Mə̀Hibrù 4:2 - Ikan feg

² Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.

Meta’

² Ɨkə̂n chɔ̀m nyaʼa yeʼe ɨ na ɨchî nɨ wɨ nyaʼa bə̀ yeʼe əmbɨ ə bə̂d mbe nɨ nyaʼa ghɨ ɨnû rɨbɔ̀ŋ ɨŋga ɨbad rɨkwàʼi. Mbɨ nyaʼa zu ɨkə̂n we àyɨə chəi wɨ nyaʼa weerɨ mɨ̀mə̌d, ɨmbə̀ʼ ɨghəm nɨ mbɨ nyaʼa zu àyɨə chəi mbɨ nyaʼa benɨ.

Mə̀Hibrù 4:2 Кръстосани препратки

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Ɨ̀fàʼì 3:26

Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Rm 2:25

Ze chwi gha, anug ne ŋwed wə̀d bèrì ighumni anyumə̀ ne mbə̰ mbe nɔ̀ŋɔ̀ mə̀nɔ̀ʼɔ̀ Muse. Àmə yaʼ ne mbə̰ mbe gùghə̀ mə̀nɔ̀ʼɔ̀ Muse, ane ya gha, anug ne ŋwed wə̀d ya ati ako.

Rm 3:3

Si ya gha, chəyi bəd mɔ̀ʼɔ abɔ̀ʼ inən mbe fàʼà anug ne mbi beri ni fàʼ abə Ŋwiye. Ane, Ŋwiye wa biri ton ni fàʼ anug ne wì ya fə nɔŋi gha zìye biri fàʼ?

1 Kɔrèn 13:3

Ka mə nàʼ ighi ijìm ne mə beri abə bəd ne chəyi àzɔb, bə̀ nàʼ ka bèyi ìmə nyɔd gha mbe to̰, àmə chəyi mə̀ kɔ̀ŋɔ̀ bəd, chəyi mə̀ biri bèrì chùd mɔ̀ʼɔ ka.

Gàlesìyà 3:2

Mə biri kɔ̀ŋ ni kyeri anug amɔʼ inən; Ŋwiye kə̀ ya nàʼ àzi Azwighi inən imbə̀ʼ icheg ne mbə̀ ya nɔŋi mə̀nɔ̀ʼɔ̀ kə̀ imbə̀ʼ icheg ne mbə̀ ya zughi ikən chɔm imbə̀ʼ Kristo, bḛ?

Gàlesìyà 3:8

Ìngam Ŋwiye ya fə bì ghum ghà gha, Ŋwiye biri ghì bəd mbe ne kayi mə̀Ju mbi si bəd Ŋwiye anjìm ìwɔb ibḛfiŋ. À ya aton ne, Ŋwiye ya fə bi ghà ikən chɔm gho̰ abə Abràham gha, “Ŋwiye biri chè ine anjìm zì àbɔrɔ̀bɔd igun iben ijìm.”

Gàlesìyà 4:13

Mbə kyèri gha à ya imbə̀ʼ aghɔn ne mə̀ ya bi ghà ikən chɔm gho̰ inən.

1 Tèsàlonikà 1:5

Kayi məyi ane ìngam ichug ne tì ya chèti ikən chɔm inən. Tì ya chètì fɔrɔ ane ika ne Azwighi Ŋwiye ya naʼi ina. Tì ya bə̀ chwi gha ikən chɔm gho̰ ya tesiʼ. Mbə bə̀ kyèri awən ikuchèg ne tì yaya chùghə tì inən ni wètì awən.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

1 Timotì 4:8

Anug ni sèmbì nyɔd ze bɔ̀ŋ. Si ya gha, anug ni kyeri Ŋwiye bɔ̀ŋ chè inug ijìm imbə̀ʼ icheg ne Ŋwiye kàʼ inug ina inga nyùmə̀ isəg gho̰ fɔrɔ inga nyùmə̀ isəg we ne yèʼe.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Mə̀Hibrù 4:6

Anug ze ze kiri chwiyè gha bəd mɔ̀ʼɔ biri nyi inga asiŋi àzwètì ze, ne bəd mbègtog mbe ne ya zughi ikən gho̰ ya sami ni nyi inga imbə̀ʼ icheg ne mbi ya ghì tìzughə̀ abə Ŋwiye.

Jems 1:21

Ane, mbə̀ waʼ izṵ inug ijìm fɔrɔ ikuchèg tibɔ̀ŋ ijìm ne mbə̀ beri. Mbə̀ swi ìwən nyɔd aseg abə Ŋwiye, bḛ ìngam we ne mbi zi inən inga fìŋ icheg ne wə̀d we zìyè ngwèd inga ìseg. Ìngam we we tì wì ghì mbə pum.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.