1 Jɔn 4:1 - Meta’

¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

Ikan feg

¹ Ìmbum mə̀sə̀ʼ ne mə̀ taŋ kɔ̀ŋ, imbə̀ʼ mbə̰ bḛ awən wə̀d ijìm ne ghà gha Azwighi Ŋwiye ze ibo inga fìŋ. Mbə̀ bi zweʼri aməd ni kyeri gha azwighi ze ne yaʼi inga məd kə nɔ̀ʼ abə Ŋwiye? Aton ya gha, bədkə̀n nɔʼ nɔʼ ne ghà inug ako fə sàkà inga isəg.

1 Jɔn 4:1 Кръстосани препратки

Mk 13:21

“Wə̀d mɔʼɔ mɨ ghà ɨ nən ənɨ ə nyùmə̀ we ni, 'Mbə̀ zə, wɔ̂ yɨə Wə̀d we nɨ Ŋwìə̀ zɔʼɔ!' kɨ̀ ni, 'Mbə̀ zə, à yɨə məd wə!' tɨ mbə̀ ben ə.

Lk 12:57

“Əton nɨ mbə kyerɨ ənû nɨ kuʼnɨ, àyɨə chəi mbə̀ə ghɨ̀ə̀ kɨ ɨmbə̀ʼ ə ye?

Lk 21:8

Wɨ̀ nyaʼa wììrɨ̀ ni, “Mbə we əwən ɨmbə̀ʼ tɨ wə̀d mɔʼɔ ghɨ i ni mbə̀ febə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mə yɨ wɨwən!' fɔrɨ ni, 'Nyùmə̀ fə tiinɨ!' Tɨ̀ mbə beenɨ ə əbɔʼ mɨ̀mə̌d.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ɨ̀fàʼì 20:29

Mə kyerɨ ni mə̀ mɨ nɔ̀ʼ, bə̂d nɨ yeʼ ɨghabɨ ɨfɔn tɔtɔ bɨrɨ yeʼe əkaʼ nən, kəb nimnɨ ɨfetɨ bə̂d Ŋwiə̀.

1 Kɔrèn 12:10

Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

1 Kɔrèn 14:29

Bə̂d ɨkə̂n mɨbe kɨ̀ mɨtad ghamə. Ə̀bùʼ ə bə̂d ə jeŋgɨ kɔndɨ mbə ɨtu ɨmbə̀ʼ ɨnû mbe nɨ mbɨə ghàə̀.

1 Tèsàlonikà 5:20

Tɨ mbə̀ təənɨ ə mɨkə̂n mbe nɨ bə̂d ə ghàə̀,

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

2 Tès 2:2

tɨ mbə ɨtu buurɨ i kɨ̀ tə fîŋ tɔb əwən ɨmbə̀ʼ bə̂d mbe nɨə ghà ni əni ze nɨ Ə̀nùŋɨ̀sɨg bɨrɨ wɨrɨ yeʼe fə pè. Ka mbɨ bè ghà ə ni à yɨ Əzwî ə gha ɨ na, kɨ̀ nɨ à yɨə mbǎ nyaʼa ŋwaʼnɨ, kɨ̀ nɨ à yɨə mbǎ nyaʼa ghamɨ, tɨ mbə̀ ben ə.

1 Timotì 4:1

Əzwî ə Zeŋɨ ə zɨə ghàə̀ zɨə zeŋ ni ɨŋga ɨni mbe nɨə wo yeʼe, bə̂d mɔʼɔ bɨrɨ waʼ ɨbenɨ we nɨ mbɨ berɨ, sɨə zuunɨə yeʼ bə̂d mbe nɨə zwetɨ ɨnû rɨ əmbɨ ɨzwî mbe nɨə tambɨə bə̂d. Mbɨ bɨrɨ bɨ chwi ɨnû mɨghab mbe nɨ ɨzwî rɨbɔ̀ŋ ə kə̀bə̀ ni bə̂d benɨ.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

1 Jɔn 2:7

Mbɨ bɔŋgɔb nɨ mə̀ ghaʼi kwàʼ rɨŋgəʼ, ka ɨkə wɔ̂ nɨ mɨə ŋwàʼnɨ̀ ɨ nən yɨ i ɨkə fi. À yɨ ɨkə ənun nɨ mbə nyaʼa kyerɨ tɨ ənɨ mbə̀ nyaʼa ben ə Kristo. Ɨkə ənun we yɨ ɨŋgam we nɨ mbə̀ nyaʼa fə be zu.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.