Mə̀Hibrù 6:2 - Ikan feg

² Tì bə saŋa anug ni chwiti anug ni niŋ mənib, tì anug ni nɔ̀ŋì ibo igun wə̀d ni zì àbɔrɔ̀bɔd igun məd, tì anug ne bəd biri ghum zweme, fɔrɔ anug imbə̀ʼ icheg ne Ŋwiye biri niŋ isɔbi isaʼi ighə̀m imɔʼ anyumə̀ ne isəg biri nwḭ̀yḛ̀.

Meta’

² Tɨ rɨ wɨrɨ gha a ɨmbə̀ʼ ənû nɨ nɨŋ mɨnib, ɨmbə̀ʼ ənû nɨ zab ɨbɔ ɨgwɨ ə bə̂d, ɨmbə̀ʼ ənû nɨ bə̂d bɨrɨ zwemə fɔrɨ ɨmbə̀ʼ ənû nɨ Ŋwìə̀ bɨrɨ sob mɨsaʼi koŋ.

Mə̀Hibrù 6:2 Кръстосани препратки

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Matìyò 3:14

Jɔn ya kə̀b ni təmni aməd, ane wì ya ghà abə Yeso gha, “À ya àghò kə̀ beri ni nàʼ mənib inum. Aton ne àghò si yèʼe yaʼ inum àkə gha?”

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Mk 7:4

Anyumə̀ ne mbi bə̀ndi iywin, chəyi mbe jə̀ghə witì mbi sòrì nyɔd icheg ne ze yaʼi inga mə̀nɔ̀ʼɔ̀ ìmbɔb mə̀mbaʼ. Məcheg aben nɔʼ nɔʼ ya yaʼ angu ne mbɔb yaya bène abɔ̀ʼ, icheg anug ni sò toʼ tì ikon tì mbe akwighe fɔrɔ anug ni sò ighi mbe ne mbe zìyè ighi inga ne mbi tangi ane brons.)

Mk 7:8

Mbə̰ fə sàŋì mə̀nɔ̀ʼɔ̀ Ŋwiye, si taŋ nyìmi yaʼ məcheg bəd.”

Lk 11:38

Anug ya chè Farìsi we anyumə̀ ne wì ya bàri gha Yeso we jə̀ghə witì wì so ibo icheg ne ìmbɔb mə̀nɔ̀ʼɔ̀ chwi.

Lk 12:50

Si ya gha, mə bèrì mənib mɔ̀ʼɔ ni niŋ. Chəyi ìmə fìŋ biri chughi ane àbɔrɔ̀bɔd anene mə niŋ mənib mbe.

Lk 14:14

Ŋwiye biri si nàʼ chùd ine anyumə̀ ne wì biri zwemni bəd ne təmi kòʼ. Wì biri zì àbɔrɔ̀bɔd igun ine imbə̀ʼ icheg ne chəyi tì bəd mbe ywì ìmbe ighi.”

Lk 3:16

Jɔn ya ywìtì inɔb mbɔb məjìm gha, “Mə ya nàʼà mənib inən, si ya gha, wə̀d we ne yèʼe inum anjìm, wè chè amə. Chəyi mə̀ koʼi ane wə̀d ne zà iniʼ atami məd. Wì biri chà Azwighi Ŋwiye fɔrɔ iywid igun inən.

Jn 1:33

Chəyi mo inum ya bi kyèri gha məd ya Wə̀d we ne Ŋwiye ya kàʼi ni chà. Si ya gha, anyumə̀ ne Ŋwiye ya tɔmi amə gha mə̀ yeʼe se nàʼà mənib abə bəd, wì ya ghà inum gha, ‹Wə̀d we ne àghò biri bàd Azwighi ze swiʼi ikaŋ àbɔ̀ŋɔ nàŋa igun məd, kyeri gha à ya wə̀d we ne biri nàʼ Azwighi Ŋwiye abə bəd›.

Jn 5:29

Anyumə̀ ne mbi zughi gì məd, mbi biri dù inga ìmbɔb itog iseg. Bəd ne yaya ghìyə̀ inug chɔm biri zweme, jəg ìtḛ̀. Àsi bəd ne yaya ghìyə̀ inug tibɔ̀ŋ biri zweme, Ŋwiye sɔb isaʼi zì ngəʼ igun inɔb.

Ɨ̀fàʼì 10:47

“Wə̀d ne tì wì ton gha imbə̀ʼ tì naʼa awa mənib abə bəd mbo̰ ne Azwighi Ŋwiye fə yeʼe igun inɔb kwàʼ icheg ne ze ya bə yeʼe igun ina, àkə we?”

Ɨ̀fàʼì 13:3

Anyumə̀ ne mbi ya fə chughi njèg bə̀ chàʼra Ŋwiye mànì, mbi ya nɔ̀ŋì ìmbɔb ibo igun inɔb, chà awɔb gha mbe gho ane àfàʼì ze.

Ɨ̀fàʼì 16:15

Anyumə̀ ne mbi ya fə nàʼi mənib ibo fɔrɔ abə bəd məjìm mbe ne ya yaʼi ibo inga nəb, wì ya boʼ ibo ina, ghà gha, “Mbə̰ mə̀ niŋ gha mo ya wə̀d ne fə nɔŋi fìŋ igun Anɔŋisəg Yeso, mbə̀ yeʼe chùghi inum inga achan.” Wì ya ghà ane, nyi aton ina anene tì gho chùghi ibo inga achan.

Ɨ̀fàʼì 16:33

Mbi ya nàʼ mənib ibo kwàʼ izimi we bə̀ nàʼ mənib abə bəd məjìm ne ya yaʼi ibo inga nəb. Wì ya bə̀ niŋ Pɔl tì Sayilàs ghò sò ìmbɔb ina̰.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 2:41

Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 24:15

Mə nɔ̀ŋì ìmə ikɔndi se ghɔ̀mɔ̀ Wə̀d we ne Ŋwiye ya kàʼi icheg ne mbɔb mbe bə̀ ghɔ̀mɔ̀. Ikɔndi we ya gha, bəd ne təmi kòʼ imbìghè abə Ŋwiye fɔrɔ bəd mbe ne chəyi mbi təm kòʼ, mbi biri ghum zweme ane iwu.

Ɨ̀fàʼì 24:21

À ya məyi anug azo̰ amɔʼ ne mə̀ ya gha abə bəd ne sàʼa aben ane gì ka ka. Mə ya gha, ‹Mbə̰ ya anìŋ sàʼa mə imbə̀ʼ icheg ne mə bḛ gha bəd biri ghum zweme ane iwu!›”

Ɨ̀fàʼì 24:25

Pɔl ya chè imbìghè ghàm imbə̀ʼ anug ni təm kòʼ, anug ni nyimbi nyɔd fɔrɔ anug imbə̀ʼ aneg ze ne yèʼe ne Ŋwiye biri saʼ bəd. Gɔbnà Feligs ya bɔ si ghà abə Pɔl gha, “Àghò saŋa awe ane, ghò awe. Anyumə̀ ne mə̀ biri bèrì apan chɔm, mə biri kàrì awe.”

Ɨ̀fàʼì 26:8

Aton ne ze chè awən mbə̰ məjìm ni bḛ gha Ŋwiye we zwèmne iwu bəd àkə gha?

Ɨ̀fàʼì 4:2

Anug ze ya taŋ se awɔb imbə̀ʼ icheg ne Pità tì Jɔn yaya chwìte inug abə bəd bə̀ chètè gha anjìm Yeso bəd biri zweme ane iwu.

Ɨ̀fàʼì 6:6

Mbi ya ghì, mbaŋà ìto̰ təm imbìghè abə bədtɔm Kristo. Bədtɔm Kristo ya si nɔ̀ŋì ibo igun inɔb, chàʼra Ŋwiye inɔb.

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

1 Kɔrèn 10:2

Icheg ne mbɔb yaya yḛ̀ aton pàʼ bə̀ bàni igyi tìbà, ze chwi gha, mbɔb ya niŋ mənib si yaʼ bəd ne bène abɔ̀ʼ Muse.

1 Kɔrèn 12:13

Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

Fìlipì 3:21

Anyumə̀ ne wì biri yeʼe, wì biri niŋ ìta nyàmnyɔd ìto̰ ne tì tì ku bə̀ŋì ti si yaʼ icheg nyàmnyɔd ze ne məd ya beri anyumə̀ ne Ŋwiye ya zwemni aməd ane iwu. Wì biri ghì ane anjìm ika we ne wì beri ni tùmbì ighi ijìm.

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

2 Timotì 2:18

Mbɔb fə waʼ tesiʼ we ne yaʼi inga Ìngam Ŋwiye. Mbɔb mbe ghàmà gha anug ni zweme ane iwu ya fə chè. Mbɔb ya ghìyə̀ ane chìkə̀ ibḛfiŋ abə bəd ndan ndàn.

Mə̀Hibrù 11:35

Anjìm ibḛfiŋ: Mə̀yi mɔ̀ʼɔ ya niŋ ìmbɔb bəd ne ya zweme ane iwu. Mbi mɔ̀ʼɔ ya zə̰ ngəʼ bə̀ to awɔb ni dù inga nəb ndəŋ. Mbi ya ghì ane imbə̀ʼ icheg ne mbi yaya nḛ̀ ni jəg ìtḛ̀ ne bɔŋi chè.

Mə̀Hibrù 9:10

Ighi mbo̰ ya bèrì məyi anug ni jəg tì anug ni no, fɔrɔ inug imbə̀ʼ icheg ni sò nyɔd icheg ne mə̀nɔ̀ʼɔ̀ Muse chwi. Tikə ìto̰ ya yaʼ anene pè ane nyùmə̀ we ne Ŋwiye ya kɔpi inug, si nɔ̀ŋì nɔ̀ʼɔ̀ feg.

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.