Rm 1:9 - Ikan feg

⁹ Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Meta’

⁹ Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Rm 1:9 Кръстосани препратки

Mk 1:1

Icheg ne ikən chɔm imbə̀ʼ Yeso Kristo we ne ya Ŋwan Ŋwiye ya ko angu.

Lk 18:1

Yeso ya ghàm ìngam məgri abə mə̀mə̀nənùg ni chwiti gha, mbe kòʼ ni ya chàʼrà Ŋwiye mà nyumə̀ ijìm ywìtì mbi bɔd.

Ɨ̀fàʼì 12:5

Ane, mbi ya nɔ̀ŋì Pità a ndəŋ. Si ya gha, ifeti bəd Kristo yaya chàʼrà Ŋwiye ibo ane ìzɔb fìŋ ijìm.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 24:14

Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Ɨ̀fàʼì 27:23

Mə ya ghà anìŋ imbə̀ʼ icheg ne àkə kə̀ izimi gho̰, angirə̀ Ŋwiye we ne mə̀ yaʼi wə̀d məd, ne yaʼi Ŋwiye we ne mə ghùmnə, kə̀ yèʼe pè təm iban inum,

Ɨ̀fàʼì 3:26

Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

2 Kɔrèn 1:23

Ŋwiye kyèri ìmə fìŋ gha mə̀ ya ghà tesiʼ gha, chəyi mə̀ ya ywirì yèʼe a Kɔrèn icheg ne mə̀ ya kàʼi imbə̀ʼ icheg ne chəyi mə̀ ya kə̀bi ni pè ghàm gaŋ inən, ighəm mɔ̀ʼɔ chìkì ìtən fìŋ.

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

Gàlesìyà 1:20

Ŋwiye kyèri gha anug azo̰ ne mə ŋwàʼrà inən anìŋ ya kwàʼ tesiʼ, kayi anug ako.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Fìlipì 1:3

Mà nyumə̀ ijìm ne mə kɔ̀ndɔ awən, mə ya nàʼà məyakà abə ìmə Ŋwiye.

Fìlipì 1:4

Mà nyumə̀ ijìm ne mə chàʼrà Ŋwiye inən mbə̰ məjìm, mə ya chàʼrà tì igyendi inum inga fìŋ.

Fìlipì 2:22

Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

1 Tèsàlonikà 1:2

Tì we nàʼà məyakà abə Ŋwiye mà nyumə̀ ijìm imbə̀ʼ awən bə̀ wènde awən mà nyumə̀ ijìm ne te chàʼrà Ŋwiye.

1 Tèsàlonikà 3:10

Tì we chàʼrà Ŋwiye mà nyumə̀ ijìm, tisi fɔrɔ tizimi ane ìza fìŋ ijìm gha wì naʼa apan ina ni ywiri bàd awən imbə̀ʼ ghì mbə̀ kyeri inug mbe ne chəyi mbə kiri kyeri icheg ne mbə̀ zi ìwən ibḛfiŋ igun Yeso Kristo.

1 Tèsàlonikà 5:17

Mbə̀ ya chàʼrà Ŋwiye mà nyumə̀ ijìm.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

2 Timotì 1:3

Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

Filemɔ̀n 1:4

Ìmə ifi Filemɔ̀n, mà nyumə̀ ijìm ne mə chàʼrà Ŋwiye, mə ya wènde awe, nàʼà məyakà abə Ŋwiye.