Mə̀Hibrù 9:9 - Ikan feg

⁹ Anug azo̰ ya tòʼrò abə bəd inga nyùmə̀ gho̰ amad anìŋ gha, chəyi ighi àfàtì mbe ne mbi yaya nàʼà ya beri ika ni sò inug tibɔ̀ŋ abə bəd mbe ne yaya ghùmnə Ŋwiye inga mbàn Ŋwiye ni gha mbe zen mànì.

Meta’

⁹ Əzɔ̂ yɨ ənweenɨ nɨə chwi ɨnû ɨmbə̀ʼ nyùmə̀ wɔ̂. Əne yɨ ni chəi ɨchəmnɨ mbɨ ɨghɨ ə̀fà mbe tɨ̀ mbɨ zeŋnɨ fîŋ wə̀d we nɨə wumnɨ ə Ŋwìə̀.

Mə̀Hibrù 9:9 Кръстосани препратки

Rm 5:14

Tesiʼ ya gha, iwu ya bèrì ika igun wə̀d ijìm ni ko ane nyùmə̀ Adàm ghò pè ane nyùmə̀ Muse. Iwu bèrì ika fɔrɔ igun bəd ne chəyi mbi ya gùghi anug kwàʼ icheg Adàm. Adàm ya iku wə̀d ne yaʼi icheg wə̀d we ne ya beri ni ghum yeʼe.

Gàlesìyà 3:21

Ze wa chwi anìŋ gha mə̀nɔ̀ʼɔ̀ mbe tì mbi chìkì anug ze ne Ŋwiye ya kàʼi? Indèʼ! Kayi ane ka. Àkə aghi ne nɔ̀ʼɔ̀ mɔ̀ʼɔ yaʼi angu ne nàʼà ìtḛ̀, nji bəd məjìm mbe tì mbi təm kòʼ imbìghè abə Ŋwiye anjìm icheg ne mbi zugri nɔ̀ʼɔ̀ we.

Mə̀Hibrù 10:11

Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd.

Mə̀Hibrù 11:19

Abràham ya bḛ gha Ŋwiye we tì wì zwemni Azìg ane iwu. Ane, ze ya icheg ni gha, Abràham ya si ywìrì niŋ Azìg icheg wə̀d ne zweme ane iwu.

Mə̀Hibrù 5:1

Tè kyèri gha, mbi ya chɔ̀ʼɔ atog wə̀d igun bəd mbàn Ŋwiye inga bəd ni gha wì ya tə̀mə imbìghè abə Ŋwiye atog abə bəd. Wì ya tə̀mə ane ni ya nàʼà ighi ni tùtì Ŋwiye fɔrɔ ighi àfàtì imbə̀ʼ inug tibɔ̀ŋ bəd.

Mə̀Hibrù 7:11

Mə̀nɔ̀ʼɔ̀ Muse mbe gha wə̀d mbàn Ŋwiye mənyìʼ dù ane aghaŋ inəbi Levì. Àkə aghi ne tì àfàʼì bəd mbàn Ŋwiye ane aghaŋ inəbi Levì ghì bəd bɔ̀ŋ mànì, nji chəyi ya ywìrè aton abə wə̀d mbàn ndəŋ ne du ane iwaŋ Mèkisedèg ni yeʼe, ne kayi ane aghaŋ inəbi Eròn.

Mə̀Hibrù 8:4

Àkə aghi ne məd ya yaʼi igun isəg nji chəyi wì yaʼi wə̀d mbàn Ŋwiye ka imbə̀ʼ icheg ne bəd mbàn Ŋwiye mbe fə igun isəg ne nàʼà ituti Ŋwiye we ne Mə̀nɔ̀ʼɔ̀ Muse gha.

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.