Mə̀Hibrù 5:1 - Ikan feg

¹ Tè kyèri gha, mbi ya chɔ̀ʼɔ atog wə̀d igun bəd mbàn Ŋwiye inga bəd ni gha wì ya tə̀mə imbìghè abə Ŋwiye atog abə bəd. Wì ya tə̀mə ane ni ya nàʼà ighi ni tùtì Ŋwiye fɔrɔ ighi àfàtì imbə̀ʼ inug tibɔ̀ŋ bəd.

Meta’

¹ Ɨ mbɨə chɔʼ ɨtu jìm ɨgwɨ ə bə̂d mbàn Ŋwìə̀ rəkaʼ bə̂d məd. Ɨ mbɨə chɔʼə mɨ̀mə̌d ni mbɨ faʼ əmbɨ ə Ŋwiə̀ dè ətu bə̂d mbe. Ɨ wɨə nàʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀ ɨgwɨ ɨnû rɨbɔ̀ŋ mɨ̀mə̌d.

Mə̀Hibrù 5:1 Кръстосани препратки

Rm 15:17

Icheg ne mə̀ yaʼi mə ane anug amɔʼ tì Yeso Kristo, mə we tì mə kɔ̀m ìmə igo icheg ne mə̀ fàʼà abə Ŋwiye.

1 Kɔrèn 15:3

Anug kyen mbègtog ne mbi ya gha inum, mə̀ ya bə̀ ghà inən. Anug ze ya gha Kristo ya ku imbə̀ʼ ìmba inug tibɔ̀ŋ icheg ne mbi ya ŋwàʼri inga Àŋwàʼrì Ŋwiye.

Mə̀Hibrù 10:11

Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd.

Mə̀Hibrù 10:12

Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.

Mə̀Hibrù 11:4

À ya anjìm ibḛfiŋ ne Abè ya nàʼi aghi àfàtì ne bɔŋi chè àze ne Ken ya nàʼi. À ya anjìm ibḛfiŋ ìwi Abè ne Ŋwiye ya gha məd ya wə̀d ne təmi kòʼ anyumə̀ we ne Ŋwiye ya gha, aghi àfàtì məd kòʼ. Ka Abè ya jiʼì ku yi, anjìm ibḛfiŋ məd, məd we kiri ghàmà.

Mə̀Hibrù 2:17

À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

Mə̀Hibrù 7:27

Mbin tì itog bəd igun bəd mbàn Ŋwiye məjìm yaya nàʼà ighi àfàtì ineg ijìm. Mbɔb ya bì ko nàʼ ighi àfàtì ane ìmbɔb tì inug tibɔ̀ŋ, bɔŋ si nàʼ ighi àfàtì ane inug tibɔ̀ŋ bəd ndəŋ. Chəyi Yeso ya ghi icheg inɔb. Məd ya fə nàʼ àze atog icheg aghi àfàtì ane inug tibɔ̀ŋ bəd məjìm ane ighə̀m imɔʼ.

Mə̀Hibrù 8:3

Mbi ya chɔ̀ʼɔ atog wə̀d igun bəd mbàn Ŋwiye ni gha wì ya nàʼà ighi ni tùtì Ŋwiye fɔrɔ ighi àfàtì abə Ŋwiye. Ane, ze bə̀ kòʼ gha àza tè atog wə̀d igun bəd mbàn Ŋwiye bə̀ bèrì aghi mɔ̀ʼɔ ni nàʼ.

Mə̀Hibrù 8:4

Àkə aghi ne məd ya yaʼi igun isəg nji chəyi wì yaʼi wə̀d mbàn Ŋwiye ka imbə̀ʼ icheg ne bəd mbàn Ŋwiye mbe fə igun isəg ne nàʼà ituti Ŋwiye we ne Mə̀nɔ̀ʼɔ̀ Muse gha.

Mə̀Hibrù 9:9

Anug azo̰ ya tòʼrò abə bəd inga nyùmə̀ gho̰ amad anìŋ gha, chəyi ighi àfàtì mbe ne mbi yaya nàʼà ya beri ika ni sò inug tibɔ̀ŋ abə bəd mbe ne yaya ghùmnə Ŋwiye inga mbàn Ŋwiye ni gha mbe zen mànì.