀ʼ ɨghəm nɨ mə wɨə ghɨ̀ àmei ɨnû mbe nɨ bɔŋ ɨ bɔ.”

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Jn 9:3

Yeso nyaʼa wììrɨ̀ ni, “Kaʼi ni à yɨə mbaŋə̀ zɔ̂ nyaʼa ghɨ ənû rɨbɔ̀ŋ kɨ̀ mbǎʼ məd kɨ̀ ɨŋgɔb məd. Məd ə fɨ̀g ɨmbə̀ʼ bə̂d zə ɨchî nɨ Ŋwìə̀ ə fàʼə̀.

Rm 8:32

Məd we nɨ chəi wɨ̀ nyaʼa yim i Wan rəbɔʼɔ, àyɨə wɨ̀ nyaʼa nàʼ əməd ənɨ əghɨ ə̀fà ɨgwɨ mba ɨtu mbà mɨjìm, ka məd mbɨ i Wan wa bɨrɨ naʼ i ɨghɨjìm ɨ na ə?

Mə̀Hibrù 1:5

À kɨ əmbɨ aŋgɨrə̀ wi nɨ Ŋwìə̀ nyaʼa kweʼ gha ɨ bɔ ni, “Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ ə”? Kɨ̀ à kɨ̀ əmbɨ aŋgɨrə̀ wi nɨ wɨ̀ nyaʼa gha ɨ bɔ ni, “Mə bɨrɨ yeʼ Mbǎʼ məd, məd bɨrɨ yeʼ mɨ Wan ə”?

1 Jɔn 3:16

Ɨchî nɨ tɨ̀ rɨ̀ kyerɨ ənû ze nɨ ɨghaʼi kaŋ yeʼ wɨwən yɨ ni: Kristo nyaʼa kwɨ ɨgwɨ mba ɨtu. Əne mbà bə, tɨ̀ berɨ bɨ kwɨ ɨgwɨ ɨtu mba bɔŋgɔb.

1 Jɔn 4:10

Wɔ̂ yɨə kaŋ ɨghaʼi rəsìʼ. Kaʼi ni tɨ̀ nyaʼa ghaʼ ə Ŋwiə̀, àyɨə ni məd ziə nyaʼa ghaʼ əwa əne tom i Wan ni wɨ̀ yeʼ əghɨ ə̀fà ze nɨ wɨ̀ bɨrɨ chè ənjìm məd waʼ mba ɨnû rɨbɔ̀ŋ.

1 Jɔn 4:16

Əne tɨ̀ fə kyerɨ bə̀ ben ni Ŋwìə̀ ə ghaʼ əwa. Ŋwìə̀ wɨə ghaʼə bə̂d, əne wə̀d we nɨ ghaʼ wi aŋgɔb wɨ ənɨ ənû ə mɔʼ mbɨ ə Ŋwìə̀, Ŋwìə̀ ziə wɨə bə̀ ənɨ ənû ə mɔʼ mbɨ məd.

1 Jɔn 5:11

Ənû ze nɨ wɨ̀ ghǎ ɨmbə̀ʼ i Wan yɨ ni: Ŋwìə̀ nyaʼa ghɨ̀ ni tɨ̀ jɨg ɨ̀tènɨ̀ rɨ mì, əne à yɨə Wan məd ə nàʼ ɨ̀tènɨ̀ rɨ mì we ɨ na.

1 Jɔn 5:13

Mə wɨə ŋwàʼnɨ̀ ənû zɔ̂ ɨ nən, mbə̀n mbe nɨ ben Wan Ŋwìə̀, ɨmbə̀ʼ mbə̀ kyerɨ ni mbə bɨrɨ jɨg ɨ̀tènɨ̀ rɨ mì.