Rm 5:2 - Ikan feg

² À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Meta’

² Ənjìm ɨchî nɨ tɨ̀ ben əməd, tɨ̀ fə bə̀ nyɨ ɨŋga ɨ̀chɔ̀m we nɨ tɨ̀ yeʼ ɨŋga tɨ̀nîn. Əne tɨ̀ goŋ ɨgɔ̂ nùŋ ta rɨkɔndɨ wòm ni tɨ̀ bɨrɨ chubɨ mbɨ ə Ŋwiə̀ ɨŋga ɨwumnɨ məd.

Rm 5:2 Кръстосани препратки

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Jn 10:7

Yeso ya ywìrì ghà abə mə̀mə̀nənùg məd gha, “Mə ghà kwàʼ tesiʼ inən gha, mo ya kwàʼ inuʼ ikam njə̀g.

Jn 10:9

Mo ya inuʼ ikam. Wə̀d we ne chè inga inum, wì biri pum. Wì biri ya nyḭ̀yḛ, bə̀ chè dùwə̀ ghò kə̀bə̀ agyen.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Rm 11:20

À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 14:4

Àghò kə we ne sàʼa wə̀d àfàʼì wə̀d ndəŋ? À ya məyi mbaʼ àfàʼì wə̀d beri ni kyeri gha àfàʼì məd kòʼ kə̀ chəyi. Àfàʼì məd biri kòʼ imbə̀ʼ icheg ne à ya Anɔŋisəg beri ika ni ghì gha àfàʼì məd koʼo.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 3:23

Aton ya gha, bəd məjìm fə ghì inug tibɔ̀ŋ. Ane, chəyi ywìrè yi ìzḛzḛ njandi njandi Ŋwiye inga inɔb.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 8:24

Icheg ne tì nɔŋi ikɔndi icheg gho̰ ni ghɔ̀m, Ŋwiye fə chì awa inga ngəʼ. Tesiʼ ya gha, ighi ne wə̀d fə beri, chəyi we ywìrè nɔ̀ŋɔ̀ ikɔndi ghɔ̀mɔ̀ ni bèrì mbiwən. Wə̀d abɔ̀ʼ inən ne tì wì nɔŋì ikɔndi ni ghɔ̀m aghi ne wì fə beri àkə we?

1 Kɔrèn 15:1

Ìmbum məfi fɔrɔ ìtum njàbi, anug ne mə̀ kəbi ni wendi inən amad anìŋ ya anug imbə̀ʼ ikən chɔm we ne mə̀ ya gha inən. Mbə̰ ya zug bḛ bə̀ təm kà igun.

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Efesùs 3:12

Anjìm icheg ne tì yaʼi ane ifɔti tì Kristo fɔrɔ anjìm icheg ne tì nɔŋi ibḛfiŋ igun məd, tì fə bèrì ika ni ghò imbìghè abə Ŋwiye ne chəyi te bɔ.

Efesùs 6:13

Ane, mbə̀ niŋ ighi ibid mbe ne Ŋwiye we nàʼà kwàʼ ijìm. Àze ya ni ghì gha, anyumə̀ ne inug tibɔ̀ŋ yeʼe, mbə biri kyeri icheg ni zɔ̀ŋ ghò mànì ne ìwən ibḛfiŋ kiri təm kà.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

Ɨnû 21:11

Ìzḛzḛ njandi njandi Ŋwiye yaya zùʼə inga aben ze. Aben ze yaya zùʼə njànda icheg ndəŋ àka inun bə̀ zùʼə njànda icheg jaspà. Aben ze yaya bə̀ zḛ icheg kristà.

Ɨnû 21:23

Chəyi aben ze ya ywirì kə̀b gha nyùmə̀ kə̀ iməg ywirì zuʼ igun məd imbə̀ʼ icheg ne ìzḛzḛ njandi njandi yaya dùwə̀ ane Ŋwiye zùʼə zḛ isiŋi ijìm. Ŋwan njə̀g yaya bə̀ zùʼə icheg anam.

Ɨnû 21:3

Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.